ନୂଆଦିଲ୍ଲୀ:ମେଡିକାଲ୍ ପିଜି ପାଠ୍ୟକ୍ରମରେ ନାମଲେଖା ପାଇଁ NEET PG କାଉନ୍ସେଲିଂ ୨୦୨୬ର ରାଉଣ୍ଡ-୧ ପଞ୍ଜୀକରଣ ଅକ୍ଟୋବର ୧୨ରୁ ଆରମ୍ଭ ହୋଇଛି। ଯୋଗ୍ୟ ପ୍ରାର୍ଥୀମାନେ MCCର ଅଫିସିଆଲ୍ ୱେବସାଇଟ୍mcc.nic.inରେ ଅନଲାଇନ୍ ଆବେଦନ କରିପାରିବେ।

ଏହି କାଉନ୍ସେଲିଂ ମାଧ୍ୟମରେ ୫୦ ପ୍ରତିଶତ ଅଲ୍ ଇଣ୍ଡିଆ କୋଟା (AIQ) ପିଜି ମେଡିକାଲ୍ ସିଟ୍ ସହିତ ଡିମ୍ଡ୍ ଓ କେନ୍ଦ୍ରୀୟ ବିଶ୍ୱବିଦ୍ୟାଳୟର ସମ୍ପୃକ୍ତ ସିଟ୍ଗୁଡ଼ିକ ପାଇଁ ନାମଲେଖା ପ୍ରକ୍ରିୟା କରାଯିବ। ପ୍ରାର୍ଥୀମାନେ ନିର୍ଦ୍ଧାରିତ ସମୟ ମଧ୍ୟରେ ପଞ୍ଜୀକରଣ ଓ ଫି’ ଦାଖଲ କରିବା ଆବଶ୍ୟକ।

NEET PG କାଉନ୍ସେଲିଂ ୨୦୨୬: ଗୁରୁତ୍ୱପୂର୍ଣ୍ଣ ତାରିଖ

• ପଞ୍ଜୀକରଣ ଓ ଫି’ ଦାଖଲ:ଅକ୍ଟୋବର ୧୨ରୁ ୨୧, ୨୦୨୬

• ପଞ୍ଜୀକରଣର ଶେଷ ସମୟ:ଅକ୍ଟୋବର ୨୧, ମଧ୍ୟାହ୍ନ ୧୨ଟା

• ଫି’ ଦାଖଲର ଶେଷ ସମୟ:ଅକ୍ଟୋବର ୨୧, ଅପରାହ୍ନ ୩ଟା

• ଚଏସ୍ ଫିଲିଂ:ଅକ୍ଟୋବର ୧୩ରୁ ୨୨, ୨୦୨୬

• ଚଏସ୍ ଲକିଂ:ଅକ୍ଟୋବର ୨୧ ଅପରାହ୍ନ ୪ଟାରୁ ଅକ୍ଟୋବର ୨୨ ସକାଳ ୧୦ଟା

• ସିଟ୍ ଆଲଟ୍ମେଣ୍ଟ ପ୍ରକ୍ରିୟା:ଅକ୍ଟୋବର ୨୨ରୁ ୨୩

• ରାଉଣ୍ଡ-୧ ସିଟ୍ ଆଲଟ୍ମେଣ୍ଟ ଫଳ:ଅକ୍ଟୋବର ୨୪

• କଲେଜରେ ରିପୋର୍ଟିଂ ଓ ନାମଲେଖା:ଅକ୍ଟୋବର ୨୬ରୁ ନଭେମ୍ବର ୨

କିପରି କରିବେ ପଞ୍ଜୀକରଣ?

୧. ପ୍ରଥମେ MCCର ଅଫିସିଆଲ୍ ୱେବସାଇଟ୍mcc.nic.inଖୋଲନ୍ତୁ।୨. PG Medical Counselling ବିଭାଗକୁ ଯାଆନ୍ତୁ।୩. NEET PG Counselling 2026 Round 1 Registration ଲିଙ୍କ୍ ଚୟନ କରନ୍ତୁ।୪. ଆବଶ୍ୟକ ବ୍ୟକ୍ତିଗତ, ଶିକ୍ଷାଗତ ଓ ପରୀକ୍ଷା ସମ୍ପର୍କିତ ତଥ୍ୟ ପୂରଣ କରନ୍ତୁ।୫. ନିର୍ଦ୍ଧାରିତ ପଞ୍ଜୀକରଣ ଫି’ ଓ ପ୍ରଯୁଜ୍ୟ ସିକ୍ୟୁରିଟି ଡିପୋଜିଟ୍ ଦାଖଲ କରନ୍ତୁ।୬. ସମସ୍ତ ତଥ୍ୟ ଯାଞ୍ଚ କରି ଫର୍ମ ଦାଖଲ କରନ୍ତୁ ଏବଂ କନଫର୍ମେସନ୍ ପୃଷ୍ଠା ସଂରକ୍ଷଣ କରନ୍ତୁ।

ଅକ୍ଟୋବର ୧୩ରୁ ଚଏସ୍ ଫିଲିଂ

ପଞ୍ଜୀକରଣ ପରେ ପ୍ରାର୍ଥୀମାନେ ନିଜ ପସନ୍ଦର କଲେଜ୍ ଓ ପିଜି ପାଠ୍ୟକ୍ରମ ବାଛିପାରିବେ। ଚଏସ୍ ଫିଲିଂ ଓ ଲକିଂ ପାଇଁ ନିର୍ଦ୍ଧାରିତ ସମୟସୀମାକୁ ଧ୍ୟାନରେ ରଖିବା ଜରୁରୀ। ପସନ୍ଦ ଲକ୍ କରିବା ପୂର୍ବରୁ କଲେଜ୍ର ଫି’, ସର୍ଭିସ୍ ବଣ୍ଡ୍, ଯୋଗ୍ୟତା ଓ ସିଟ୍ ସମ୍ପର୍କିତ ସର୍ତ୍ତାବଳୀ ଯାଞ୍ଚ କରିବାକୁ ପ୍ରାର୍ଥୀମାନଙ୍କୁ ପରାମର୍ଶ ଦିଆଯାଉଛି।

ରାଉଣ୍ଡ-୧ ସିଟ୍ ଆଲଟ୍ମେଣ୍ଟ ଫଳ ଅକ୍ଟୋବର ୨୪ରେ ପ୍ରକାଶ ପାଇବାର ସୂଚୀ ରହିଛି। ସିଟ୍ ପାଇଥିବା ପ୍ରାର୍ଥୀମାନେ ଅକ୍ଟୋବର ୨୬ରୁ ନଭେମ୍ବର ୨ ମଧ୍ୟରେ ନିଜ ଆବଣ୍ଟିତ ଅନୁଷ୍ଠାନରେ ରିପୋର୍ଟ କରିବେ।

ପ୍ରାର୍ଥୀମାନେ ଶେଷ ତାରିଖ, ଫି’ ଦାଖଲ ସମୟ ଓ କାଉନ୍ସେଲିଂ ନିୟମରେ ପରିବର୍ତ୍ତନ ସମ୍ପର୍କରେ ନିୟମିତ ଭାବେ MCCର ଅଫିସିଆଲ୍ ୱେବସାଇଟ୍ ଯାଞ୍ଚ କରନ୍ତୁ।