ବୈତରଣୀ ଓ ସାଳନ୍ଦୀ ନଦୀର ଜଳସ୍ତର କିଛିଟା କମିଥିଲେ ମଧ୍ୟ ଭଦ୍ରକ ଜିଲ୍ଲାର ଅନେକ ଗାଁରେ ବନ୍ୟାଜଳ ଏବେ ବି ରହିଛି। ତିହିଡ଼ି ଓ ବିଲଣା ପଞ୍ଚାୟତ ଅଞ୍ଚଳରେ ଘାଇ ଯୋଗୁଁ ଏକାଧିକ ଗାଁ ଜଳମଗ୍ନ ହୋଇଛି।
ଓଡ଼ିଶାର କିଛି ଅଞ୍ଚଳରେ ବନ୍ୟା ପରିସ୍ଥିତି ଏବେ ବି ଚିନ୍ତାଜନକ ରହିଛି। ବୈତରଣୀ ଓ ସାଳନ୍ଦୀ ନଦୀର ଜଳସ୍ତରରେ ହ୍ରାସ ଦେଖାଦେଇଥିଲେ ମଧ୍ୟ ନଦୀକୂଳିଆ ଗାଁଗୁଡ଼ିକରେ ବନ୍ୟାଜଳ ହଟିନାହିଁ। ଉପରମୁଣ୍ଡରେ ଲଗାତାର ବର୍ଷା ହେଉଥିବାରୁ ପ୍ରଶାସନ ପରିସ୍ଥିତି ଉପରେ ନଜର ରଖିଛି।
ଆଖୁଆପଦାଠାରେ ବୈତରଣୀ ନଦୀର ଜଳସ୍ତର ସତର୍କ ସଙ୍କେତ ଅତିକ୍ରମ କରି ବିପଦ ସଙ୍କେତ ଆଡ଼କୁ ଗତି କରୁଥିଲା। ସେଠାରେ ବିପଦ ସଙ୍କେତ୧୮.୩୩ ମିଟରଥିବା ବେଳେ ସକାଳ ୯ଟା ସୁଦ୍ଧା ନଦୀ ପ୍ରାୟ୧୮ ମିଟରଉଚ୍ଚରେ ପ୍ରବାହିତ ହେଉଥିଲା। ଜଳସ୍ତର କମିବା ଯୋଗୁଁ ଏହା ସାମାନ୍ୟ ଆଶ୍ୱସ୍ତି ଆଣିଛି।
ସେହିପରି ସାଳନ୍ଦୀ ନଦୀର ଜଳସ୍ତର ମଧ୍ୟ କମିଛି। ରାଜଘାଟଠାରେ ସାଳନ୍ଦୀର ବିପଦ ସଙ୍କେତ୧୭ ଫୁଟ୍ଥିବା ବେଳେ ନଦୀ ପ୍ରାୟ୧୬.୧୦ ଫୁଟ୍ଉଚ୍ଚରେ ପ୍ରବାହିତ ହେଉଥିଲା।
ନଦୀର ଜଳସ୍ତର କମୁଥିଲେ ମଧ୍ୟ ଘାଇ ଯୋଗୁଁ ଅନେକ ଅଞ୍ଚଳରେ ବନ୍ୟାଜଳ ଜମି ରହିଛି। ସାଳନ୍ଦୀ ଓ ନାଳିଆ ନଦୀର ପ୍ରଭାବରେ ତିହିଡ଼ି ବ୍ଲକ୍ର ବାରୋଡିହ ଅଞ୍ଚଳରେ ପ୍ରାୟ୨୦୦ ଫୁଟ୍ର ଘାଇସୃଷ୍ଟି ହୋଇଛି।
ଏହା ବ୍ୟତୀତ ବିଲଣା ପଞ୍ଚାୟତର ଲଞ୍ଜାତରା ଅଞ୍ଚଳରେ ପ୍ରାୟ୩୦୦ ଫୁଟ୍ର ଆଉ ଏକ ଘାଇହୋଇଥିବା ଜଣାପଡ଼ିଛି। ଏହି ଦୁଇ ଘାଇ ଯୋଗୁଁ ବାରୋ ପଞ୍ଚାୟତର ୪ଟି ଗାଁ ଏବଂ ବିଲଣା ପଞ୍ଚାୟତର ଆଉ ୪ଟି ଗାଁ ଜଳମଗ୍ନ ହୋଇଛି।
ବନ୍ୟାଜଳ ଯୋଗୁଁ ପ୍ରଭାବିତ ଲୋକେ ଏବେ ବି ନାନା ସମସ୍ୟାର ସମ୍ମୁଖୀନ ହେଉଛନ୍ତି। ବୈତରଣୀ, ସାଳନ୍ଦୀ ଓ ଜଳକା ନଦୀର ଜଳସ୍ତର ଏବଂ ଉପରମୁଣ୍ଡର ବର୍ଷା ଉପରେ ପ୍ରଶାସନ ନଜର ରଖିଛି।
ଘାଇ ମରାମତି ସହ ବନ୍ୟାଜନିତ କ୍ଷୟକ୍ଷତିର ପୁନରୁଦ୍ଧାର କାମଯୁଦ୍ଧକାଳୀନ ଭିତ୍ତିରେଆରମ୍ଭ ହୋଇଛି। ପରିସ୍ଥିତି ଅଧିକ ଖରାପ ନହେବା ପାଇଁ ପ୍ରଶାସନ ପକ୍ଷରୁ ନିରନ୍ତର ନଜରଦାରି କରାଯାଉଛି।
ନେପାଳରେ ପ୍ରଳୟଙ୍କରୀ ବନ୍ୟାକୁ ୧୩ ଦିନ ବିତିଯାଇଥିଲେ ମଧ୍ୟ...
ଏସିଆରେ ଚୀନ୍ ଓ ଜାପାନ ମଧ୍ୟରେ ସାମରିକ ତିକ୍ତତାକୁ ନେଇ ନୂ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଚୀନରେ ପ୍ରକୃତିର ତାଣ୍ଡବ ଜାରି ରହିଛି। ଘୂର୍ଣ୍ଣିଝଡ଼ &lsq...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ପ୍ୟାରିସର ପ୍ରସିଦ୍ଧଏଫିଲ୍ ଟାୱାରରେ BAPS ପ୍ରତିନିଧିମଣ୍ଡଳ...
