ମୁମ୍ବାଇ:ଭାରତର ଫିନ୍ଟେକ୍ କ୍ଷେତ୍ରର ସଫଳତା କେବଳ ଡିଜିଟାଲ୍ ପେମେଣ୍ଟ ଓ UPIରେ ଅଟକି ରହିବା ଉଚିତ ନୁହେଁ। ଏବେ କ୍ରେଡିଟ୍, ସଞ୍ଚୟ, ପେନ୍ସନ୍, ବୀମା ଓ ଅନ୍ୟାନ୍ୟ ଆର୍ଥିକ ସେବାକୁ ଅଧିକ ସହଜ ଓ ସୁଲଭ କରିବା ଆବଶ୍ୟକ ବୋଲି କହିଛନ୍ତିପ୍ରଧାନମନ୍ତ୍ରୀ ନରେନ୍ଦ୍ର ମୋଦି।

ମୁମ୍ବାଇରେ ଆୟୋଜିତGlobal Fintech Fest 2026ରେ ଉଦ୍ବୋଧନ ଦେଇ ମୋଦି କହିଛନ୍ତି, ଭାରତୀୟ ଫିନ୍ଟେକ୍ କ୍ଷେତ୍ର ଏବେ ବଡ଼ ସଫଳତା ହାସଲ କରିଛି। ଆଗାମୀ ପର୍ଯ୍ୟାୟରେ ଭାରତ ନିଜର ଫିନ୍ଟେକ୍ ବ୍ୟବସ୍ଥା ଓ ମାନକକୁ ବିଶ୍ୱସ୍ତରରେ ପହଞ୍ଚାଇବା ସହ ନୂଆ ପ୍ରଯୁକ୍ତି ମାଧ୍ୟମରେ ଅଧିକ ଲୋକଙ୍କୁ ଆର୍ଥିକ ସେବା ସହ ଯୋଡ଼ିବା ଆବଶ୍ୟକ।

ଭାରତର ସଂସ୍କାର ଉପରେ ବିଶ୍ୱର ବିଶ୍ୱାସ ବଢ଼ୁଛି

ମୋଦି କହିଛନ୍ତି, ନିକଟରେ ଜାପାନର ଏକ କ୍ରେଡିଟ୍ ରେଟିଂ ଏଜେନ୍ସି ଭାରତରସୋଭରେନ୍ କ୍ରେଡିଟ୍ ରେଟିଂକୁ A- ଶ୍ରେଣୀକୁ ଅପଗ୍ରେଡ୍କରିଛି। ପ୍ରାୟ ୩୦ ବର୍ଷ ପରେ ଏଭଳି ଅପଗ୍ରେଡ୍ ହୋଇଥିବାରୁ ଏହାକୁ ସେ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି।

ଭାରତର ଆର୍ଥିକ ବିକାଶ, ମାକ୍ରୋଇକୋନୋମିକ୍ ସ୍ଥିରତା ଏବଂ ଗତ କିଛି ବର୍ଷରେ କରାଯାଇଥିବା ଗଠନମୂଳକ ସଂସ୍କାର ଉପରେ ଏହା ବିଶ୍ୱର ବଢ଼ୁଥିବା ବିଶ୍ୱାସକୁ ପ୍ରତିଫଳିତ କରୁଛି ବୋଲି ମୋଦି କହିଛନ୍ତି। ଭାରତର ସଂସ୍କାର ପ୍ରକ୍ରିୟା ଆହୁରି ଦ୍ରୁତ ଗତିରେ ଜାରି ରହିବ ବୋଲି ସେ କହିଛନ୍ତି।

UPI ବିନା ଭାରତର ଫିନ୍ଟେକ୍ କାହାଣୀ ଅସମ୍ପୂର୍ଣ୍ଣ

ଭାରତର ଫିନ୍ଟେକ୍ ଯାତ୍ରାକୁ ମୋଦି“ଅସାଧାରଣ”ବୋଲି ବର୍ଣ୍ଣନା କରି UPIକୁ ଏହାର ଅନ୍ୟତମ ବଡ଼ ଚାଳକ ବୋଲି କହିଛନ୍ତି।

