ଓଡ଼ିଶା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ (ସିଏମ୍ଓ)ରୁ ଗୁରୁତ୍ୱପୂର୍ଣ୍ଣ ଫାଇଲ୍ ନିଖୋଜ ମାମଲାରେ ତଦନ୍ତ ପ୍ରକ୍ରିୟା ଜୋରଦାର ହୋଇଛି। ଏହି ମାମଲାରେ ପୂର୍ବତନ ଓଡ଼ିଶା ଆଇଟି ସଚିବ ମନୋଜ ମିଶ୍ର ଶନିବାର ଭୁବନେଶ୍ୱରସ୍ଥିତ କ୍ୟାପିଟାଲ ଥାନାରେ ହାଜର ହୋଇ ପୁଲିସର ପ୍ରଶ୍ନର ସମ୍ମୁଖୀନ ହୋଇଛନ୍ତି।
ପୁଲିସ ପକ୍ଷରୁ ପୂର୍ବତନ IAS ଅଧିକାରୀ ରାଜେଶ ବର୍ମା ଏବଂ ମନୋଜ ମିଶ୍ରଙ୍କୁ ଜୁଲାଇ ୨୨, ୨୦୨୬ ସୁଦ୍ଧା ହାଜର ହେବାକୁ ସମନ ଜାରି କରାଯାଇଥିଲା। ସିଏମ୍ଓରୁ ଦୁଇଟି ଗୁରୁତ୍ୱପୂର୍ଣ୍ଣ ଫାଇଲ୍ ନିଖୋଜ ହେବା ଘଟଣା ପୂର୍ବରୁ ରାଜ୍ୟ ରାଜନୀତିରେ ତୀବ୍ର ଚର୍ଚ୍ଚା ସୃଷ୍ଟି କରିଥିଲା।
ସୂଚନା ଅନୁସାରେ, ସିଏମ୍ଓର ଅନ୍ୟ ସମସ୍ତ ଗୁରୁତ୍ୱପୂର୍ଣ୍ଣ ଫାଇଲ୍ ଠାବ କରାଯାଇଥିବା ବେଳେ କେବଳ ଦୁଇଟି ଫାଇଲ୍ର ପତ୍ତା ମିଳିନାହିଁ। ଏହି ଫାଇଲ୍ଗୁଡ଼ିକ ହେଲା ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ହତ୍ୟାକାଣ୍ଡ ଏବଂ ସମ୍ ହସ୍ପିଟାଲ୍ ଅଗ୍ନିକାଣ୍ଡ ସମ୍ବନ୍ଧୀୟ ତଦନ୍ତ ଫାଇଲ୍।
ପୁଲିସ ପକ୍ଷରୁ କୁହାଯାଇଛି ଯେ, ତଦନ୍ତର ପରିସର ବ୍ୟାପକ ରହିଛି। ଏହି ଘଟଣାରେ ସମ୍ପୃକ୍ତ ଥିବା ଅନ୍ୟ କୌଣସି ବ୍ୟକ୍ତିଙ୍କ ସମ୍ପୃକ୍ତତା ମିଳିଲେ ସେମାନଙ୍କୁ ମଧ୍ୟ ପଚରାଉଚରା କରାଯିବ।
କ୍ୟାପିଟାଲ ଥାନାରେ ପଚରାଉଚରା ପରେ ମନୋଜ ମିଶ୍ର ଗଣମାଧ୍ୟମକୁ କହିଛନ୍ତି ଯେ, ସିଏମ୍ଓରୁ ଦୁଇଟି ଗୁରୁତ୍ୱପୂର୍ଣ୍ଣ ଫାଇଲ୍ ନିଖୋଜ ହୋଇଥିବା ନେଇ ଏଫ୍ଆଇଆର୍ ରୁଜୁ ହୋଇଥିଲା। ଏହାପରେ ପୁଲିସ ନିୟମାନୁଯାୟୀ ତଦନ୍ତ କରୁଛି ଏବଂ ସିଏମ୍ଓର ଦାୟିତ୍ୱରେ ଥିବା କିମ୍ବା ସେଥି ସହ ଜଡିତ ଅଧିକାରୀମାନଙ୍କୁ ପଚରାଉଚରା କରୁଛି।
ସେ କହିଛନ୍ତି, "ଆମେ ପୁଲିସ ତଦନ୍ତରେ ସମ୍ପୂର୍ଣ୍ଣ ସହଯୋଗ କରୁଛୁ। ତଦନ୍ତ ଚାଲିଥିବାରୁ ଏହାଠାରୁ ଅଧିକ କିଛି କହିବା ସମ୍ଭବ ନୁହେଁ।"
ମାମଲାର ତଦନ୍ତ ଜାରି ରହିଥିବା ବେଳେ ନିଖୋଜ ଫାଇଲ୍ଗୁଡ଼ିକର ସନ୍ଧାନ ଏବଂ ଏହା ପଛର କାରଣ ସମ୍ପର୍କରେ ପୁଲିସ ତଦନ୍ତ କରୁଛି।
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
