ପୁରୀ ଶ୍ରୀଜଗନ୍ନାଥ ମନ୍ଦିରର ପବିତ୍ରରତ୍ନଭଣ୍ଡାରରେ ରଖାଯାଇଥିବା ମହାପ୍ରଭୁଙ୍କ ଅଳଙ୍କାରରଗଣତି-ମଣତି (Ganati-Manati), ଓଜନ ଏବଂ ଡକ୍ୟୁମେଣ୍ଟେସନ କାର୍ଯ୍ୟ ରବିବାର ସମ୍ପନ୍ନ ହୋଇଛି। ଏହି ପ୍ରକ୍ରିୟାରେ ସ୍ନାନ ପୂର୍ଣ୍ଣିମାରେ ବ୍ୟବହୃତ ଅଳଙ୍କାର ସମେତ ବିଭିନ୍ନ ମୂଲ୍ୟବାନ ଗହଣାର ଯାଞ୍ଚ କରାଯାଇଛି।
ଗଣତି ସମୟରେରାହୁ ରେଖା, ସୁନାର ଚିତା, ରୂପାର ରସିକ, ସୁଆ ଠଣ୍ଟିଆଭଳି ପବିତ୍ର ଅଳଙ୍କାରର ଓଜନ କରାଯାଇଥିଲା। ଏହା ସହ ସମଗ୍ର ପ୍ରକ୍ରିୟାରଫଟୋଗ୍ରାଫି, ଭିଡିଓଗ୍ରାଫି ଏବଂ 3D ମ୍ୟାପିଂମଧ୍ୟ କରାଯାଇଛି।
ଶ୍ରୀଜଗନ୍ନାଥ ମନ୍ଦିର ପ୍ରଶାସନ (SJTA)ର ମୁଖ୍ୟ ପ୍ରଶାସକଅରବିନ୍ଦ ପାଢ଼ୀକହିଛନ୍ତି ଯେ, ରତ୍ନ ଓ ଅଳଙ୍କାର ବିଶେଷଜ୍ଞମାନେ ପ୍ରତ୍ୟେକ ରତ୍ନକୁ ସଠିକ୍ ଭାବେ ଚିହ୍ନଟ କରିଥିଲେ। ସମସ୍ତ ଅଳଙ୍କାରକୁ୧୯୭୮ ମସିହାର ଇନଭେଣ୍ଟୋରି ରେକର୍ଡସହ ମେଳ କରାଯାଇଛି।
ରତ୍ନଭଣ୍ଡାର ଯାଞ୍ଚ କମିଟିର ଅଧ୍ୟକ୍ଷନ୍ୟାୟମୂର୍ତ୍ତି ବିଶ୍ୱନାଥ ରଥକହିଛନ୍ତି ଯେ, ରାଜ୍ୟ ସରକାରଙ୍କ ଅନୁମୋଦିତ SOP ଅନୁସାରେ ସମସ୍ତ ପ୍ରକ୍ରିୟା ସ୍ୱଚ୍ଛ ଓ ସୁରକ୍ଷିତ ଭାବେ ସମ୍ପନ୍ନ କରାଯାଇଛି।
ସୂଚନା ଅନୁଯାୟୀ, ମେ ୨୩ ତାରିଖ ପରଠାରୁ ରତ୍ନଭଣ୍ଡାରର ଗଣତି କାର୍ଯ୍ୟ ସ୍ଥଗିତ ରହିଥିଲା। ତେଣୁ ଭିତର ରତ୍ନଭଣ୍ଡାରରେ ରହିଥିବା କିଛି ମୂଲ୍ୟବାନ ଅଳଙ୍କାରର ଗଣତି ଏପର୍ଯ୍ୟନ୍ତ ବାକି ରହିଛି।
ନ୍ୟାୟମୂର୍ତ୍ତି ବିଶ୍ୱନାଥ ରଥ କହିଛନ୍ତି ଯେ,'ଝୋବା' ନାମକ ଅଳଙ୍କାର ବର୍ତ୍ତମାନ ମହାପ୍ରଭୁଙ୍କ ଅଙ୍ଗରେ ଶୋଭା ପାଉଥିବାରୁ ଏହାର ଗଣତି କରାଯାଇପାରିନାହିଁ।ଭବିଷ୍ୟତରେ ଦେବଦେବୀମାନେ ରତ୍ନସିଂହାସନକୁ ଫେରିବା ପରେ ଏହାର ଗଣତି ସମ୍ପନ୍ନ କରାଯିବ।
ଶ୍ରୀମନ୍ଦିର ପ୍ରଶାସନ ଖୁବଶୀଘ୍ର ଭିତର ରତ୍ନଭଣ୍ଡାରର ଅବଶିଷ୍ଟ ଅଳଙ୍କାର ଓ ମୂଲ୍ୟବାନ ସାମଗ୍ରୀର ଗଣତି ଏବଂ ଯାଞ୍ଚ ପାଇଁ ପରବର୍ତ୍ତୀ ତାରିଖ ଘୋଷଣା କରିବ।
କୋଟା ପରେ ଏବେ ଉତ୍ତରାଖଣ୍ଡର ଡେହେରାଦୂନରେ ‘ଛାତ୍ରୋ...
ବ୍ରିଜଟାଉନରେ ଖେଳାଯାଇଥିବା ପାଞ୍ଚ ମ୍ୟାଚ୍‌ ବିଶିଷ୍ଟ...
୨୦ ଦିନରୁ ଅଧିକ ସମୟ ଧରି ଅନଶନରେ ରହିବା ପରେ ଦିଲ୍ଲୀର ସଫଦ...
ଆଜିଠାରୁ ସଂସଦର ମୌସୁମୀ ଅଧିବେଶନ ଆରମ୍ଭ ହୋଇଛି। ଅଧିବେଶନ...
ମହାରାଷ୍ଟ୍ରର ୱର୍ଦ୍ଧା ଜିଲ୍ଲା ନିକଟ ସମୃଦ୍ଧି ଏକ୍ସପ୍ରେସୱ...
ରେଷ୍ଟୁରାଣ୍ଟଗୁଡ଼ିକ ଦ୍ୱାରା ଗ୍ରାହକଙ୍କ ବିଲ୍‌ରେ ବା...
ନୂଆପଡ଼ା ଜିଲ୍ଲାର ଖଡ଼ିଆଳ ଏନ୍ଏସି ଏବେ ବିଜେପି ଦଖଲରେ ଆସି...
ଇଂଲଣ୍ଡ ବିପକ୍ଷ ଦିନିକିଆ ଶୃଙ୍ଖଳାରେ କୁଲଦୀପ ଯାଦବଙ୍କୁ ଲଗ...
ସଂସଦର ମୌସୁମୀ ଅଧିବେଶନର ପ୍ରଥମ ଦିନରୁ ହିଁ ବିରୋଧୀ ଦଳ ବି...
ଫିଫା ବିଶ୍ୱକପ୍ ଫାଇନାଲରେ ସ୍ପେନ୍‌ ନିକଟରେ ପରାଜିତ...
ତ୍ରିପୁରା ପୋଲିସ ମହାନିର୍ଦ୍ଦେଶକ (ଡିଜିପି) ଅନୁରାଗ ଧଙ୍କର...
ବିଶ୍ୱକପ୍ ଫାଇନାଲ୍ ଶେଷ ହେବା ପରେ ପଡ଼ିଆରେ ଆର୍ଜେଣ୍ଟିନା...
