ଓଡ଼ିଶାର କଟକ ଜିଲ୍ଲାର ଆଠଗଡ଼ ଏବଂ ଭଦ୍ରକ ଜିଲ୍ଲାର ବାସୁଦେବପୁର ଅଞ୍ଚଳରେ ବନ୍ୟା ପରିସ୍ଥିତି ଗମ୍ଭୀର ରୂପ ନେଇଛି। ନଦୀବନ୍ଧ ଭାଙ୍ଗିବା ଓ ନଦୀର ଜଳସ୍ତର ବଢ଼ିବା ଯୋଗୁଁ ଅନେକ ଗାଁ, ଚାଷଜମି ଓ ଘରବାଡ଼ି ପାଣି ଘେରରେ ରହିଛି। ଏହାଫଳରେ ସାଧାରଣ ଜୀବନଯାତ୍ରା ବ୍ୟାପକ ଭାବେ ପ୍ରଭାବିତ ହୋଇଛି।
ଆଠଗଡ଼ରେ ଅଞ୍ଚଳର ଜୀବନରେଖା ଭାବେ ପରିଚିତ ସାପୁଆ ନଦୀର ବନ୍ଧରେ ଦୁଇଟି ବଡ଼ ଘାଇ ସୃଷ୍ଟି ହୋଇଛି। ଆଠଗଡ଼-କରିକୋଳ ମଧ୍ୟରେ ପ୍ରାୟ ୩୦ ଫୁଟ ଏବଂ କରିକୋଳ-ମାନପୁର ମଧ୍ୟରେ ପ୍ରାୟ ୨୦ ଫୁଟର ଘାଇ ସୃଷ୍ଟି ହେବାରୁ ବନ୍ୟାଜଳ ବିଭିନ୍ନ ଅଞ୍ଚଳକୁ ପ୍ରବେଶ କରିଛି।
କରିକୋଳ, ତରଡ଼ିଙ୍ଗା, ବୈଲୋ, କରିକାମାଳ ଓ ଦହିସରା ସମେତ ଅନେକ ଗାଁ ବନ୍ୟା ପ୍ରଭାବରେ ରହିଛି। ରାସ୍ତାଘାଟ, ଚାଷଜମି ଓ ବାସଗୃହ ଜଳମଗ୍ନ ହେବା ସହ କେତେକ ସ୍ଥାନରେ ରାସ୍ତା ଓ ଅନ୍ୟାନ୍ୟ ଭିତ୍ତିଭୂମିର କ୍ଷତି ହୋଇଥିବା ଜଣାପଡ଼ିଛି।
କଟକ ଜିଲ୍ଲାପାଳ ଦତ୍ତାତ୍ରୟ ଭାଉସାହେବ ଶିନ୍ଦେ ପ୍ରଭାବିତ ଅଞ୍ଚଳ ପରିଦର୍ଶନ କରି ବନ୍ୟା ସ୍ଥିତିର ସମୀକ୍ଷା କରିଥିଲେ। ସେ ତୁରନ୍ତ ବାଲିବସ୍ତା ପକାଇ ଘାଇ ମରାମତି କରିବାକୁ ସମ୍ପୃକ୍ତ ବିଭାଗକୁ ନିର୍ଦ୍ଦେଶ ଦେଇଥିଲେ। ଏହାସହ ରାସ୍ତା ଓ ଅନ୍ୟ ଭିତ୍ତିଭୂମି କ୍ଷତିର ରିପୋର୍ଟ ରାଜ୍ୟ ସରକାରଙ୍କୁ ପଠାଯିବ ବୋଲି ସୂଚନା ଦେଇଥିଲେ।
ଜିଲ୍ଲାପାଳ କହିଛନ୍ତି ଯେ, କ୍ଷତିଗ୍ରସ୍ତ ଚାଷଜମିର ଆକଳନ କରାଯାଇ ଯୋଗ୍ୟ ଚାଷୀମାନଙ୍କୁ ସରକାରୀ ନିୟମ ଅନୁଯାୟୀ କ୍ଷତିପୂରଣ ପ୍ରଦାନ କରାଯିବ। ଭବିଷ୍ୟତରେ ଏପରି କ୍ଷତି ଏଡ଼ାଇବା ପାଇଁ ସ୍ଥାୟୀ ଭିତ୍ତିଭୂମି ବିକାଶ ସମ୍ପର୍କିତ ପୃଥକ ରିପୋର୍ଟ ମଧ୍ୟ ସରକାରଙ୍କୁ ଦାଖଲ କରାଯିବ।
