ମାତ୍ର୨୧ ବର୍ଷ ବୟସ, ଓଜନ ୪୫.୭ କେଜି। ଶରୀର ଗଠନ ସ୍ଲିମ୍, କିନ୍ତୁ ଶକ୍ତି ଦେଖିଲେ ଚକିତ ହୋଇଯିବେ। ନିଜ ଶରୀର ଓଜନଠାରୁ ୩ ଗୁଣାରୁ ଅଧିକ ଭାର ଉଠାଇ ଭାରତୀୟ ପାୱାରଲିଫ୍ଟରକେୟା କୁନାଲ ବାନାର୍ଜୀଅନ୍ତର୍ଜାତୀୟ ସ୍ତରରେ ଚର୍ଚ୍ଚାକୁ ଆସିଛନ୍ତି।
ଦକ୍ଷିଣ ଆଫ୍ରିକାରେ ଆୟୋଜିତIPF World Sub-Junior and Junior Classic Powerlifting Championshipରେ କେୟା ଜୁନିୟର ମହିଳା ୪୭ କେଜି ବର୍ଗରେ ଅଂଶଗ୍ରହଣ କରିଥିଲେ। ଡେଡଲିଫ୍ଟ ଇଭେଣ୍ଟରେ ସେ୧୪୦ କେଜି ଭାର ଉଠାଇ ରୌପ୍ୟ ପଦକଜିତିଛନ୍ତି।
କେୟାଙ୍କ ପ୍ରତିଯୋଗିତା ସମୟର ଓଜନ ପ୍ରାୟ୪୫.୭୦ କେଜିଥିଲା। ସେ ୧୪୦ କେଜି ଡେଡଲିଫ୍ଟ କରିଥିବାରୁ ଏହା ତାଙ୍କ ଶରୀର ଓଜନର ପ୍ରାୟ୩.୦୬ ଗୁଣା। ଏହି ଅସାଧାରଣ strength-to-bodyweight ratio ତାଙ୍କ ପ୍ରଦର୍ଶନକୁ ବିଶେଷ କରିଛି।
ଏହି ଇଭେଣ୍ଟରେ ଫ୍ରାନ୍ସରଇନେସ୍ ହର୍ବୋ୧୬୫ କେଜି ଡେଡଲିଫ୍ଟ କରି ସ୍ୱର୍ଣ୍ଣ ପଦକ ଜିତିଥିଲେ। ଆୟରଲ୍ୟାଣ୍ଡରବ୍ଲାଥନାଇଡ୍ ଓ'ଡ୍ୱାୟରମଧ୍ୟ ୧୪୦ କେଜି ଭାର ଉଠାଇଥିଲେ।
ଗୁରୁଗ୍ରାମର କେୟା କୁନାଲ ବାନାର୍ଜୀ ମନସ୍ତତ୍ତ୍ୱ ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିଛନ୍ତି। ପାୱାରଲିଫ୍ଟିଂରେ ଆସିବା ତାଙ୍କର ପୂର୍ବ ଯୋଜନା ନଥିଲା।
କଲେଜର ଦ୍ୱିତୀୟ ବର୍ଷରେ ସେ ନିଜ ସ୍ୱାସ୍ଥ୍ୟର ଯତ୍ନ ନେବା ପାଇଁ ଜିମ୍ ଯିବା ଆରମ୍ଭ କରିଥିଲେ। ସେଠାରେ ତାଙ୍କର ଜଣେ ଘନିଷ୍ଠ ବନ୍ଧୁଙ୍କ ସହ ପରିଚୟ ହୋଇଥିଲା, ଯିଏ ନିଜେ ଜଣେ ପାୱାରଲିଫ୍ଟର ଥିଲେ ଏବଂ ବିଶ୍ୱସ୍ତରୀୟ ପ୍ରତିଯୋଗିତାରେ ଭାଗ ନେଇଥିଲେ।
ବନ୍ଧୁଙ୍କ ମାଧ୍ୟମରେ କେୟା ପାୱାରଲିଫ୍ଟିଂ ସହ ପରିଚିତ ହୋଇଥିଲେ। ଏହି ଖେଳ ପ୍ରତି ଆଗ୍ରହ ବଢ଼ିବା ପରେ ସେ ବନ୍ଧୁଙ୍କୁ ତାଙ୍କୁ ଟ୍ରେନିଂ ଦେବାକୁ ଅନୁରୋଧ କରିଥିଲେ।
ଆଜି ସେହି ପ୍ରଶିକ୍ଷଣ ଓ ପରିଶ୍ରମର ଫଳସ୍ୱରୂପ ଅନ୍ତର୍ଜାତୀୟ ମଞ୍ଚରେ ରୌପ୍ୟ ପଦକ ଜିତି ଭାରତର ନାଁ ଉଚ୍ଚ କରିଛନ୍ତି କେୟା।
ସୁସ୍ଥ ରହିବା ପାଇଁ ପ୍ରତିଦିନ ସପ୍ଲିମେଣ୍ଟ ଖାଇବା ଜରୁରୀ କ...
ଆଧୁନିକ ଚିକିତ୍ସା ବିଜ୍ଞାନ ଅନେକ ରୋଗର ଚିହ୍ନଟ ଓ ଚିକିତ୍ସ...
କର୍କଟ ରୋଗର ଚିକିତ୍ସା ଖର୍ଚ୍ଚ ଅନେକ ପରିବାର ପାଇଁ ବଡ଼ ଆର...
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ପରବର୍ତ୍ତୀ...
ବାତ୍ୟା ‘ଅର୍ଣ୍ଣବ’ର ପ୍ରଭାବରୁ ଓଡ଼ିଶା ଏବେ...
ଦୁର୍ବଳ ହେଲା ବାତ୍ୟା ମୁରାସୁ, ଓଡ଼ିଶାରେ ଆହୁରି ୨ ଦିନ ବର...
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ଓ ଏହା ପରେ...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
