ରାୟଗଡ଼ା ବ୍ଲକ ପେଣ୍ଟା ଉଚ୍ଚ ବିଦ୍ୟାଳୟର ହଷ୍ଟେଲରେ ରାଗିଂ ଅଭିଯୋଗକୁ ନେଇ ଭାଇରାଲ ହୋଇଥିବା ଭିଡିଓକୁ ନେଇ ଘଟଣା ନୂଆ ମୋଡ଼ ନେଇଛି। ତଦନ୍ତ ପରେ ଭାଇରାଲ ଭିଡିଓରେ ରାଗିଂ ନେଇ ଯାହା ଦେଖାଯାଉଛି, ତାହା ସତ ନୁହେଁ ବୋଲି ଜିଲ୍ଲା ପ୍ରଶାସନ କହିଛି।
ଗତକାଲି ପେଣ୍ଟା ଉଚ୍ଚ ବିଦ୍ୟାଳୟ ହଷ୍ଟେଲର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଭିଡିଓରେ ଜଣେ ଦଶମ ଶ୍ରେଣୀର ଛାତ୍ର ଅଷ୍ଟମ ଶ୍ରେଣୀର ଜଣେ ଛାତ୍ରଙ୍କୁ ମାଡ଼ ମାରିବା ସହ ବାସନ ଧୋଇବା ଓ ଲୁଗାପଟା ସଫା କରିବାକୁ ବାଧ୍ୟ କରୁଥିବା ଦୃଶ୍ୟ ଥିବା ଅଭିଯୋଗ ହୋଇଥିଲା। ଛାତ୍ର ଜଣକ କାନ୍ଦି କାନ୍ଦି ନିର୍ଯାତନା ସମ୍ପର୍କରେ କହୁଥିବା ମଧ୍ୟ ଭିଡିଓରେ ଦେଖାଯାଇଥିଲା।
ଭିଡିଓ ଭାଇରାଲ ପରେ ଜିଲ୍ଲା ପ୍ରଶାସନ ତଦନ୍ତ ନିର୍ଦ୍ଦେଶ ଦେଇଥିଲା। ତଦନ୍ତ ପରେ ଜିଲ୍ଲା ମଙ୍ଗଳ ସମ୍ପ୍ରସାରଣ ଅଧିକାରୀ କହିଛନ୍ତି ଯେ, ଛାତ୍ରଙ୍କୁ ଡରାଇ ଓ ଧମକାଇ ହଷ୍ଟେଲ ଭିତରକୁ ପ୍ରବେଶ କରାଯାଇଥିଲା ଏବଂ ତାଙ୍କୁ ମିଛ କହିବାକୁ ବାଧ୍ୟ କରି ଭିଡିଓ ରେକର୍ଡ କରାଯାଇଥିଲା। ଏହା ପ୍ରଶାସନକୁ ବଦନାମ କରିବା ପାଇଁ ଏକ ଷଡ଼ଯନ୍ତ୍ର ବୋଲି ଅଧିକାରୀ ଦାବି କରିଛନ୍ତି।
ଭାଇରାଲ ଭିଡିଓକୁ ସୋସିଆଲ ମିଡିଆରେ ପ୍ରସାର କରିଥିବା ଅଭିଯୋଗରେ ଛାତ୍ରଙ୍କ ସମ୍ପର୍କୀୟପଙ୍କଜ ନାଏକ ଓ ରାହୁଲ ନାଏକଙ୍କ ନାଁରେ ଚାନ୍ଦିଲି ଥାନାରେ ଏତଲା ହୋଇଛି।
ସେପଟେ ହଷ୍ଟେଲ ରୋଷେୟାଆନନ୍ଦ ମାଣ୍ଡାଙ୍ଗିଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି। ତଦନ୍ତରୁ ଜଣାପଡ଼ିଥିବା ଅନୁସାରେ, ତାଙ୍କ ମୋବାଇଲ ଫୋନରୁ ହିଁ ମାଡ଼ ଖାଇଥିବା ଛାତ୍ର ନିଜ ସମ୍ପର୍କୀୟଙ୍କୁ ଫୋନ୍ କରି ଡାକିଥିଲେ।
ଅନ୍ୟପଟେ, ଭିଡିଓରେ ମାଡ଼ ମାରୁଥିବା ଦେଖାଯାଇଥିବା ଦଶମ ଶ୍ରେଣୀର ଛାତ୍ରଙ୍କୁ୧୫ ଦିନ ପାଇଁ ହଷ୍ଟେଲରୁ ବାଦ୍ଦିଆଯାଇଛି।
ଗତକାଲି ସନ୍ଧ୍ୟାରେ ପୁଲିସ ଓ ଜିଲ୍ଲା ପ୍ରଶାସନର ଅଧିକାରୀମାନେ ହଷ୍ଟେଲରେ ପହଞ୍ଚି ଛାତ୍ରଛାତ୍ରୀଙ୍କୁ କାଉନସେଲିଂ କରିଥିଲେ। ଏବେ ଭାଇରାଲ ଭିଡିଓ, ପ୍ରଶାସନର ତଦନ୍ତ ରିପୋର୍ଟ ଏବଂ ଏତଲାକୁ ନେଇ ମାମଲାଟି ଚର୍ଚ୍ଚାରେ ରହିଛି।
ଏସିଆରେ ଚୀନ୍ ଓ ଜାପାନ ମଧ୍ୟରେ ସାମରିକ ତିକ୍ତତାକୁ ନେଇ ନୂ...
ମାତ୍ର୨୧ ବର୍ଷ ବୟସ, ଓଜନ ୪୫.୭ କେଜି। ଶରୀର ଗଠନ ସ୍ଲିମ୍,...
ଟିମ୍ ଇଣ୍ଡିଆର ‘ହିଟ୍‌ମ୍ୟାନ୍’ ରୋହିତ...
ନ୍ୟୁଜିଲାଣ୍ଡ ଗସ୍ତ ପୂର୍ବରୁ ଭାରତୀୟ ଦଳକୁ ନେଇ ବଡ଼ ବୟାନ...
ନେପାଳରେ ପ୍ରଳୟଙ୍କରୀ ବନ୍ୟାକୁ ୧୩ ଦିନ ବିତିଯାଇଥିଲେ ମଧ୍ୟ...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
ଚୀନରେ ପ୍ରକୃତିର ତାଣ୍ଡବ ଜାରି ରହିଛି। ଘୂର୍ଣ୍ଣିଝଡ଼ &lsq...
ଅଷ୍ଟ୍ରେଲିଆର ଲୋକପ୍ରିୟ ଟି-୨୦ ଟୁର୍ଣ୍ଣାମେଣ୍ଟ ବିଗ୍ ବ୍ୟା...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
