ଓଡ଼ିଶାରେ ଅଣ୍ଡାର ଦର ଲଗାତାର ବଢ଼ୁଥିବାରୁ ସାଧାରଣ ଉପଭୋକ୍ତାଙ୍କ ଚିନ୍ତା ବଢ଼ିଛି। ବର୍ତ୍ତମାନ ଖୁଚୁରା ବଜାରରେ ପ୍ରତିଟି ଅଣ୍ଡାର ଦର ପ୍ରାୟ୯ ଟଙ୍କାରେ ପହଞ୍ଚିଥିବା ବେଳେ, ଏହାର ପ୍ରଭାବ ଦୈନନ୍ଦିନ ଖାଦ୍ୟ ବଜେଟ୍ ଉପରେ ପଡ଼ୁଛି।
ଏହି ପ୍ରସଙ୍ଗରେ ମତ ରଖି ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ମନ୍ତ୍ରୀଗୋକୁଳାନନ୍ଦ ମଲ୍ଲିକକହିଛନ୍ତି ଯେ, ରାଜ୍ୟ ଭିତରେ ଏବଂ ବାହାରେ ଅଣ୍ଡାର ଚାହିଦା ବହୁତ ବଢ଼ିଛି। ଏହା ସହ ଗତବର୍ଷ ଖରାଦିନରେ ବ୍ୟାପକ ହାରରେ କୁକୁଡ଼ା ମୃତ୍ୟୁ ଘଟିଥିବାରୁ ଉତ୍ପାଦନ କମିଯାଇଛି, ଯାହା ଦର ବୃଦ୍ଧିର ଏକ ପ୍ରମୁଖ କାରଣ।
ମନ୍ତ୍ରୀଙ୍କ କହିବା ଅନୁଯାୟୀ, ନିକଟ ଅତୀତରେ ବିଦେଶକୁ ଅଣ୍ଡା ରପ୍ତାନି ମଧ୍ୟ ବଢ଼ିଛି। ବିଶେଷକରି ଏସିଆ ଓ ଆଫ୍ରିକାର ବିଭିନ୍ନ ଦେଶରେ ଭାରତୀୟ ଅଣ୍ଡାର ଚାହିଦା ଅଧିକ ଥିବାରୁ ରାଜ୍ୟର ଉପଲବ୍ଧ ଷ୍ଟକ୍ ଉପରେ ଚାପ ପଡ଼ୁଛି।
ବର୍ତ୍ତମାନ ଉତ୍ପାଦନ କେନ୍ଦ୍ରରୁ ବ୍ୟବସାୟୀମାନେ ପ୍ରତି ଅଣ୍ଡା୭.୧୫ରୁ ୭.୨୦ ଟଙ୍କାରେ କିଣୁଥିବା ବେଳେ, ଖୁଚୁରା ବଜାରରେ ଏହାର ଦର ପ୍ରାୟ୯ ଟଙ୍କାରେ ବିକ୍ରି ହେଉଛି।
ଅଣ୍ଡାର ବଢ଼ୁଥିବା ଚାହିଦାକୁ ଦୃଷ୍ଟିରେ ରଖି ରାଜ୍ୟ ସରକାର କୁକୁଡ଼ା ଚାଷକୁ ଅଧିକ ପ୍ରୋତ୍ସାହନ ଦେବା ସହ ଉତ୍ପାଦନ କ୍ଷମତା ବଢ଼ାଇବାକୁ ଯୋଜନା କରୁଛନ୍ତି। ଆଗାମୀ ଦିନରେଦୈନିକ ପ୍ରାୟ ୨ କୋଟି ଅଣ୍ଡା ଉତ୍ପାଦନର ଲକ୍ଷ୍ୟ ରଖାଯାଇଛି।
ସରକାରଙ୍କ ଆଶା, ଉତ୍ପାଦନ ବଢ଼ିଲେ ଯୋଗାଣ ସ୍ୱାଭାବିକ ହେବ ଏବଂ ଅଣ୍ଡା ଦରରେ ସ୍ଥିରତା ଆସିବ।
ରାଜଧାନୀ ଭୁବନେଶ୍ୱରର ଅଚ୍ୟୁତପୁର ଅଞ୍ଚଳରେ ମାତ୍ର ୧,୨୦୦ ଟ...
ଭାରତୀୟ କ୍ରିକେଟ୍ ଦଳର ଦୁଇ ଅଭିଜ୍ଞ ବ୍ୟାଟର ବିରାଟ କୋହଲି...
ବାଲେଶ୍ୱର ଜିଲ୍ଲାର ଯୁବ ଇଞ୍ଜିନିୟର ରଶ୍ମି ରଞ୍ଜନ ସେଠୀଙ୍କ...
ବାଲେଶ୍ୱର ଜିଲ୍ଲାରେ ବେଆଇନ କାଠ କାରବାର ବିରୋଧରେ ବନ ବିଭା...
ଫୁଟବଲ ପ୍ରେମୀଙ୍କ ପାଇଁ ବର୍ଷର ସବୁଠାରୁ ବଡ଼ ମ୍ୟାଚ୍ ରବିବ...
ବ୍ରେଣ୍ଡନ୍ ମ୍ୟାକକୁଲମଙ୍କ ପରେ ଇଂଲଣ୍ଡ ଟେଷ୍ଟ ଦଳର ନୂଆ ମୁ...
ଉତ୍ତର ପ୍ରଦେଶରେ ଏକ ଚାଞ୍ଚଲ୍ୟକର ହତ୍ୟା ମାମଲା ସାମ୍ନାକୁ...
ଫିଫା ବିଶ୍ୱକପ୍ ୨୦୨୬ ଫାଇନାଲ୍ ପୂର୍ବରୁ ଆମେରିକାର ରାଷ୍ଟ୍...
