ଓଡ଼ିଶାର ମାଲକାନଗିରି ଓ କୋରାପୁଟର ଯେଉଁ ଅଞ୍ଚଳ କେବେ ଗଞ୍ଜେଇ ଚାଷ ସହ ଯୋଡ଼ି ଦେଖାଯାଉଥିଲା, ସେଠାରେ ଏବେ କୃଷି କ୍ଷେତ୍ରରେ ଏକ ନୂଆ ପରିବର୍ତ୍ତନ ଦେଖାଦେଇଛି। ଆଦିବାସୀ ମହିଳାମାନେ ଦୁର୍ଲଭ ଓ ଦେଶୀ ‘କଳା ଧାନ’ ଚାଷ କରି ନୂଆ ଜୀବିକାର ସୁଯୋଗ ସୃଷ୍ଟି କରୁଛନ୍ତି।
ମାଲକାନଗିରି ଜିଲ୍ଲା କାଲିମେଳା ବ୍ଲକର ଟେଲେରାଇ ଅଞ୍ଚଳରେ କଳାବତୀ, କଳା ମୋଲି ଓ କଳା ଜିରା ଭଳି ଦେଶୀ କିସମର ଧାନ ଚାଷ କରାଯାଉଛି। ଏହି ପଦକ୍ଷେପରେ ଆଦିବାସୀ ମହିଳାଙ୍କ ଭୂମିକା ଅଧିକ ରହିଛି। ଧାନ ମିଲିଂ ପରେ କଳା ଚାଉଳ ପ୍ରାୟ କିଲୋପ୍ରତି ୧୦୦ ଟଙ୍କାରେ ବିକ୍ରି ହେଉଛି। ଏଥିରୁ ଜଡ଼ିତ ମହିଳାମାନେ ମାସକୁ ପ୍ରାୟ ୪ରୁ ୫ ହଜାର ଟଙ୍କା ଆୟ କରୁଥିବା କୁହାଯାଇଛି।
କୋରାପୁଟର ବୋରିଗୁମ୍ମା, ଜୟପୁର, କୋଟପାଡ଼ ଓ ଦଶମନ୍ତପୁର ଅଞ୍ଚଳରେ ମଧ୍ୟ ଚାଷୀମାନେ ଦେଶୀ କଳା ଧାନ ଚାଷ କରୁଛନ୍ତି। କୋରାପୁଟ ଜିଲ୍ଲା ପ୍ରଶାସନ ପକ୍ଷରୁ ମହିଳା ଚାଷୀମାନଙ୍କୁ କଳା ଧାନ ବିହନ ଓ ମିଲିଂ ମେସିନ୍ ଯୋଗାଇ ଦିଆଯାଇଛି।
ତେବେ ଏହି ଚାଷର ଚାହିଦା ବଢ଼ୁଥିଲେ ମଧ୍ୟ ନିୟମିତ ବଜାର, ବିକ୍ରି ବ୍ୟବସ୍ଥା ଓ ପ୍ରଚାରର ଅଭାବ ଚାଷୀଙ୍କ ପାଇଁ ବଡ଼ ସମସ୍ୟା ହୋଇଛି। ମହିଳାମାନେ ସ୍ଥାୟୀ ଷ୍ଟଲ୍, ଉନ୍ନତ ବଜାର ସୁବିଧା ଓ ଉତ୍ପାଦନଠାରୁ ବିକ୍ରି ପର୍ଯ୍ୟନ୍ତ ସରକାରୀ ସହଯୋଗ ଦାବି କରିଛନ୍ତି।
କଳା ଧାନକୁ ପୁଷ୍ଟିକର ଓ ଆଣ୍ଟିଅକ୍ସିଡାଣ୍ଟ ଥିବା ଧାନ ଭାବେ ଉଲ୍ଲେଖ କରାଯାଇଛି। ଏହାର ବଜାର ବ୍ୟବସ୍ଥା ଆହୁରି ସୁଦୃଢ଼ ହେଲେ ଆଦିବାସୀ ମହିଳାଙ୍କ ଆୟ ଓ ଆତ୍ମନିର୍ଭରତା ବଢ଼ିପାରିବ।
ନୂଆଦିଲ୍ଲୀ: ବିଜେପିର ଜାତୀୟ ସଂଗଠନରେ ବଡ଼ ଧରଣର ପରିବର୍ତ୍...
ଜାମ୍ବିଆରେ ରାଷ୍ଟ୍ରପତି ନିର୍ବାଚନ ପରେ ରାଜନୈତିକ ଉତ୍ତେଜନ...
ପୁରୀ ଜିଲ୍ଲା ଚାରିଛକ ଥାନା ଅଧୀନ ଦୁର୍ଗେଶ୍ୱର ବାହାରଣା ଗା...
ଗଞ୍ଜାମ ଜିଲ୍ଲା ଦିଗପହଣ୍ଡିର ରାଜପୁର ରୋଡ୍ରେ ଜଣେ ଅବସରପ୍ର...
ଆମେରିକାର ଇଲିନୋଇସ୍‌ର ଇଷ୍ଟ ସେଣ୍ଟ ଲୁଇସ୍‌ରେ...
ତାମିଲନାଡୁ ମୁଖ୍ୟମନ୍ତ୍ରୀସି. ଜୋସେଫ ବିଜୟଓ ତାଙ୍କ ମାଆଙ୍କ...
କୋଲକାତା:RG କର ମେଡିକାଲ୍ କଲେଜ ଓ ହସ୍ପିଟାଲର ଟ୍ରେନି ଡାକ...
ନୂଆଦିଲ୍ଲୀ: ‘ବନ୍ଦେ ମାତରମ୍’କୁ ନେଇ କଂଗ୍ରେ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
