ନୋଏଡାରେ କାଫେ ବ୍ୟବସାୟରେ କ୍ଷତି ହେବା ପରେ ଚୋରିକୁ ପେସା କରିଥିବା ଅଭିଯୋଗରେ ପୋଲିସ ଏକ ଦମ୍ପତି ସମେତ ୩ ଜଣଙ୍କୁ ଗିରଫ କରିଛି। ସେକ୍ଟର-୧୧୩ ପୋଲିସ ଅଭିଯୁକ୍ତଙ୍କଠାରୁ ଚୋରି ହୋଇଥିବା ଅଳଙ୍କାର,୩.୫ ଲକ୍ଷ ଟଙ୍କା ନଗଦ, ୫ଟି ଲାପଟପ୍, ୨ଟି ଟାବଲେଟ୍, ୬ଟି ମୋବାଇଲ୍ ଫୋନ୍ଏବଂ ଏକ Ertiga କାର୍ ଜବତ କରିଛି। ଚୋରିରେ ବ୍ୟବହୃତ ଏହି କାର୍ରେ ନକଲି ନମ୍ବର ପ୍ଲେଟ୍ ଲାଗିଥିବା ପୋଲିସ କହିଛି।
ଅତିରିକ୍ତ ଡେପୁଟି କମିଶନର ଅଫ୍ ପୋଲିସ (ADCP) ମନୀଷା ସିଂହଙ୍କ ଅନୁସାରେ, ଅଭିଯୁକ୍ତମାନେ ହେଲେ କୈଳାସ ଓରଫ ଦିୱାକର, ଇରଫାନ ଓରଫ ଇମ୍ରାନ ଏବଂ ସୋନାଲି। ସେକ୍ଟର-୧୨୩ର ଏକ ଶ୍ମଶାନ ନିକଟରୁ ପୋଲିସ ସମସ୍ତଙ୍କୁ ଗିରଫ କରିଥିଲା।
ପୋଲିସର ପଚରାଉଚରାରୁ ଜଣାପଡ଼ିଛି ଯେ ଅଭିଯୁକ୍ତମାନେ Ertiga କାର୍ରେ ବିଭିନ୍ନ ଅଞ୍ଚଳ ବୁଲି ଉଚ୍ଚ ଅଟ୍ଟାଳିକା ଥିବା ସୋସାଇଟି ଏବଂ ଅନ୍ୟ ଅଞ୍ଚଳର ଘରଗୁଡ଼ିକର ରେକି କରୁଥିଲେ। ଘର ଖାଲି ଥିବା ନିଶ୍ଚିତ କରିବା ପରେ ସେମାନେ ତାହାକୁ ଟାର୍ଗେଟ୍ କରୁଥିବା ଅଭିଯୋଗ ହୋଇଛି।
ବନ୍ଦ ଘରୁ ଅଳଙ୍କାର, ନଗଦ ଟଙ୍କା, ଲାପଟପ୍ ଓ ଅନ୍ୟ ମୂଲ୍ୟବାନ ସାମଗ୍ରୀ ଚୋରି କରିବା ପରେ ତିନି ଜଣ ଲୁଟ୍ ସାମଗ୍ରୀ ଓ ଟଙ୍କା ମଧ୍ୟରେ ଭାଗ କରି ନେଉଥିଲେ ବୋଲି ପୋଲିସ କହିଛି।
ପୋଲିସ ତଦନ୍ତ ଅନୁସାରେ, ଦିୱାକର ଓ ସୋନାଲି ପରସ୍ପର ସମ୍ପର୍କରେ ଥିବା ସହ ଏକାଠି ରହୁଥିଲେ। ଏହି ଗ୍ୟାଙ୍ଗ୍ରେ ସୋନାଲିଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା। ସେ ଘରଗୁଡ଼ିକର ରେକି କରୁଥିବା ବେଳେ ଦିୱାକର ଓ ଇରଫାନ ଚୋରି କରୁଥିବା ପୋଲିସ ଦାବି କରିଛି।
ଅଭିଯୁକ୍ତ ଦମ୍ପତି ପୂର୍ବରୁ ଗାଜିଆବାଦ ଏବଂ ପରେ ନୋଏଡାରେ କାଫେ ଚଳାଉଥିଲେ। କିନ୍ତୁ କାଫେ ବ୍ୟବସାୟରେ କ୍ଷତି ହେବା ପରେ ସେମାନେ ଆର୍ଥିକ ସମସ୍ୟାରେ ପଡ଼ିଥିଲେ। ଏହା ପରେ ଚୋରି କରିବା ଆରମ୍ଭ କରିଥିବା ପୋଲିସ ତଦନ୍ତରୁ ଜଣାପଡ଼ିଥିବା କହିଛି।
ଆଶ୍ଚର୍ଯ୍ୟଜନକ ଭାବେ, ଅଭିଯୁକ୍ତମାନେଦିନରେ ଚୋରି କରୁଥିବା ବେଳେ ରାତିରେ ରେଷ୍ଟୁରାଣ୍ଟ ଓ ବାର୍ରେ ପାର୍ଟି କରୁଥିଲେବୋଲି ପୋଲିସ କହିଛି।
ପୋଲିସ ଅଭିଯୁକ୍ତମାନଙ୍କଠାରୁ ଚୋରି ହୋଇଥିବା ଅଳଙ୍କାର, ୫ଟି ଲାପଟପ୍, ୨ଟି ଟାବଲେଟ୍, ୬ଟି ମୋବାଇଲ୍ ଫୋନ୍ ଏବଂ ୩.୫ ଲକ୍ଷ ଟଙ୍କା ନଗଦ ଜବତ କରିଛି। ଏହା ସହିତ ଚୋରିରେ ବ୍ୟବହୃତ Ertiga କାର୍କୁ ମଧ୍ୟ ପୋଲିସ ଜବତ କରିଛି।
ବର୍ତ୍ତମାନ ସେକ୍ଟର-୧୧୩ ପୋଲିସ ଗିରଫ ଅଭିଯୁକ୍ତମାନଙ୍କ ପୂର୍ବ ଅପରାଧିକ ରେକର୍ଡ ଯାଞ୍ଚ କରୁଛି। ଏହା ସହିତ ସେମାନେ ଅନ୍ୟ କୌଣସି ଚୋରି ଘଟଣାରେ ସମ୍ପୃକ୍ତ ଥିଲେ କି ନାହିଁ, ସେନେଇ ମଧ୍ୟ ତଦନ୍ତ ଜାରି ରହିଛି।
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
କେନ୍ଦୁଝର ଜିଲ୍ଲା ପାଟଣା ଥାନା ଅଧୀନ ଗୁଣ୍ଡିଆଭାଡ଼ି ସାହିର...
ଝାରସୁଗୁଡ଼ାର ବୀର ସୁରେନ୍ଦ୍ର ସାଏ (VSS) ବିମାନବନ୍ଦରର ସମ...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ (BSE) ପକ୍ଷରୁ ଓଡ଼ିଶା ଶ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଓଡ଼ିଶାରେ ଲଘୁଚାପ ପ୍ରଭାବରେ ବର୍ଷାର ପ୍ରକୋପ ଜାରି ରହିଛି।...
କଟକ ଜିଲ୍ଲାରେ ଡେଙ୍ଗୁକୁ ନେଇ ଚିନ୍ତା ବଢ଼ିଛି। ବ୍ୟାଙ୍କୀ...
