ପ୍ରଶାସନିକ ସୁଧାର ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ ଓଡ଼ିଶା ସରକାର Delegation of Financial Powers Rules (DFPR), ୧୯୭୮ରେ ସଂଶୋଧନ କରି ଅଧିକାରୀମାନଙ୍କ ଆର୍ଥିକ ସକ୍ତିକୁ ବୃଦ୍ଧି କରିଛନ୍ତି। ଏହାର ଲକ୍ଷ୍ୟ ହେଉଛି ପ୍ରକଳ୍ପ ଓ ବିଭିନ୍ନ ଯୋଜନାର କାର୍ଯ୍ୟନ୍ୱୟନକୁ ତ୍ୱରାନ୍ୱିତ କରିବା ସହ ଅଧିକ ପାରଦର୍ଶିତା ଆଣିବା।
ଆର୍ଥିକ ବିଭାଗ ଜାରି କରିଥିବା ନୂତନ ନିର୍ଦ୍ଦେଶିକା ଅନୁଯାୟୀ, ପୂର୍ବରୁ ଯେଉଁ ଅନୁମୋଦନ ପାଇଁ ମନ୍ତ୍ରୀମଣ୍ଡଳ କିମ୍ବା ମନ୍ତ୍ରୀମାନଙ୍କ ମଞ୍ଜୁରୀ ଆବଶ୍ୟକ ଥିଲା, ସେଗୁଡ଼ିକ ଏବେ ବିଭାଗୀୟ ସ୍ତରରେ ମଞ୍ଜୁରି ହେବ। ଏହା ଫଳରେ ବିଳମ୍ବ କମିବା ସହିତ ଶୀଘ୍ର ନିଷ୍ପତ୍ତି ଗ୍ରହଣ ସମ୍ଭବ ହେବ।
ନୂତନ ବ୍ୟବସ୍ଥା ଅନୁସାରେ ବିଭାଗୀୟ ସଚିବମାନଙ୍କୁ ଅନୁଷଙ୍ଗିକ ଖର୍ଚ୍ଚ ସମ୍ବନ୍ଧୀୟ ସମସ୍ତ ଅଧିକାର ଦିଆଯାଇଛି। ଏହା ସହିତ ବିଭାଗମୁଖ୍ୟମାନେ ୧୦ କୋଟି ଟଙ୍କା ପର୍ଯ୍ୟନ୍ତ ଖରିଦ ପ୍ରସ୍ତାବ ଅନୁମୋଦନ କରିପାରିବେ, ଯେତେବେଳେ ବିଭାଗୀୟ ସଚିବମାନେ ୨୦ କୋଟି ଟଙ୍କା ପର୍ଯ୍ୟନ୍ତ ଖରିଦକୁ ମଞ୍ଜୁର କରିପାରିବେ।
ଜିଲ୍ଲାପାଳମାନଙ୍କୁ ମଧ୍ୟ ବୃଦ୍ଧିତ ଆର୍ଥିକ ସକ୍ତି ଦିଆଯାଇଛି, ଯାହା ଫଳରେ ସେମାନେ ଜିଲ୍ଲା ସ୍ତରର ପ୍ରକଳ୍ପ ପାଇଁ ଅନେକ କ୍ଷେତ୍ରରେ ଉପରସ୍ଥ ଅନୁମୋଦନ ଅପେକ୍ଷା କରିବା ବିନା ଧନ ମଞ୍ଜୁର କରିପାରିବେ।
ତଥାପି, ଉଚ୍ଚ ମୂଲ୍ୟର ବ୍ୟୟ ଉପରେ ସରକାର ନିୟନ୍ତ୍ରଣ ଜାରି ରଖିଛନ୍ତି। ୧୦୦ କୋଟି ଟଙ୍କାରୁ ଅଧିକ ମୂଲ୍ୟର ସାମଗ୍ରୀ କ୍ରୟ କିମ୍ବା ପରାମର୍ଶ ସେବା ନିଯୁକ୍ତି ପାଇଁ ରାଜ୍ୟ ମନ୍ତ୍ରୀମଣ୍ଡଳର ଅନିବାର୍ୟ ମଞ୍ଜୁରୀ ଆବଶ୍ୟକ ରହିବ।
ସରକାରୀ ଅଧିକାରୀମାନଙ୍କ କହିବା ଅନୁଯାୟୀ, ଏହି ପଦକ୍ଷେପ ପ୍ରଶାସନିକ ପ୍ରକ୍ରିୟାକୁ ସରଳ କରିବା ସହିତ ବିକାଶମୂଳକ କାମର ଗତିକୁ ଦୃତ କରିବ।
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