ସେହିପରି ଭଦ୍ରକ ଜିଲ୍ଲାର ବାସୁଦେବପୁର ଅଞ୍ଚଳରେ କଂସବଂସା ଓ ଗୋମେଇ ନଦୀର ଜଳସ୍ତର ବଢ଼ିବା ଫଳରେ ତଳିଆ ଅଞ୍ଚଳଗୁଡ଼ିକରେ ବନ୍ୟାଜଳ ପ୍ରବେଶ କରିଛି। ଶହ ଶହ ହେକ୍ଟର ଚାଷଜମି ଜଳମଗ୍ନ ହେବା ସହ ଅନେକ ଗାଁରେ ପାଣି ପ୍ରବେଶ କରିଥିବାରୁ ପରିବାରଗୁଡ଼ିକ ଜଳଘେରରେ ରହିଛନ୍ତି।
ସ୍ଥାନୀୟ ଚାଷୀମାନଙ୍କ ଅଭିଯୋଗ ଅନୁଯାୟୀ ବାଇଗଣ, ବିରି, ବିଭିନ୍ନ ପନିପରିବା ଫସଲ ସହ ଧାନ ବିହନ ମଧ୍ୟ ବନ୍ୟାଜଳରେ ନଷ୍ଟ ହୋଇଯାଇଛି। ଏହା ଫଳରେ ସେମାନଙ୍କ ଜୀବିକା ଗୁରୁତର ଭାବେ ପ୍ରଭାବିତ ହୋଇଛି।
ପ୍ରଶାସନ ପକ୍ଷରୁ ବନ୍ୟା ପରିସ୍ଥିତି ଉପରେ ସତର୍କ ନଜର ରଖାଯାଇଥିବା ବେଳେ ଆଗାମୀ ଦୁଇ ଦିନର ବର୍ଷାକୁ ଦୃଷ୍ଟିରେ ରଖି ସମସ୍ତ ପ୍ରତିରୋଧମୂଳକ ପଦକ୍ଷେପ ଗ୍ରହଣ କରାଯାଉଛି।
ଅଲିମ୍ପିକ୍ ଲଙ୍ଗ୍ ଜମ୍ପ୍ ଚାମ୍ପିଅନ୍ତାରା ଡେଭିସ୍-ଉଡହଲ୍କା...
ଆଷ୍ଟନ୍ ଭିଲା ପାଇଁ ଚଳିତ ପ୍ରିମିୟର ଲିଗ୍ ସିଜନର ଆରମ୍ଭ ଆଶ...
ଭୁବନେଶ୍ୱର: ଭାରତୀୟ ସିନେମାର ସର୍ବୋଚ୍ଚ ସମ୍ମାନ ମଧ୍ୟରୁ ଅ...
‘Mirzapur’ର ସଫଳତା ସହ ଏହାର ଗୀତଗୁଡ଼ିକ ମଧ...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ପଞ୍ଜାବୀ ଅଭିନେତ୍ରୀଇଶା ରିଖିବାଦଶାହଙ୍କଠାରୁ ବିଚ୍ଛେଦ ଘୋଷ...
ଅଭିନେତାଚନ୍ଦନ ଆନନ୍ଦଙ୍କ ପାଇଁ ‘Hanuman Ansh&rsq...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
