ଭୁବନେଶ୍ୱରର ସୁନ୍ଦରପଦା ଆଜାଦନଗର ବୋମା ବିସ୍ଫୋରଣ ମାମଲାରେ ତଦନ୍ତକୁ ଆହୁରି ତେଜ କରିଛି ଜାତୀୟ ତଦନ୍ତ ଏଜେନ୍ସି (NIA)। ମଙ୍ଗଳବାର NIAର ଏକ ଦଳ କ୍ୟାପିଟାଲ ହସ୍ପିଟାଲ ପହଞ୍ଚି ଘଟଣାସମ୍ପର୍କିତ ଗୁରୁତ୍ୱପୂର୍ଣ୍ଣ ମେଡିକାଲ ରେକର୍ଡ ଯାଞ୍ଚ କରିଛି।
ସୂତ୍ର ଅନୁସାରେ, ବିସ୍ଫୋରଣ ପରେ ଆହତ ଅଭିଯୁକ୍ତ ଶାହନୱାଜ ମଲ୍ଲିକ ଓ ତାଙ୍କ ସହଯୋଗୀମାନେ ପ୍ରଥମେ କ୍ୟାପିଟାଲ ହସ୍ପିଟାଲକୁ ଆଣାଯାଇଥିଲେ। NIA ଦଳ ସେମାନଙ୍କର ଚିକିତ୍ସା ସମ୍ପର୍କିତ ଦଲିଲ, ଆରମ୍ଭିକ ସ୍ୱାସ୍ଥ୍ୟ ସ୍ଥିତି ଓ ହସ୍ପିଟାଲର ପ୍ରତିକ୍ରିୟା ବିଷୟରେ ସୂଚନା ସଂଗ୍ରହ କରିଛି।
ତଦନ୍ତର ମୁଖ୍ୟ କେନ୍ଦ୍ରବିନ୍ଦୁ ହେଉଛି ବିସ୍ଫୋରଣରେ RDX ବ୍ୟବହାର ହୋଇଥିବା ସନ୍ଦେହ। ଏହା କୌଣସି ବଡ଼ ଅପରାଧିକ ଚକ୍ରାନ୍ତର ଅଂଶ କି ନୁହେଁ, ସେନେଇ ଏଜେନ୍ସି ଗଭୀର ତଦନ୍ତ କରୁଛି।
NIA ଅଧିକାରୀମାନେ ଘଟଣା ପରେ ଆହତମାନଙ୍କ ଅବସ୍ଥା, ଚିକିତ୍ସା ପ୍ରକ୍ରିୟା ଓ ହସ୍ପିଟାଲରେ ଘଟିଥିବା ପଦକ୍ଷେପ ସମ୍ପର୍କରେ ଡାକ୍ତର ଏବଂ କର୍ତ୍ତୃପକ୍ଷଙ୍କ ସହ ବିସ୍ତୃତ ଆଲୋଚନା କରିପାରନ୍ତି।
ଜାନୁଆରୀ 27ରେ ସୁନ୍ଦରପଦାର ଆଜାଦନଗର ଅଞ୍ଚଳରେ ଘଟିଥିବା ଏହି ବିସ୍ଫୋରଣରେ ଚାରିଜଣ ଗୁରୁତର ଭାବେ ଆହତ ହୋଇଥିଲେ। ଆହତମାନଙ୍କ ମଧ୍ୟରେ ଶାହନୱାଜ ମଲ୍ଲିକ, ତାଙ୍କ ମା’, ସାଙ୍ଗ ଅମିୟ ରଞ୍ଜନ ମଲ୍ଲିକ ଓ ଜଣେ ମହିଳା ସହଯୋଗୀ ଥିଲେ।
ପୋଲିସ ସୂତ୍ର ଅନୁଯାୟୀ, ଶାହନୱାଜ ମଲ୍ଲିକଙ୍କ ବିରୋଧରେ ନୟାପଲ୍ଲୀ, ମୈତ୍ରୀ ବିହାର ଓ ଖଣ୍ଡଗିରି ଥାନାରେ ଏକାଧିକ ଅପରାଧିକ ମାମଲା ରହିଛି।
ସୁରକ୍ଷା ଦୃଷ୍ଟିକୋଣରୁ ଏହି ମାମଲା ଗୁରୁତର ହେବାରୁ NIA ବିଭିନ୍ନ ସ୍ଥାନରୁ ପ୍ରମାଣ ସଂଗ୍ରହ କରି ତଦନ୍ତକୁ ବିସ୍ତାର କରୁଛି।
ମଧ୍ୟପ୍ରାଚ୍ୟରେ ପୁଣି ଥରେ ଉତ୍ତେଜନା ବଢ଼ିଛି। ହର୍ମୁଜ ପ୍ର...
ବର୍ତ୍ତମାନ ସମୟରେ ସ୍ମାର୍ଟଫୋନ୍ ବିନା ଜୀବନ କଳ୍ପନା କରିବା...
ସୁସ୍ଥ ଓ ସକ୍ରିୟ ଜୀବନ ପାଇଁ ସନ୍ତୁଳିତ ଖାଦ୍ୟାଭ୍ୟାସର ଭୂମ...
ନୂଆଦିଲ୍ଲୀ: ଇବୋଲା ଭାଇରସ୍ ସଂକ୍ରମଣର ଆଶଙ୍କାକୁ ନଜରରେ ରଖ...
ଶନିବାର ସକାଳେ ପାକିସ୍ତାନର ବିଭିନ୍ନ ଅଞ୍ଚଳରେ ଏକ ଶକ୍ତିଶା...
ନେଦରଲ୍ୟାଣ୍ଡରେ ପ୍ରଥମ ଥର ପାଇଁ ୧୨ ବର୍ଷରୁ କମ୍ ବୟସର ଜଣେ...
