ବିରାଟ କୋହଲିଙ୍କ ବ୍ୟାଟ୍ରୁ ଆଉ ଏକ ବଡ଼ ରେକର୍ଡର ଅପେକ୍ଷା ରହିଛି। ଦିନିକିଆ ବିଶ୍ୱକପ୍ରେ ସର୍ବାଧିକ ରନ୍ କରିଥିବା ବ୍ୟାଟର ହେବା ପାଇଁ କୋହଲିଙ୍କୁ ଆଉ ୪୮୩ ରନ୍ ଆବଶ୍ୟକ।
ବିଶ୍ୱକପ୍ ଇତିହାସରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ନାଁରେ ୨୨୭୮ ରନ୍ର ରେକର୍ଡ ରହିଛି। ୧୯୯୨ରୁ ୨୦୧୧ ମଧ୍ୟରେ ସଚିନ ୬ଟି ବିଶ୍ୱକପ୍ ଖେଳି ୪୫ଟି ମ୍ୟାଚ୍ରେ ୨୨୭୮ ରନ୍ କରିଥିଲେ। ତାଙ୍କ ବିଶ୍ୱକପ୍ ବ୍ୟାଟିଂ ହାରାହାରି ୫୬.୯୫ ରହିଥିବା ବେଳେ ସେ ୬ଟି ଶତକ ଓ ୧୫ଟି ଅର୍ଦ୍ଧଶତକ ହାସଲ କରିଥିଲେ।
ଅନ୍ୟପକ୍ଷରେ, ବିରାଟ କୋହଲି ଏପର୍ଯ୍ୟନ୍ତ ୩୭ଟି ବିଶ୍ୱକପ୍ ମ୍ୟାଚ୍ରେ ୧୭୯୫ ରନ୍ କରିଛନ୍ତି। ତାଙ୍କ ବିଶ୍ୱକପ୍ ବ୍ୟାଟିଂ ହାରାହାରି ୫୯.୮୩, ଯାହା ସଚିନଙ୍କ ହାରାହାରିଠାରୁ ଅଧିକ। କୋହଲିଙ୍କ ନାଁରେ ବିଶ୍ୱକପ୍ରେ ୫ଟି ଶତକ ଓ ୧୨ଟି ଅର୍ଦ୍ଧଶତକ ରହିଛି।
୨୦୨୩ ଦିନିକିଆ ବିଶ୍ୱକପ୍ରେ ବିରାଟ କୋହଲି ଚମତ୍କାର ପ୍ରଦର୍ଶନ କରିଥିଲେ। ସେ ୧୧ଟି ମ୍ୟାଚ୍ରେ ୭୬୫ ରନ୍ ସଂଗ୍ରହ କରି ଟୁର୍ଣ୍ଣାମେଣ୍ଟର ସର୍ବାଧିକ ରନ୍ ସଂଗ୍ରହକାରୀ ହୋଇଥିଲେ।
ଏବେ ଆଗାମୀ ବିଶ୍ୱକପ୍ରେ କୋହଲି ଯଦି ଆଉ ୪୮୩ ରନ୍ ସଂଗ୍ରହ କରନ୍ତି, ତେବେ ସେ ସଚିନ ତେନ୍ଦୁଲକରଙ୍କ ୨୨୭୮ ରନ୍ର ରେକର୍ଡକୁ ପଛରେ ପକାଇ ବିଶ୍ୱକପ୍ ଇତିହାସରେ ସର୍ବାଧିକ ରନ୍ କରିଥିବା ବ୍ୟାଟର ହୋଇପାରନ୍ତି।
କାଠଯୋଡ଼ି ନଦୀପଠାରେ ଅଭିଯୁକ୍ତଙ୍କୁ ନେଇ ତଦନ୍ତ ...
ଭାରତୀୟ ସିନେମା ଜଗତର ବହୁ ପ୍ରତୀକ୍ଷିତ ଫିଲ୍ମ 'ରାମାୟ...
ଗବେଷଣା ଓ ଉଚ୍ଚଶିକ୍ଷା କ୍ଷେତ୍ରରେ ନୂଆ ସହଯୋଗ ଉଚ୍ଚଶିକ...
ବହୁ ଦିନର ଅପେକ୍ଷା ପରେ ନଭେମ୍ବର ୫ ତାରିଖରେ ସାରା ବିଶ୍ୱର...
ଭୁବନେଶ୍ୱର: ଆର୍ଥିକ ଠକେଇ ମାମଲାରେ ED ଚଢ଼ାଉ ଚାଲିଥିବା ବ...
ଦେଶରେ ଗବେଷଣା ଓ ନୂତନ ଉଦ୍ଭାବନକୁ ଉତ୍ସାହିତ କରିବା ଲକ୍ଷ୍...
ରାଜଧାନୀରେ ପୁଲିସର ସୁରକ୍ଷା ବ୍ୟବସ୍ଥାକୁ ନେଇ ଏକ ଗମ୍ଭୀର...
ବିହାର ବୋର୍ଡର ଦଶମ ଓ ଦ୍ୱାଦଶ ଶ୍ରେଣୀର ୨୦୨୭ ବାର୍ଷିକ ପରୀ...