ଅଗଷ୍ଟ ୨୫ରେ UPI ଏହାର୧୦ ବର୍ଷ ପୂରଣ କରିଥିବାକଥା ଉଲ୍ଲେଖ କରି ସେ କହିଛନ୍ତି, ଡିଜିଟାଲ୍ ପେମେଣ୍ଟ ବ୍ୟବସ୍ଥାର ପ୍ରାରମ୍ଭିକ ଦିନରେ ଲୋକଙ୍କ ହାତ ପାହାନ୍ତାରେ ବ୍ୟାଙ୍କିଂ ସେବା ମିଳିବା କଥା ଅନେକଙ୍କ ପାଇଁ ଅସମ୍ଭବ ଭଳି ଲାଗୁଥିଲା।

ଏବେ ପିଢ଼ି ପିଢ଼ି ଧରି ବ୍ୟାଙ୍କିଂ ବ୍ୟବସ୍ଥା ବାହାରେ ଥିବା ଲକ୍ଷ ଲକ୍ଷ ଭାରତୀୟ ଏହାର ଅଂଶ ହୋଇଛନ୍ତି ଏବଂ ସମାବେଶୀ ବିକାଶରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଉଛନ୍ତି ବୋଲି ସେ କହିଛନ୍ତି।

ମୋଦିଙ୍କ ଅନୁସାରେ, ଅଗଷ୍ଟ ମାସରେ UPIରେ୨,୪୦୦ କୋଟିରୁ ଅଧିକ ଟ୍ରାଞ୍ଜାକ୍ସନ୍ହୋଇଛି। ଦେଶରେ ମାତ୍ର ୧୦ ମିନିଟ୍ରେ୫୦ ଲକ୍ଷରୁ ଅଧିକ UPI ଟ୍ରାଞ୍ଜାକ୍ସନ୍ହୋଇପାରେ ବୋଲି ସେ ଉଲ୍ଲେଖ କରିଛନ୍ତି।

ଅଧିକ ଦେଶରେ UPI ପହଞ୍ଚାଇବାକୁ ଆହ୍ୱାନ

ଭାରତର ବଡ଼ ବାଣିଜ୍ୟିକ ସହଭାଗୀ ଦେଶ ଏବଂ ଯେଉଁ ଦେଶରେ ବହୁ ସଂଖ୍ୟକ ଭାରତୀୟ ରହୁଛନ୍ତି କିମ୍ବା କାମ କରୁଛନ୍ତି, ସେହି ଦେଶଗୁଡ଼ିକ ସହ UPIକୁ ଯୋଡ଼ିବା ପାଇଁ ଭାରତ କାମ କରିବା ଉଚିତ ବୋଲି ମୋଦି କହିଛନ୍ତି।

ବିଦେଶରେ କାମ କରୁଥିବା ଅନେକ ଭାରତୀୟ ଦେଶକୁ ଟଙ୍କା ପଠାନ୍ତି। କିନ୍ତୁ ଟଙ୍କା ପଠାଇବା ସମୟରେ ଟ୍ରାଞ୍ଜାକ୍ସନ୍ ଫି’ରେ ଏକ ଅଂଶ ଖର୍ଚ୍ଚ ହୋଇଯାଏ। UPI ଏହି ଖର୍ଚ୍ଚ କମାଇବା ସହ ଭାରତୀୟ ପରିବାର ପାଖରେ ଶୀଘ୍ର ଟଙ୍କା ପହଞ୍ଚାଇବାରେ ସହାୟକ ହୋଇପାରିବ ବୋଲି ସେ କହିଛନ୍ତି।

ଏଥିସହ ଭାରତ ନିଜସ୍ୱ ନିୟମ ଓ ମାନକ ତିଆରି କରି ତାହାକୁ ବିଶ୍ୱ ସହ ଯୋଡ଼ିବାର ସୁଯୋଗ ଏବେ ପାଇଛି ବୋଲି ମୋଦି କହିଛନ୍ତି।

ଏବେ ଫିନ୍ଟେକ୍ର ଫୋକସ୍ ହେଉ କ୍ରେଡିଟ୍

ମୋଦି କହିଛନ୍ତି, ଫିନ୍ଟେକ୍ର ଆଗାମୀ ପର୍ଯ୍ୟାୟ କେବଳ ପେମେଣ୍ଟରେ ସୀମିତ ରହିବା ଉଚିତ ନୁହେଁ।କ୍ରେଡିଟ୍ ଓ ଅନ୍ୟାନ୍ୟ ଆର୍ଥିକ ସେବାକୁ ମଧ୍ୟ ସହଜରେ ଲୋକଙ୍କ ପାଖରେ ପହଞ୍ଚାଇବାକୁ ହେବ।

