ଭୁବନେଶ୍ୱର: ମଙ୍ଗଳସୂତ୍ର କିଣିବା ପାଇଁ ଗହଣା ଦୋକାନକୁ ଆସିଥିଲେ। ହେଲେ ଗହଣା କିଣିବା ବଦଳରେ ଚୋରି କରିଥିବା ଅଭିଯୋଗ। ଏଭଳି ଏକ ଘଟଣା ଭୁବନେଶ୍ୱରର ଚନ୍ଦ୍ରଶେଖରପୁର ଅଞ୍ଚଳରେ ଘଟିଛି। ଏହି ଘଟଣାରେ କମିଶନରେଟ୍ ପୋଲିସ ୩ ଜଣ ମହିଳାଙ୍କୁ ଗିରଫ କରିଛି।
ସୂଚନା ଅନୁଯାୟୀ, ୪ ଜଣ ମହିଳା ଏକାଠି ଗହଣା ଦୋକାନକୁ ଆସିଥିଲେ। ମଙ୍ଗଳସୂତ୍ର ସମେତ ବିଭିନ୍ନ ଗହଣା ଦେଖିବା ବାହାନାରେ ସେମାନେ ପରସ୍ପରକୁ ଆଡ଼ କରି ଗହଣା ଲୁଚାଇଥିବା ଅଭିଯୋଗ ହୋଇଛି।
CCTV ଫୁଟେଜରେ ଜଣେ ମହିଳା ଗହଣା ଦେଖୁଥିବା ବେଳେ ନିଜ ଅଣ୍ଟା ନିକଟରେ ଅଳଙ୍କାର ଲୁଚାଉଥିବା ଦେଖାଯାଇଥିବା ଦୋକାନୀ କହିଛନ୍ତି। ଘଟଣା ପରେ CCTV ଯାଞ୍ଚ କରିବାରୁ ଚୋରି ସମ୍ପର୍କରେ ଜଣାପଡ଼ିଥିଲା।
ଦୋକାନୀ ସନ୍ତୋଷ ପୃଷ୍ଟିଙ୍କ କହିବା ଅନୁଯାୟୀ, ମହିଳାମାନେ ମଙ୍ଗଳସୂତ୍ର ଦେଖୁଥିବା ସମୟରେ ଅତି ସହଜରେ ଗହଣା ଲୁଚାଇ ନେଇଥିଲେ। ପରେ CCTV ଫୁଟେଜ ଯାଞ୍ଚ କରି ଘଟଣା ସମ୍ପର୍କରେ ଜଣାପଡ଼ିଥିଲା।
ଅନ୍ୟପକ୍ଷରେ, ଅଭିଯୁକ୍ତ ମହିଳାମାନେ ଗହଣା କିଣିବା ପାଇଁ ଆସିଥିବା ଏବଂ ଗହଣା ଧରି ଦେଖୁଥିବା ବେଳେ ଏଭଳି ଘଟଣା ଘଟିଥିବା କହିଛନ୍ତି। ସେମାନେ ଏଥିପାଇଁ କ୍ଷମା ମଧ୍ୟ ମାଗିଥିବା ଜଣାପଡ଼ିଛି।
CCTV ଫୁଟେଜ ଆଧାରରେ କମିଶନରେଟ୍ ପୋଲିସ ତଦନ୍ତ ଆରମ୍ଭ କରି ଘଟଣାରେ ସମ୍ପୃକ୍ତ ମହିଳାମାନଙ୍କୁ ଚିହ୍ନଟ କରିଥିଲା। ପରେ ଚନ୍ଦ୍ରଶେଖରପୁର ପୋଲିସ ତିନି ଜଣ ମହିଳାଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ବିଶ୍ୱର ମାନଚିତ୍ରକୁ ନେଇ ଆସିଛି ଏକ ବଡ଼ ଚର୍ଚ୍ଚା। ପ୍ରାୟ...
ଦେଶର ବିଶିଷ୍ଟ ବୈଜ୍ଞାନିକ ତଥାଭାରତ ରତ୍ନ ପୁରସ୍କାରପ୍ରାପ୍...
ବନ୍ୟାର ଭୟାବହତାରୁ ନେପାଳ ମୁକୁଳିନଥିବା ବେଳେ ଏବେ ଭୂକମ୍ପ...
ଭାରତରେ ସାଟେଲାଇଟ୍ ବ୍ରଡବ୍ୟାଣ୍ଡ୍ ବା ମହାକାଶ ଇଣ୍ଟରନେଟ୍...
