ଓଡ଼ିଶା ଓ ଜାପାନ ମଧ୍ୟରେ ସମ୍ପର୍କ ଆହୁରି ଦୃଢ଼ ହେବାକୁ ଯାଉଛି। ଜାପାନର ଟୋଟୋରି ପ୍ରିଫେକ୍ଚର ଓ ଓଡ଼ିଶା ମଧ୍ୟରେ ‘ସିଷ୍ଟର ଷ୍ଟେଟ୍’ ସମ୍ପର୍କ ସ୍ଥାପନ ପାଇଁ ପଦକ୍ଷେପ ଆରମ୍ଭ ହୋଇଛି। ଭୁବନେଶ୍ୱରରେ ବୁଧବାର ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ କୋଲକାତାସ୍ଥିତ ଜାପାନର କନସୁଲ ଜେନେରାଲ୍ ଇଶିକାୱା ୟୋଶିହିସାଙ୍କ ମଧ୍ୟରେ ହୋଇଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି।
ବୈଠକରେ ବାଣିଜ୍ୟ, ଶିଳ୍ପ, ପର୍ଯ୍ୟଟନ, ପ୍ରଯୁକ୍ତି, ଶିକ୍ଷା ଓ ସାମାଜିକ ସହଯୋଗ ଭଳି ବିଭିନ୍ନ କ୍ଷେତ୍ରରେ ଉଭୟ ପକ୍ଷର ଭାଗୀଦାରି ବଢ଼ାଇବା ନେଇ ଆଲୋଚନା ହୋଇଥିଲା। ସରକାରୀ ସୂଚନା ଅନୁଯାୟୀ, ଟୋଟୋରି ପ୍ରିଫେକ୍ଚର ଓ ଓଡ଼ିଶା ‘ସିଷ୍ଟର ଷ୍ଟେଟ୍’ ଭାବେ ମିଶିକରି କାମ କରିବେ ଏବଂ ଆଗାମୀ ଦିନରେ ଉଚ୍ଚସ୍ତରୀୟ ପ୍ରତିନିଧି ଦଳ ମଧ୍ୟରେ ପରସ୍ପର ଗସ୍ତ ମଧ୍ୟ ହେବ।
ଏହି ସହଭାଗୀତାର ଔପଚାରିକ ଘୋଷଣା ପରବର୍ତ୍ତୀ ସମୟରେ ଓଡ଼ିଶା ମୁଖ୍ୟମନ୍ତ୍ରୀ ଓ ଟୋଟୋରିର ଗଭର୍ନରଙ୍କ ଦ୍ୱାରା ଯୁଗ୍ମଭାବେ କରାଯିବ ବୋଲି ସୂଚନା ମିଳିଛି।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓଡ଼ିଶାର ବିକାଶ କ୍ଷେତ୍ରରେ ଜାପାନର ସହଯୋଗକୁ ପ୍ରଶଂସା କରିଥିଲେ। ସେ ରାଜ୍ୟର ଶିଳ୍ପ ବିକାଶ, ନିବେଶ ଓ ଆଧୁନିକ ପ୍ରଯୁକ୍ତି କ୍ଷେତ୍ରରେ ଜାପାନୀ କମ୍ପାନୀମାନଙ୍କ ଅଧିକ ସହଭାଗୀତା ଆଶା କରିଥିଲେ।
ଜାପାନୀ ପ୍ରତିନିଧି ଇଶିକାୱା ୟୋଶିହିସା କହିଥିଲେ ଯେ, ଓଡ଼ିଶା ଓ ଜାପାନ ମଧ୍ୟରେ କଳା, ସଂସ୍କୃତି ଓ ଐତିହ୍ୟକୁ ନେଇ ଦୀର୍ଘଦିନର ସମ୍ପର୍କ ରହିଛି। ସେ ଉଭୟ ପକ୍ଷର ସାମାଜିକ ଓ ଆର୍ଥିକ ସହଯୋଗକୁ ଆହୁରି ମଜବୁତ କରିବା ନେଇ ଆଗ୍ରହ ପ୍ରକାଶ କରିଥିଲେ।
ପର୍ଯ୍ୟଟନ କ୍ଷେତ୍ର ମଧ୍ୟ ବୈଠକର ମୁଖ୍ୟ ଆଲୋଚ୍ୟ ବିଷୟ ଥିଲା। ଜାପାନୀ ପର୍ଯ୍ୟଟକମାନଙ୍କ ମଧ୍ୟରେ ଓଡ଼ିଶାର ବୌଦ୍ଧ ଐତିହ୍ୟ ସ୍ଥଳୀ ଓ ପ୍ରାକୃତିକ ପର୍ଯ୍ୟଟନ ସ୍ଥାନଗୁଡ଼ିକୁ ପ୍ରଚାର କରିବା ନେଇ ଉଭୟ ପକ୍ଷ ଆଲୋଚନା କରିଥିଲେ।
ଏହାସହ ଆଉ ଏକ ଗୁରୁତ୍ୱପୂର୍ଣ୍ଣ ଘୋଷଣା ମଧ୍ୟ ହୋଇଛି। ଜାପାନର ନିଯୁକ୍ତି ଏଜେନ୍ସୀମାନେ ଶୀଘ୍ର ଓଡ଼ିଶା ଆସି ଓଡ଼ିଆ ଯୁବକ-ଯୁବତୀଙ୍କ ପାଇଁ ଜାପାନରେ ଚାକିରି ସୁଯୋଗ ସୃଷ୍ଟି ନେଇ ପଦକ୍ଷେପ ନେବେ ବୋଲି ସୂଚନା ମିଳିଛି।
ଏହି ବୈଠକରେ ମୁଖ୍ୟ ଶାସନ ସଚିବ ଅନୁ ଗର୍ଗ, ଶିଳ୍ପ ବିଭାଗର ଅତିରିକ୍ତ ମୁଖ୍ୟ ସଚିବ ହେମନ୍ତ ଶର୍ମା ଓ ମୁଖ୍ୟମନ୍ତ୍ରୀଙ୍କ ଅତିରିକ୍ତ ମୁଖ୍ୟ ସଚିବ ସସ୍ୱତ ମିଶ୍ର ମଧ୍ୟ ଉପସ୍ଥିତ ଥିଲେ।
ଆଗ୍ରାରେ ତାମିଲନାଡୁ ଏକ୍ସପ୍ରେସ୍ର ଏକ ଅନରିଜର୍ଭ୍ଡ କୋଚ୍ରୁ...
କିଛି Provident Fund (PF) Trust ପାଇଁ ପୁରୁଣା କାଗଜପତ୍...
ଆଗାମୀ ପାର୍ବଣ ଋତୁରେ ଅନଲାଇନ୍ ସପିଂର ଚାହିଦା ବଢ଼ିବା ଆଶା...
ନୋଏଡାରେ କାଫେ ବ୍ୟବସାୟରେ କ୍ଷତି ହେବା ପରେ ଚୋରିକୁ ପେସା...
ଜିମ୍‌ରୁ ବାହାରିବା ପରେ ଚାରିଜଣ ସନ୍ଦିଗ୍ଧ ଆକ୍ରମଣକା...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ଭାରତୀୟ ରିଜର୍ଭ ବ୍ୟାଙ୍କ (RBI) ପକ୍ଷରୁ ବିଦେଶରେ ରହୁଥିବା...
