ଓଡ଼ିଶାରେ ପ୍ରସ୍ତାବିତ JSW ଗ୍ରୁପ୍ର ୪୦,୦୦୦ କୋଟି ଟଙ୍କାର ବ୍ୟାଟେରୀ ମାନୁଫାକ୍ଚରିଂ ପ୍ରକଳ୍ପ ଏବେ ପାଇଁ ସ୍ଥଗିତ ରଖାଯାଇଛି। ବ୍ୟାଟେରୀ ସେଲ୍ ଉତ୍ପାଦନ ପାଇଁ ଆବଶ୍ୟକ ଲିଥିୟମ୍ ଆଇରନ୍ ଫସ୍ଫେଟ୍ (LFP) ଟେକ୍ନୋଲୋଜିର ଉପଯୁକ୍ତ ପାର୍ଟନର ଖୋଜିବାରେ କମ୍ପାନୀ ଏପର୍ଯ୍ୟନ୍ତ ସଫଳ ହୋଇନଥିବାରୁ ଏହି ନିଷ୍ପତ୍ତି ନିଆଯାଇଛି।
ବୁଧବାର ମୁମ୍ବାଇରେ ଏନେଇ ସୂଚନା ଦେଇଛନ୍ତି JSW MG Motor Indiaର ନିର୍ଦ୍ଦେଶକ ତଥା JSW Cement ଓ JSW Paintsର ମ୍ୟାନେଜିଂ ଡାଇରେକ୍ଟର ପାର୍ଥ ଜିନ୍ଦଲ।
ଜିନ୍ଦଲଙ୍କ କହିବା ଅନୁସାରେ, ଭାରତରେ ବ୍ୟାଟେରୀ ସେଲ୍ ଉତ୍ପାଦନ କରିବା ପାଇଁ JSW ଗ୍ରୁପ୍ର ଆଗ୍ରହ ରହିଛି। କିନ୍ତୁ LFP ବ୍ୟାଟେରୀ ସେଲ୍ ତିଆରି ପାଇଁ ଆବଶ୍ୟକ ଟେକ୍ନୋଲୋଜି ସହ ଏପର୍ଯ୍ୟନ୍ତ କୌଣସି ଟେକ୍ନୋଲୋଜି ଟାଇ-ଅପ୍ ହୋଇପାରିନାହିଁ।
LFP ଟେକ୍ନୋଲୋଜି ଚୀନ୍ ବାହାରେ ଅନ୍ୟ ଦେଶରେ ସୀମିତ ଉପଲବ୍ଧ ଥିବାରୁ ଏହା JSW ପାଇଁ ବଡ଼ ଚ୍ୟାଲେଞ୍ଜ ହୋଇଛି ବୋଲି ଜିନ୍ଦଲ କହିଛନ୍ତି।
ବ୍ୟାଟେରୀ ସେଲ୍ ଉତ୍ପାଦନ କ୍ଷେତ୍ରରେ ସମସ୍ୟା ରହିଥିଲେ ମଧ୍ୟ cell-to-pack assembly କ୍ଷେତ୍ରରେ JSW ଆଗକୁ ବଢ଼ିଛି।
JSW Energy ମାଧ୍ୟମରେ ବ୍ୟାଟେରୀ ଏନର୍ଜି ଷ୍ଟୋରେଜ୍ ପାଇଁ ଏକ cell-to-pack assembly line ପୂର୍ବରୁ କାର୍ଯ୍ୟକ୍ଷମ ହୋଇସାରିଛି। ଏହା ସହିତ JSW MG Motor India ପାଇଁ ମଧ୍ୟ ଏକ ପୃଥକ cell-to-pack facility ଚାଲୁ ହୋଇଛି।
ତେବେ ନିଜସ୍ୱ ବ୍ୟାଟେରୀ ସେଲ୍ ଉତ୍ପାଦନ ପାଇଁ ଆବଶ୍ୟକ ଟେକ୍ନୋଲୋଜି ମିଳିନଥିବାରୁ ଓଡ଼ିଶା ପ୍ରକଳ୍ପକୁ ଏବେ ସ୍ଥଗିତ ରଖାଯାଇଛି।
୨୦୨୪ ଫେବ୍ରୁଆରୀରେ JSW ଗ୍ରୁପ୍ ଓ ଓଡ଼ିଶା ସରକାରଙ୍କ ମଧ୍ୟରେ MoU ସ୍ୱାକ୍ଷର ହୋଇଥିଲା। ଏହି ପ୍ରସ୍ତାବିତ ଇଣ୍ଟିଗ୍ରେଟେଡ୍ ଇଲେକ୍ଟ୍ରିକ୍ ଭେହିକଲ୍ ଓ ବ୍ୟାଟେରୀ ମାନୁଫାକ୍ଚରିଂ ପ୍ରକଳ୍ପରେ ପ୍ରାୟ ୪୦,୦୦୦ କୋଟି ଟଙ୍କା ନିବେଶ ଯୋଜନା ରହିଥିଲା।
ଏହି ପ୍ରକଳ୍ପ ଅଧୀନରେ କଟକ ଜିଲ୍ଲାର ନରାଜରେ ୫୦ GWh କ୍ଷମତାର ଇଲେକ୍ଟ୍ରିକ୍ ଭେହିକଲ୍ ବ୍ୟାଟେରୀ ମାନୁଫାକ୍ଚରିଂ ପ୍ଲାଣ୍ଟ ସ୍ଥାପନ କରିବାକୁ ଯୋଜନା ଥିଲା।
ବର୍ତ୍ତମାନ ଏହି ପ୍ରକଳ୍ପର ଭବିଷ୍ୟତ JSW ଗ୍ରୁପ୍ର LFP ଟେକ୍ନୋଲୋଜି ପାର୍ଟନର ଖୋଜିବାରେ ସଫଳତା ଉପରେ ନିର୍ଭର କରୁଛି।
ପ୍ରାୟ ୫ ବର୍ଷ ଧରି ଚାଲିଥିବା IDBI ବ୍ୟାଙ୍କର ଘରୋଇକରଣ ପ୍...
ନୂଆଦିଲ୍ଲୀ:କ୍ୟାରିୟରର ପ୍ରଥମ ପାହାଚ ଜୀବନର ଶେଷ ଗନ୍ତବ୍ୟ...
ଲଗାଣ ବର୍ଷା ପରେ ବିହାରରେ ବନ୍ୟା ପରିସ୍ଥିତି ଆହୁରି ଗମ୍ଭୀ...
ନୂଆଦିଲ୍ଲୀ:ଭାରତର ଏୟାରପୋର୍ଟ ଓ ବିମାନ ଭିତ୍ତିଭୂମି କ୍ଷେତ...
ପିତାମାତାଙ୍କ ସମ୍ପତ୍ତିକୁ ନେଇ ଚାଲିଥିବା ଏକ ବିବାଦରେ ସୁପ...
ଓଡ଼ିଶା ସମେତ ୫ଟି ରାଜ୍ୟର ରେଳ ଯୋଗାଯୋଗକୁ ଆହୁରି ମଜବୁତ କ...
ନୂଆଦିଲ୍ଲୀ:ବିମାନ ଯାତ୍ରୀଙ୍କ ପାଇଁ ଆସିଛି ଚିନ୍ତାଜନକ ଖବର...
ନୂଆଦିଲ୍ଲୀ:Air Indiaରେ ଆହୁରି ପୁଞ୍ଜି ନିବେଶ କରିବା ପୂର...
