କଟକ:ଓଡ଼ିଶାରେ ଦୁଇ ଜଣ ଉପମୁଖ୍ୟମନ୍ତ୍ରୀଙ୍କ ନିଯୁକ୍ତିକୁ ନେଇ ଦାଏର ହୋଇଥିବା ଜନସ୍ୱାର୍ଥ ମାମଲା (PIL)ର ଶୁଣାଣି ଶେଷ ହୋଇଛି। ସୋମବାର ମୁଖ୍ୟ ବିଚାରପତିଙ୍କ ନେତୃତ୍ୱାଧୀନ ଓଡ଼ିଶା ହାଇକୋର୍ଟର ଖଣ୍ଡପୀଠ ଉଭୟ ପକ୍ଷର ଯୁକ୍ତି ଶୁଣିବା ପରେ ମାମଲାର ରାୟ ସଂରକ୍ଷିତ ରଖିଛନ୍ତି।
ଏହି PILରେ ରାଜ୍ୟରେ ଦୁଇ ଜଣ ଉପମୁଖ୍ୟମନ୍ତ୍ରୀଙ୍କ ପଦବୀ ଓ ନିଯୁକ୍ତିର ସାମ୍ବିଧାନିକ ବୈଧତା ଉପରେ ପ୍ରଶ୍ନ ଉଠାଯାଇଛି।
ରାଜ୍ୟ ସରକାରଙ୍କ ପକ୍ଷରୁ ଆଡଭୋକେଟ୍ ଜେନେରାଲ୍ପୀତାମ୍ବର ଆଚାର୍ଯ୍ୟମାମଲା ଲଢ଼ିଥିଲେ। ସେ PILକୁ ଖାରଜ କରିବାକୁ ହାଇକୋର୍ଟଙ୍କୁ ଅନୁରୋଧ କରିଥିଲେ।
ଆଡଭୋକେଟ୍ ଜେନେରାଲ୍ ଯୁକ୍ତି ଦେଇଥିଲେ ଯେ, କେନ୍ଦ୍ରରେ ଅତୀତରେ ଉପପ୍ରଧାନମନ୍ତ୍ରୀ ପଦ ରହିଥିବା ବେଳେ ବିଭିନ୍ନ ରାଜ୍ୟରେ ମଧ୍ୟ ଉପମୁଖ୍ୟମନ୍ତ୍ରୀ ପଦ ରହିଆସିଛି। ତେଣୁ ଏହି ପଦବୀକୁ ଅସାମ୍ବିଧାନିକ ବୋଲି କୁହାଯାଇପାରିବ ନାହିଁ ବୋଲି ସେ ଦର୍ଶାଇଥିଲେ।
ତାଙ୍କ ଅନୁସାରେ, ମନ୍ତ୍ରୀ ପରିଷଦର ସଦସ୍ୟମାନଙ୍କ ମଧ୍ୟରେ ଦାୟିତ୍ୱ ବଣ୍ଟନ କରିବାର ଅଧିକାର ମୁଖ୍ୟମନ୍ତ୍ରୀଙ୍କର ରହିଛି। ମୁଖ୍ୟମନ୍ତ୍ରୀଙ୍କ ସୁପାରିସ ଆଧାରରେ ରାଜ୍ୟପାଳ ବିଭିନ୍ନ ମନ୍ତ୍ରୀଙ୍କୁ ବିଭିନ୍ନ ବିଭାଗ ଆବଣ୍ଟନ କରନ୍ତି।
ସରକାରଙ୍କ ପକ୍ଷରୁ ଓଡ଼ିଶାର ପୂର୍ବ ରାଜନୈତିକ ଉଦାହରଣ ମଧ୍ୟ ହାଇକୋର୍ଟରେ ରଖାଯାଇଥିଲା।୧୯୯୫ ମସିହାରେ ତତ୍କାଳୀନ କଂଗ୍ରେସ ସରକାର ସମୟରେ ବସନ୍ତ କୁମାର ବିଶ୍ୱାଳ ଓ ହେମାନନ୍ଦ ବିଶ୍ୱାଳ ଦୁଇ ଜଣ ଉପମୁଖ୍ୟମନ୍ତ୍ରୀ ଥିଲେବୋଲି ଆଡଭୋକେଟ୍ ଜେନେରାଲ୍ ଉଲ୍ଲେଖ କରିଥିଲେ।
ସେ ଆହୁରି କହିଥିଲେ ଯେ ସମ୍ବିଧାନରେ ମୁଖ୍ୟମନ୍ତ୍ରୀ ଓ ମନ୍ତ୍ରୀ ପରିଷଦର ଉଲ୍ଲେଖ ରହିଛି, କିନ୍ତୁ ଉପମୁଖ୍ୟମନ୍ତ୍ରୀ, କ୍ୟାବିନେଟ୍ ମନ୍ତ୍ରୀ, ରାଜ୍ୟମନ୍ତ୍ରୀ କିମ୍ବା ଉପମନ୍ତ୍ରୀ ପଦବୀର ସ୍ୱତନ୍ତ୍ର ଉଲ୍ଲେଖ ନାହିଁ।
ରାଜ୍ୟ ସରକାରଙ୍କ ଯୁକ୍ତି ଥିଲା ଯେ ହାଇକୋର୍ଟର PIL ନିୟମାବଳୀରନିୟମ ୮ ଓ ୯ଅନୁଯାୟୀ, କୋର୍ଟକୁ ଆସିବା ପୂର୍ବରୁ ଆବଶ୍ୟକ ପ୍ରତିନିଧିତ୍ୱ କରିବାର ବ୍ୟବସ୍ଥା ରହିଛି। ଏହି PIL ପର୍ଯ୍ୟାପ୍ତ ଆଇନଗତ ଅନୁସନ୍ଧାନ ବିନା ଦାଏର ହୋଇଥିବା ଦର୍ଶାଇ ସରକାର ଏହାକୁ ଖାରଜ କରିବା ସହ ଖର୍ଚ୍ଚ ଲାଗୁ କରିବାକୁ ମଧ୍ୟ ଅନୁରୋଧ କରିଛନ୍ତି।
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଅଷ୍ଟ୍ରେଲିଆ ଏ’ ବିପକ୍ଷରେ ଆସନ୍ତା ଘରୋଇ ସିରିଜ୍ ପା...
ଭାରତୀୟ କ୍ରିକେଟ୍‌ ଟିମ୍‌ ସହ ଯୋଡ଼ିହୋଇଛି ୩ଟି...
କନିଷ୍ଠ ଏସିଆ କପ୍‌ ହକିରେ ଭାରତୀୟ ଯୁବ ଦଳର ଦମଦାର ପ...
ପାକିସ୍ତାନ କ୍ରିକେଟ୍‌ ଟିମ୍‌ର ଖରାପ ପ୍ରଦର୍ଶନ...
ହଲିଉଡ୍ର ଲୋକପ୍ରିୟ ସାଇ-ଫାଇ ସିରିଜ୍ **‘Silo&rsqu...
ଦୁଇ ଦଶନ୍ଧି ପୂର୍ବରୁ ଆରମ୍ଭ ହୋଇଥିବାBigg Bossଭାରତର ସବୁ...
ଅଭିନେତ୍ରୀମାହି ବିଜଶେଷରେBigg Bossଘରେ ପ୍ରବେଶ କରିଛନ୍ତି...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
