ବହୁଦିନ ଧରି ଚାଲିଥିବା ଚର୍ଚ୍ଚାର ଅବସାନ ଘଟାଇ ପୂର୍ବତନ IAS ଅଧିକାରୀ ତଥା ଭି.କେ. ପାଣ୍ଡିଆନଙ୍କ ପତ୍ନୀ ସୁଜାତା କାର୍ତ୍ତିକେୟନ ଗୁରୁବାର ଔପଚାରିକ ଭାବେ ବିଜୁ ଜନତା ଦଳ (ବିଜେଡି)ରେ ଯୋଗ ଦେଇଛନ୍ତି।
ଭୁବନେଶ୍ୱରସ୍ଥିତ ଶଙ୍ଖ ଭବନରେ ଆୟୋଜିତ ଏକ ବୈଠକରେ ବିଜେଡି ସଭାପତି ନବୀନ ପଟ୍ଟନାୟକଙ୍କ ଉପସ୍ଥିତିରେ ସୁଜାତାଙ୍କ ଦଳରେ ଯୋଗଦାନ ନେଇ ଔପଚାରିକ ଘୋଷଣା କରାଯାଇଥିଲା।
ସୁଜାତା କାର୍ତ୍ତିକେୟନଙ୍କ ଦଳରେ ପ୍ରବେଶ ପରେ ରାଜନୈତିକ ମହଲରେ ଏହି ଚର୍ଚ୍ଚା ଜୋର ଧରିଥିଲା ଯେ, ସେ ୨୦୨୯ ସାଧାରଣ ନିର୍ବାଚନରେ ବିଜେଡିର ମୁଖ୍ୟ ମୁହଁ ହୋଇପାରନ୍ତି।
ତେବେ ଏହି ସମସ୍ତ କଳ୍ପନାଜଳ୍ପନା ଉପରେ ପୂର୍ଣ୍ଣଛେଦ ପକାଇ ନବୀନ ପଟ୍ଟନାୟକ ସ୍ପଷ୍ଟ କରିଛନ୍ତି ଯେ, ୨୦୨୯ ସାଧାରଣ ନିର୍ବାଚନରେ ସେ ନିଜେ ବିଜେଡିର ନେତୃତ୍ୱ ନେବେ।
ଉଲ୍ଲେଖଯୋଗ୍ୟ ଯେ, ୨୦୦୦ ବ୍ୟାଚ୍ର IAS ଅଧିକାରୀ ସୁଜାତା କାର୍ତ୍ତିକେୟନ ମାର୍ଚ୍ଚ ୨୦୨୫ରେ ସ୍ୱେଚ୍ଛାକୃତ ଅବସର (VRS) ନେବା ପରଠାରୁ ତାଙ୍କର ବିଜେଡିରେ ଯୋଗଦାନକୁ ନେଇ ନାନା ଚର୍ଚ୍ଚା ହେଉଥିଲା।
ଆଜିର ଏହି ଘୋଷଣା ପରେ ସୁଜାତା କାର୍ତ୍ତିକେୟନଙ୍କ ଭବିଷ୍ୟତ ଭୂମିକାକୁ ନେଇ ଦଳ ମଧ୍ୟରେ ଓ ରାଜ୍ୟ ରାଜନୀତିରେ ନୂଆ ଆଲୋଚନା ଆରମ୍ଭ ହୋଇଛି। ତେବେ ନବୀନ ପଟ୍ଟନାୟକଙ୍କ ସ୍ପଷ୍ଟ ବୟାନ ପରେ ୨୦୨୯ ନିର୍ବାଚନରେ ଦଳର ନେତୃତ୍ୱ ନେଇ ଚାଲିଥିବା ଚର୍ଚ୍ଚାରେ ବିରାମ ଲାଗିଛି।
ଭାରତର ପ୍ରମୁଖ IT କମ୍ପାନୀ Infosysର ଶେୟରକୁ ନେଇ ନିବେଶକ...
SMA ଔଷଧକୁ ନେଇ କେରଳରେ ଚର୍ଚ୍ଚା ଓ ବିବାଦ ମଧ୍ୟରେ ସ୍ୱାସ୍...
ଭାରତ କାହିଁକି ବଡ଼ ଟାର୍ଗେଟ୍? ମାଇକ୍ରୋସଫ୍ଟର ୨୦୨୬ ଡି...
ଯାତ୍ରା ପାଇଁ ଗଲା ୧.୬୩ ବିଲିୟନ ଡଲାର ଅଗଷ୍ଟରେ LRS ଅଧ...
ହସ୍ପିଟାଲଗୁଡ଼ିକରେ ଥରେ ବ୍ୟବହାର ପାଇଁ ଉଦ୍ଦିଷ୍ଟ ମେଡିକାଲ...
ଉତ୍ତରପ୍ରଦେଶର ଭୋଟର ତାଲିକାକୁ ନେଇ ନୂଆ ବିବାଦ ଦେଖାଦେଇଛି...
ଭାରତୀୟ ଅର୍ଥନୀତିର ବିକାଶ ହାରକୁ ନେଇ ଆଶା ବଢ଼ିଥିବାବେଳେ,...
ଡର୍ମାଟୋଲୋଜିଷ୍ଟ ଡା. ଜୁଶ୍ୟା ଭାଟିଆ ସରିନ୍ ଭାରତୀୟ ତ୍ୱଚା...
