ଓଡ଼ିଶାର କଲେଜ ଓ ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନକୁ ନେଇ ପୁଣି ଥରେ ଅନିଶ୍ଚିତତା ଦେଖାଦେଇଛି। ୨୦୧୮ ପରଠାରୁ ରାଜ୍ୟରେ ଛାତ୍ର ସଂସଦ ନିର୍ବାଚନ ବନ୍ଦ ରହିଛି। ଚଳିତ ବର୍ଷ ନିର୍ବାଚନ ହେବ ବୋଲି ଆଶା ଥିଲେ ମଧ୍ୟ ଉଚ୍ଚଶିକ୍ଷା ବିଭାଗ ଏଯାଏଁ ଏକାଡେମିକ୍ କ୍ୟାଲେଣ୍ଡର କିମ୍ବା ନିର୍ବାଚନ ସମ୍ପର୍କିତ ସ୍ପଷ୍ଟ ସୂଚନା ଜାରି କରିନାହିଁ।
ଏପଟେ ନିର୍ବାଚନ ତାରିଖ ଘୋଷଣା ହୋଇନଥିଲେ ମଧ୍ୟ ବିଭିନ୍ନ ରାଜନୈତିକ ଦଳର ଛାତ୍ର ସଂଗଠନଗୁଡ଼ିକ କ୍ୟାମ୍ପସରେ ସକ୍ରିୟ ହେବା ଆରମ୍ଭ କରିଛନ୍ତି। ବିଭିନ୍ନ ସ୍ଥାନରେ ହେଲ୍ପ ଡେସ୍କ ଖୋଲିବା ସହ ଛାତ୍ରଛାତ୍ରୀଙ୍କ ସହ ଯୋଗାଯୋଗ ବଢ଼ାଯାଉଛି।
ବିଜୁ ଛାତ୍ର ଜନତା ଦଳର ସଭାପତି ଇପ୍ସିତା ସାହୁ ସରକାରଙ୍କ ଉପରେ ଅଭିଯୋଗ ଆଣି କହିଛନ୍ତି ଯେ, Gen Z ପିଢ଼ି ମଧ୍ୟରେ ସରକାର ବିରୋଧୀ ଅସନ୍ତୋଷ ବଢ଼ୁଥିବାରୁ ନିର୍ବାଚନ କରାଇବାକୁ ସରକାର ଭୟ କରୁଛନ୍ତି। ୧୦ରୁ ୧୫ ଦିନ ମଧ୍ୟରେ ନିର୍ବାଚନ ନେଇ ନିଷ୍ପତ୍ତି ନହେଲେ ଆନ୍ଦୋଳନ କରାଯିବ ବୋଲି ସେ କହିଛନ୍ତି।
କଂଗ୍ରେସ ଯୁବ ନେତା ମନୋଜ ବିଶ୍ୱାଳ ମଧ୍ୟ ଛାତ୍ର ଓ ଯୁବପିଢ଼ି ସରକାରଙ୍କ ଉପରେ ଅସନ୍ତୁଷ୍ଟ ଥିବା ଦାବି କରି ଶୀଘ୍ର ନିର୍ବାଚନ କରାଇବାକୁ ଦାବି କରିଛନ୍ତି।
ସେହିପରି ABVPର ଜାତୀୟ କାର୍ଯ୍ୟକାରିଣୀ ସଦସ୍ୟ ବିଶ୍ୱଜିତ ପାତ୍ର ମଧ୍ୟ ଛାତ୍ର ନିର୍ବାଚନ ସପକ୍ଷରେ ମତ ରଖିଛନ୍ତି। ତାଙ୍କ ମତରେ, ସରକାର ଯେଉଁ ଦଳର ହେଉନା କାହିଁକି, କ୍ୟାମ୍ପସରେ ଛାତ୍ର ନିର୍ବାଚନ ହେବା ଆବଶ୍ୟକ।
୨୦୧୮ରେ କ୍ୟାମ୍ପସ ହିଂସାକୁ କାରଣ ଦର୍ଶାଇ ତତ୍କାଳୀନ ବିଜେଡି ସରକାର ଛାତ୍ର ସଂସଦ ନିର୍ବାଚନ ବନ୍ଦ କରିଥିଲେ। ପରେ ବିଜେପି ସରକାର ଗଠନ ପରେ ନିର୍ବାଚନ ପୁଣି ଆରମ୍ଭ କରାଯିବ ବୋଲି ପ୍ରତିଶ୍ରୁତି ଦିଆଯାଇଥିଲା। ହେଲେ ଏଯାଏଁ ନିର୍ବାଚନ ହୋଇନାହିଁ।
ଶିକ୍ଷାବିତ୍ ଗୋଲକ ନାୟକ ମଧ୍ୟ ଦୀର୍ଘ ସମୟ ଧରି ନିର୍ବାଚନ ବନ୍ଦ ରଖିବାକୁ ବିରୋଧ କରିଛନ୍ତି। ତାଙ୍କ ମତରେ, ଗୋଟିଏ କଲେଜରେ ହିଂସା ଘଟିଲେ ସାରା ରାଜ୍ୟରେ ନିର୍ବାଚନ ବନ୍ଦ କରିବା ଉଚିତ ନୁହେଁ।
ନିର୍ବାଚନ କ୍ୟାଲେଣ୍ଡରକୁ ନେଇ ସରକାରଙ୍କ ନିଷ୍ପତ୍ତି ଏଯାଏଁ ଆସିନଥିବାରୁ ଓଡ଼ିଶାର କ୍ୟାମ୍ପସଗୁଡ଼ିକ ପୁଣି ଥରେ ଭୋଟ୍ ବାକ୍ସକୁ ଫେରିବେ କି ନାହିଁ, ତାହା ଅସ୍ପଷ୍ଟ ରହିଛି।
ଓଡ଼ିଶାରେ କ୍ୟାନ୍ସର ରୋଗୀଙ୍କ ପାଇଁ ଚିକିତ୍ସା ସୁବିଧାକୁ ଆ...
ଇଣ୍ଡୋନେସିଆର ଫ୍ଲୋରେସ୍‌ ଦ୍ୱୀପରେ ଶନିବାର ସକାଳେ ଘଟ...
ଓଡ଼ିଶାର ସାମ୍ବାଦିକମାନଙ୍କ ସ୍ୱାସ୍ଥ୍ୟ ବୀମା ସୁବିଧାକୁ ନେ...
୦୦ ଦିନିଆ ଟିବି ମୁକ୍ତ ଭାରତ ଅଭିଯାନର ସଫଳତା ଓ ଆଗାମୀ ରଣନ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଗ୍ରୀନଲ୍ୟାଣ୍ଡରେ ଜଳବାୟୁ ପରିବର୍ତ୍ତନର ଆଉ ଏକ ବଡ଼ ପ୍ରଭାବ...
ଉତ୍ତରପ୍ରଦେଶରେ ବନ୍ୟା ପରିସ୍ଥିତି ଯୋଗୁଁ ୧୩ଟି ଜିଲ୍ଲାର ୧...
ଓଡ଼ିଶାରେ ପୁଣି ଥରେ ବର୍ଷାର ପ୍ରକୋପ ବଢ଼ିବାକୁ ଯାଉଛି। ଭା...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
