ଗଶାଣୀ ପୀଠକୁ ନେଇ ଏବେ ସମଗ୍ର ଅଞ୍ଚଳରେ ଚର୍ଚ୍ଚା ଜୋର ଧରିଛି। ଭାରତର ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ଗଶାଣୀ ପୀଠ ଦର୍ଶନ କରିପାରନ୍ତି ବୋଲି ସୂଚନା ମିଳିବା ପରେ ଗ୍ରାମବାସୀଙ୍କ ମଧ୍ୟରେ ଅପାର ଉତ୍ସାହ ଦେଖାଦେଇଛି।
ଦେଶର ଦୁଇ ସର୍ବୋଚ୍ଚ ସାମ୍ବିଧାନିକ ପଦାଧିକାରୀଙ୍କ ସମ୍ଭାବ୍ୟ ଗସ୍ତକୁ ଦୃଷ୍ଟିରେ ରଖି ଗଶାଣୀ ପୀଠରେ ପ୍ରସ୍ତୁତି ଜୋରଦାର କରାଯାଇଛି। ପୂଜକ ଓ ସେବାୟତମାନେ ପୂଜାସ୍ଥଳକୁ ସଫାସୁତୁରା କରିବା ସହ ଲିପାପୋଛା ଓ ସଜସଜ୍ଜା କାର୍ଯ୍ୟ ସମ୍ପନ୍ନ କରିଛନ୍ତି।
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହା ସେମାନଙ୍କ ପାଇଁ ଏକ ଐତିହାସିକ ଓ ସ୍ମରଣୀୟ ମୁହୂର୍ତ୍ତ ହେବ। ଗ୍ରାମବାସୀମାନେ ଆଶା କରୁଛନ୍ତି ଯେ, ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଗସ୍ତ ଫଳରେ ଏହି ପୀଠର ଧାର୍ମିକ ଓ ସାଂସ୍କୃତିକ ମହତ୍ତ୍ୱ ଜାତୀୟ ସ୍ତରରେ ଅଧିକ ପରିଚିତ ହେବ।
ଗଶାଣୀ ପୀଠର ଦେହୁରୀ କହିଛନ୍ତି, “ଆମେ କେବେ ସ୍ୱପ୍ନରେ ମଧ୍ୟ ଭାବିନଥିଲୁ ଯେ ଦେଶର ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ଆମ ଗାଁକୁ ଆସିବେ। ସେମାନଙ୍କୁ ନିଜ ଆଖିରେ ଦେଖିବା ସୁଯୋଗ ମିଳିବା ଆମ ପାଇଁ ଗର୍ବର ବିଷୟ।”
ସମ୍ଭାବ୍ୟ ଗସ୍ତକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଉତ୍ସବମୁଖର ପରିବେଶ ସୃଷ୍ଟି ହୋଇଥିବା ବେଳେ ଗଶାଣୀ ପୀଠରେ ଭକ୍ତ ଓ ଦର୍ଶନାର୍ଥୀଙ୍କ ଆଗମନ ମଧ୍ୟ ବଢ଼ିଛି।
ଏହି ଗସ୍ତ ସମ୍ପର୍କରେ ସରକାରୀ ସ୍ତରରେ ଅନ୍ତିମ ସୂଚନା ଅପେକ୍ଷାରେ ଥିବା ବେଳେ ସ୍ଥାନୀୟ ପ୍ରଶାସନ ମଧ୍ୟ ସମ୍ଭାବ୍ୟ ପ୍ରସ୍ତୁତି ଉପରେ ନଜର ରଖିଛି।
ଭାରତର ନୂଆ GDP ତଥ୍ୟକୁ ନେଇ ଚାଲିଥିବା ବିତର୍କ ଧୀରେ ଧୀରେ...
Byju’sର ପ୍ୟାରେଣ୍ଟ କମ୍ପାନୀ **Think and Learn...
ଆମେରିକାର ମାସାଚୁସେଟ୍ସରେ ନିଜ ୩ ଛୋଟ ସନ୍ତାନଙ୍କ ମୃତ୍ୟୁ...
ମାଢ଼ି ରୋଗ ଏବଂ ଆଲ୍ଜାଇମର୍ସ ରୋଗ ମଧ୍ୟରେ କୌଣସି ସମ୍ପର୍କ...
ଆମେରିକା-ଚୀନ୍ ବାଣିଜ୍ୟ ସମ୍ପର୍କ ମଧ୍ୟରେ ଆଉ ଏକ ବଡ଼ କୂଟନ...
ପ୍ରାୟ ଏକ ଦଶନ୍ଧି ଧରି ପଶ୍ଚିମବଙ୍ଗରେ ମମତା ବାନାର୍ଜୀ ସରକ...
ପଶ୍ଚିମବଙ୍ଗରେ ଡେଙ୍ଗୁ ମୁକାବିଲା ପାଇଁ ସ୍କୁଲ ଛାତ୍ରଛାତ୍ର...
କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୂଷ ଗୋୟଲ ଶୁକ୍ରବା...