ଏହାର ଉଦାହରଣ ଦେଇ ସେ ଏକ ଛୋଟ ଦୋକାନ ଚଳାଉଥିବା ମହିଳାଙ୍କ କଥା କହିଥିଲେ। ସେ ପ୍ରତିଦିନ ଡିଜିଟାଲ୍ ପେମେଣ୍ଟ ଗ୍ରହଣ କରୁଛନ୍ତି। ତାଙ୍କ ଆୟ ଓ ଖର୍ଚ୍ଚର ଡିଜିଟାଲ୍ ରେକର୍ଡ ଦ୍ୱାରା ବ୍ୟବସାୟର ସ୍ଥିତି ସମ୍ପର୍କରେ ସ୍ପଷ୍ଟ ଚିତ୍ର ମିଳିପାରେ।

ବ୍ୟବସାୟ ବଢ଼ିବା ସହ ମାଲ୍ କିଣିବା କିମ୍ବା ଯନ୍ତ୍ରପାତି ପାଇଁ ଟଙ୍କା ଆବଶ୍ୟକ ହୋଇପାରେ। କିନ୍ତୁ ପାରମ୍ପରିକ କ୍ରେଡିଟ୍ ବ୍ୟବସ୍ଥା ପାଇଁ ଆବଶ୍ୟକ ଟଙ୍କାର ପରିମାଣ ହୁଏତ ଅତି କମ୍ ହୋଇପାରେ। ଫିନ୍ଟେକ୍ କମ୍ପାନୀଗୁଡ଼ିକ ଏଭଳି ବ୍ୟବସାୟର ଡିଜିଟାଲ୍ ତଥ୍ୟ ବିଶ୍ଳେଷଣ କରି ଉପଯୁକ୍ତ କ୍ରେଡିଟ୍ ମଡେଲ୍ ତିଆରି କରିପାରିବେ ବୋଲି ମୋଦି କହିଛନ୍ତି।

ସେ କହିଛନ୍ତି,ପେମେଣ୍ଟରେ ଭାରତ ଗତି ଓ ବ୍ୟାପକତା ଦେଖାଇଛି, ଏବେ ନନ୍-ପେମେଣ୍ଟ ଫାଇନାନ୍ସିଆଲ୍ ଟ୍ରାଞ୍ଜାକ୍ସନ୍ର ଅଂଶ ବଢ଼ାଇବାକୁ ହେବ।

ସଞ୍ଚୟ, ପେନ୍ସନ୍ ଓ ବୀମାକୁ ସହଜ କରିବ ଫିନ୍ଟେକ୍

ଡେଲିଭରି କର୍ମଚାରୀ ଏବଂ ଛୋଟ ବ୍ୟବସାୟୀଙ୍କୁସଞ୍ଚୟ ଓ ପେନ୍ସନ୍ ଯୋଜନାସହ ଯୋଡ଼ିବାରେ ଫିନ୍ଟେକ୍ ଗୁରୁତ୍ୱପୂର୍ଣ୍ଣ ଭୂମିକା ନେଇପାରିବ ବୋଲି ମୋଦି କହିଛନ୍ତି।

ସେହିପରି ବୀମା ଓ ଅନ୍ୟାନ୍ୟ ଆର୍ଥିକ ସେବାକୁ ମଧ୍ୟ ଟେକ୍ନୋଲୋଜି ମାଧ୍ୟମରେ ସହଜ କରାଯାଇପାରିବ। QR କୋଡ୍ ସ୍କାନ୍ କରି ପେମେଣ୍ଟ କରିବା ଯେତିକି ସରଳ, ଏହି ସେବାଗୁଡ଼ିକ ମଧ୍ୟ ସେତିକି ସହଜ, ସୁଗମ ଓ ସର୍ବସାଧାରଣଙ୍କ ପାଇଁ ଉପଲବ୍ଧ ହେବା ଉଚିତ ବୋଲି ସେ କହିଛନ୍ତି।

Agentic AI, Tokenisation ଓ Quantum Technology ଉପରେ ଫୋକସ୍

ମୋଦି କହିଛନ୍ତି,୨୦୨୬ ଆର୍ଥିକ କ୍ଷେତ୍ର ପାଇଁ ନୂଆ ସମ୍ଭାବନା ଖୋଲିଛି।Agentic AI, Tokenisation ଏବଂ Quantum Technology ଭଳି ପ୍ରଯୁକ୍ତି ନୂଆ ସୁଯୋଗ ସୃଷ୍ଟି କରୁଛି।

