ଓଡ଼ିଶାରେ ବଢ଼ିଲା ଘରୋଇ ବସ୍ ଭଡ଼ା। ଏଣିକି ବସ୍‌ରେ ଯାତ୍ରା କରିବା ପାଇଁ ଯାତ୍ରୀଙ୍କୁ ଅଧିକ ଟଙ୍କା ଗଣିବାକୁ ପଡ଼ିବ । ରାଜ୍ୟ ସରକାର ଘରୋଇ ବସ୍‌ର ବିଭିନ୍ନ ବର୍ଗର ଭଡ଼ାରେ ବୃଦ୍ଧି କରିଛନ୍ତି। ସାଧାରଣ ବସ୍‌ଠାରୁ ଆରମ୍ଭ କରି ଏସି ସ୍ଲିପର୍ ବସ୍ ପର୍ଯ୍ୟନ୍ତ ସବୁ ବର୍ଗର ଭଡ଼ା ବଢ଼ିଛି।

ନୂଆ ଭଡ଼ା ତାଲିକା ଅନୁସାରେ, ସାଧାରଣ ବସ୍‌ରେ କିଲୋମିଟର ପିଛା ୧.୧୮ ଟଙ୍କା ଦେବାକୁ ପଡ଼ିବ। ସେହିପରି ଏକ୍ସପ୍ରେସ୍ ବସ୍‌ର ଭଡ଼ା କିଲୋମିଟର ପିଛା ୧.୨୪ ଟଙ୍କା ଧାର୍ଯ୍ୟ କରାଯାଇଛି।

କେଉଁ ବସ୍‌ରେ କେତେ ଭଡ଼ା?

ନୂଆ ଦର ଅନୁସାରେ ବିଭିନ୍ନ ବର୍ଗର ବସ୍‌ର କିଲୋମିଟର ପିଛା ଭଡ଼ା ହେଉଛି:

ଘରୋଇ ବସ୍‌ର ନୂଆ ଭଡ଼ା

ସାଧାରଣ ବସ୍ (Ordinary)

₹1.18

ପ୍ରତି କିଲୋମିଟର

ଏକ୍ସପ୍ରେସ୍ ବସ୍ (Express)

₹1.24

ପ୍ରତି କିଲୋମିଟର

ସେମି ଡିଲକ୍ସ (Semi-Deluxe)

₹1.30

ପ୍ରତି କିଲୋମିଟର

ଡିଲକ୍ସ ବସ୍ (Deluxe)

₹1.41

ପ୍ରତି କିଲୋମିଟର

ଏସି ଡିଲକ୍ସ (AC Deluxe)

₹1.99

ପ୍ରତି କିଲୋମିଟର

ସୁପର ପ୍ରିମିୟମ୍ (Super Premium)

₹3.21

ପ୍ରତି କିଲୋମିଟର

ଏସି ସ୍ଲିପର୍ (AC Sleeper)

₹4.61

ପ୍ରତି କିଲୋମିଟର

କାହିଁକି ବଢ଼ିଲା ବସ୍ ଭଡ଼ା?

ଘରୋଇ ବସ୍ ମାଲିକ ସଂଘର ସମ୍ପାଦକ ଦେବେନ୍ଦ୍ର ସାହୁଙ୍କ କହିବା ଅନୁସାରେ, ଡିଜେଲ୍ ଦର ବୃଦ୍ଧି ଯୋଗୁଁ ବସ୍ ଚଳାଚଳ ଖର୍ଚ୍ଚ ବଢ଼ିଛି। ଏହା ସହିତ ଟାୟାର, ଲୁବ୍ରିକାଣ୍ଟ, ଚେସିସ୍ ଓ ଅନ୍ୟାନ୍ୟ ଯାନବାହନ ସାମଗ୍ରୀର ଦାମ୍ ମଧ୍ୟ ବୃଦ୍ଧି ପାଇଛି।

ସେ କହିଛନ୍ତି, ଗତ ୪ ବର୍ଷ ମଧ୍ୟରେ ପ୍ରଥମ ଥର ପାଇଁ ଭଡ଼ା ସଂଶୋଧନ ସମୟରେ ଡିଜେଲ୍ ସହ ଅନ୍ୟାନ୍ୟ ଯାନବାହନ ସାମଗ୍ରୀର ମୂଲ୍ୟକୁ ମଧ୍ୟ ବିଚାରକୁ ନିଆଯାଇଛି।

ତେବେ ନୂଆ ଭଡ଼ା ଲାଗୁ ହେବା ପରେ ରାଜ୍ୟରେ ଘରୋଇ ବସ୍‌ରେ ଯାତ୍ରା କରୁଥିବା ଲକ୍ଷ ଲକ୍ଷ ଯାତ୍ରୀଙ୍କ ଯାତାୟାତ ଖର୍ଚ୍ଚ ବଢ଼ିବ। ଏହାର ପ୍ରଭାବ ଦୈନିକ ଯାତ୍ରୀଙ୍କଠାରୁ ଆରମ୍ଭ କରି ଦୂରଯାତ୍ରା କରୁଥିବା ଲୋକଙ୍କ ପକେଟ୍ ଉପରେ ପଡ଼ିବ ।