ଆମେରିକାର ଦକ୍ଷିଣ କାଲିଫର୍ଣ୍ଣିଆରେ ରହୁଥିବା ପ୍ରବାସୀ ଓଡ଼ିଆ ସମ୍ପ୍ରଦାୟ ପକ୍ଷରୁ ଓଡ଼ିଶା ଦିବସ ମହାସମାରୋହରେ ପାଳିତ ହୋଇଯାଇଛି। ଟଷ୍ଟିନ ସହରସ୍ଥିତ ଚିନ୍ମୟ ମିଶନ ପ୍ରାଙ୍ଗଣରେ ‘ଚିଅର୍ ଅପ୍ ଫାଉଣ୍ଡେସନ’ ଦ୍ୱାରା ଏହି ଆୟୋଜନ କରାଯାଇଥିଲା।
ଏହି କାର୍ଯ୍ୟକ୍ରମର ପ୍ରମୁଖ ଉଦ୍ଦେଶ୍ୟ ଥିଲା ପ୍ରବାସୀ ଓଡ଼ିଆ କୁନି ପିଲାମାନଙ୍କୁ ଓଡ଼ିଶାର ସମୃଦ୍ଧ କଳା, ସଂସ୍କୃତି ଓ ଐତିହ୍ୟ ସହ ପରିଚିତ କରାଇବା।
କାର୍ଯ୍ୟକ୍ରମର ଆରମ୍ଭରେ ଫାଉଣ୍ଡେସନର ଡକ୍ଟର ଆଶିଷ ଶତପଥୀ ସ୍ୱାଗତ ଭାଷଣ ଦେଇଥିଲେ। ପରେ ଅତିଥି ବ୍ରହ୍ମଚାରିଣୀ ସନ୍ଧ୍ୟା ଜୀ ପ୍ରଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।
ଏହି ଅବସରରେ କୁନି ପିଲାମାନେ ଗୀତା ପାଠ କରିଥିବା ବେଳେ ପିଆନୋ ଓ ଗିଟାର ମାଧ୍ୟମରେ ‘ରଙ୍ଗବତୀ’ ଓ ‘ଓଡ଼ିଶା ମୋ’ ଭଳି ଲୋକପ୍ରିୟ ଗୀତ ପ୍ରଦର୍ଶନ କରିଥିଲେ, ଯାହା ଦର୍ଶକଙ୍କୁ ମନୋମୋହିତ କରିଥିଲା।
ତଦୁପରି ମହାଭାରତର ‘ଧର୍ମ’ ବିଷୟ ଉପରେ ଆଧାରିତ ଏକ ନାଟକ ଓ ଓଡ଼ିଆ କାଳଜୟୀ ସଙ୍ଗୀତରେ ନୃତ୍ୟ ପ୍ରଦର୍ଶନ କାର୍ଯ୍ୟକ୍ରମର ମୁଖ୍ୟ ଆକର୍ଷଣ ସାଜିଥିଲା।
ଏହି ଆୟୋଜନ ପ୍ରବାସରେ ରହୁଥିବା ଓଡ଼ିଆମାନଙ୍କ ମଧ୍ୟରେ ଏକତା ଓ ସଂସ୍କୃତି ପ୍ରତି ଗର୍ବବୋଧକୁ ଆହୁରି ମଜବୁତ କରିଛି।
ଭାରତର ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟମ (MSME) ଖାତାରେ...
ହରିୟାଣାର ଗୁରୁଗ୍ରାମରେ ସରକାର ସର୍କିଲ୍ ରେଟ୍କୁ ୭୫% ପର୍ଯ...
ମହାରାଷ୍ଟ୍ରର ନାସିକ୍ ସ୍ଥିତ ଟିସିଏସ୍ ବିପିଓ ସେଣ୍ଟରରେ ମହ...
ମହିଳା ସଂରକ୍ଷଣ ସହିତ ସମ୍ପୃକ୍ତ ତିନୋଟି ବିଲ୍ ଉପରେ ସଂସଦର...
ମଧ୍ୟପ୍ରଦେଶର ଶିବପୁରୀ ଜିଲ୍ଲାର କରେରା ଅଞ୍ଚଳରେ ଗୁରୁବାର...
ଭୌଗୋଳିକ ତଣାପୋଡ଼ କିଛି ପର୍ଯ୍ୟନ୍ତ କମିବା ସହିତ ଆଜି ଭାରତ...
ନୂଆଦିଲ୍ଲୀ:ଲୋକସଭାରେ ସରକାର ପ୍ରସ୍ତାବିତ ନୂଆ ବିଧେୟକକୁ ନ...
ଆନ୍ତର୍ଜାତୀୟ ମୁଦ୍ରାକୋଷ (IMF) ର ସବୁଠାରୁ ନୂତନ ତଥ୍ୟ ଅନ...