ତେବେ କେବଳ ନୂଆ ପ୍ରଯୁକ୍ତି ଆସିବା ଯଥେଷ୍ଟ ନୁହେଁ। ଏହି ପ୍ରଯୁକ୍ତିକୁବାସ୍ତବ ଜୀବନରେ ପ୍ରଭାବଶାଳୀ ସମାଧାନରେ ପରିଣତ କରିବାହିଁ ମୁଖ୍ୟ ଚ୍ୟାଲେଞ୍ଜ ବୋଲି ମୋଦି କହିଛନ୍ତି।

ଫିନ୍ଟେକ୍ କମ୍ପାନୀଗୁଡ଼ିକ ଏକାଠି ହୋଇ ସ୍ପଷ୍ଟ ଲକ୍ଷ୍ୟ ନିର୍ଦ୍ଧାରଣ କରିବାକୁ ସେ ଆହ୍ୱାନ କରିଛନ୍ତି।

ଫିନ୍ଟେକ୍ ପାଇଁ ମୋଦିଙ୍କ ୪ଟି ପ୍ରାଥମିକତା

ଫିନ୍ଟେକ୍ କ୍ଷେତ୍ର ପାଇଁ ମୋଦି ଚାରିଟି ମୁଖ୍ୟ ପ୍ରାଥମିକତା ରଖିଛନ୍ତି।

1. ସାଇବର ସିକ୍ୟୁରିଟିକୁ ସର୍ବୋଚ୍ଚ ସ୍ତରକୁ ନେବା।
2. ଫିନ୍ଟେକ୍ କ୍ଷେତ୍ର ପାଇଁ ନିଜସ୍ୱ ନୈତିକ ଡାଟା ସୁରକ୍ଷା ମାନକ ତିଆରି କରିବା।
3. ଫିନ୍ଟେକ୍, ନିୟାମକ ଓ ଶିଳ୍ପ କ୍ଷେତ୍ର ମଧ୍ୟରେ ମଜବୁତ ଇନୋଭେସନ୍ ଇକୋସିଷ୍ଟମ୍ ତିଆରି କରିବା।
4. କମ୍ପାନୀଗୁଡ଼ିକର ସ୍ୱଚ୍ଛ ରେଟିଂ ପାଇଁ Fintech Consumer Protection Index ଆଣିବା।

ଏହି କ୍ଷେତ୍ରଗୁଡ଼ିକ ଉପରେ କାମ କଲେ ଭାରତୀୟ ଫିନ୍ଟେକ୍ ଶିଳ୍ପ ଅସଂଖ୍ୟ ନୂଆ ସମ୍ଭାବନାର ଦ୍ୱାର ଖୋଲିପାରିବ ବୋଲି ମୋଦି କହିଛନ୍ତି।

‘ନେକ୍ସଟ୍-ଜେନେରେସନ୍ ଇନୋଭେସନ୍’ ଉପରେ ଗୁରୁତ୍ୱ

ଭାରତ ଫିନ୍ଟେକ୍ କ୍ଷେତ୍ରର ସଫଳତାକୁ ପରବର୍ତ୍ତୀ ସ୍ତରକୁ ନେବାର ଅଭିଜ୍ଞତା ଓ କ୍ଷମତା ରଖିଛି ବୋଲି ମୋଦି କହିଛନ୍ତି।

ଏପର୍ଯ୍ୟନ୍ତ ଫିନ୍ଟେକ୍ର ସଫଳତାବ୍ୟାପକତା, ସୁରକ୍ଷିତ ବ୍ୟବସ୍ଥା, ଗଣତାନ୍ତ୍ରିକରଣ, ପ୍ରଯୁକ୍ତି ଓ ଜନସାଧାରଣଙ୍କ ବିଶ୍ୱାସଉପରେ ଆଧାରିତ। ଏହି ମୂଲ୍ୟବୋଧକୁ ବଜାୟ ରଖି ଏବେ ନୂଆ ପିଢ଼ିର ଇନୋଭେସନ୍ ଉପରେ ଗୁରୁତ୍ୱ ଦେବା ସହ ନୂଆ ଧାରଣାକୁ ଶୀଘ୍ର ବାସ୍ତବ ପ୍ରଭାବରେ ପରିଣତ କରିବାକୁ ଫିନ୍ଟେକ୍ କ୍ଷେତ୍ରକୁ ମୋଦି ଆହ୍ୱାନ କରିଛନ୍ତି।