ଓଡ଼ିଶା ଉପକୂଳ ନିକଟରେ MV Ocean Winner ବୁଡ଼ିଯିବା ଘଟଣାର ରହସ୍ୟ ଖୁବଶୀଘ୍ର ଖୋଲିପାରେ। ଘଟଣାରୁ ଉଦ୍ଧାର ହୋଇଥିବା ୨ ଜଣ ଚୀନ୍ ନାବିକଙ୍କୁ ପାରାଦୀପରେ ପଚରାଉଚରା କରିବା ପାଇଁ ପ୍ରସ୍ତୁତି ଚାଲିଛି।
ଉଦ୍ଧାର ହୋଇଥିବା ନାବିକଙ୍କ ସହ ଯୋଗାଯୋଗ ସୁବିଧା ପାଇଁ କୋଲକାତାରୁ ୨ ଜଣ ଚୀନ୍ ଭାଷା ଦୁଭାଷୀ ପାରାଦୀପରେ ପହଞ୍ଚିଛନ୍ତି। ଏଥିସହ କୋଲକାତାସ୍ଥିତ ଚୀନ୍ କନସୁଲେଟ୍ର ୨ ଜଣ ଅଧିକାରୀ ମଧ୍ୟ ପାରାଦୀପରେ ପହଞ୍ଚିଛନ୍ତି।
MV Ocean Winner ବୁଡ଼ିବା ପୂର୍ବରୁ ଜାହାଜରେ କ’ଣ ଘଟିଥିଲା, ସେତେବେଳେ ଜାହାଜର ପରିସ୍ଥିତି କିପରି ଥିଲା ଏବଂ ଦୁର୍ଘଟଣା ପଛରେ କେଉଁ କାରଣ ଥାଇପାରେ—ଏସବୁ ବିଷୟରେ ନାବିକଙ୍କଠାରୁ ବିସ୍ତୃତ ତଥ୍ୟ ନିଆଯିବ। ତାଙ୍କ ବୟାନ ତଦନ୍ତକାରୀଙ୍କୁ ଘଟଣାର ପ୍ରକୃତ କାରଣ ଜାଣିବାରେ ଗୁରୁତ୍ୱପୂର୍ଣ୍ଣ ସୁରାଗ ଦେଇପାରେ।
ପାରାଦୀପର ଏକ ହୋଟେଲରେ ଉଦ୍ଧାର ହୋଇଥିବା ନାବିକମାନେ ରହୁଥିବାବେଳେ ବିଭିନ୍ନ ବିଭାଗର ଅଧିକାରୀ ସେଠାରେ ଉପସ୍ଥିତ ଅଛନ୍ତି। ଏଥିରେ ଇମିଗ୍ରେସନ୍ DSP, ପାରାଦୀପ ପୁଲିସ, ବନ୍ଦର କର୍ତ୍ତୃପକ୍ଷ, କୋଷ୍ଟଗାର୍ଡ ଅଧିକାରୀ ଓ ଚୀନ୍ କନସୁଲେଟ୍ର ଅଧିକାରୀ ସାମିଲ ଅଛନ୍ତି।
ସର୍ଭେ ଏଜେନ୍ସି ଓ ବୀମା କମ୍ପାନୀର ପ୍ରତିନିଧିମାନେ ମଧ୍ୟ ତଦନ୍ତରେ ସାମିଲ ହୋଇପାରନ୍ତି। ଚୀନ୍ ଅଧିକାରୀମାନେ ଭାଷା ଅନୁବାଦରେ ସହାୟତା କରିବେ।
ତେବେ ଆନୁଷ୍ଠାନିକ ଅନୁମତି ମିଳିବା ପରେ ହିଁ ନାବିକମାନଙ୍କର ଔପଚାରିକ ପଚରାଉଚରା ଆରମ୍ଭ ହେବ ବୋଲି ପାରାଦୀପ ASP ଅଜିଙ୍କ୍ୟ ମାନେ ସୂଚନା ଦେଇଛନ୍ତି। ବର୍ତ୍ତମାନ ଆନୁଷ୍ଠାନିକ ପ୍ରକ୍ରିୟା ଚାଲିଥିବା ବେଳେ ଦୁଭାଷୀ ଆସିବା ପରେ ନାବିକମାନଙ୍କ ସହ ବିସ୍ତୃତ ଭାବେ କଥା ହେବ ବୋଲି ସେ କହିଛନ୍ତି।
ପାରାଦୀପ ଇମିଗ୍ରେସନ୍ର DSP ମଧ୍ୟ ଏହି ଘଟଣା ସମ୍ପର୍କରେ ବିସ୍ତୃତ ତଥ୍ୟ ପ୍ରକାଶ କରିନାହାନ୍ତି।
ଦୁଇ ଦଶନ୍ଧି ପୂର୍ବରୁ ଆରମ୍ଭ ହୋଇଥିବାBigg Bossଭାରତର ସବୁ...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ହଲିଉଡ୍ର ଲୋକପ୍ରିୟ ସାଇ-ଫାଇ ସିରିଜ୍ **‘Silo&rsqu...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ଅଭିନେତ୍ରୀମାହି ବିଜଶେଷରେBigg Bossଘରେ ପ୍ରବେଶ କରିଛନ୍ତି...
