ଯାଜପୁର ଜିଲ୍ଲାରେ ପ୍ରାୟ ୧୮ କୋଟି ଟଙ୍କା ବ୍ୟୟରେ ନିର୍ମିତ ଦୁଇଟି ବଡ଼ ଐତିହ୍ୟ ଓ ପର୍ଯ୍ୟଟନ ଭିତ୍ତିଭୂମି ପ୍ରକଳ୍ପ ବର୍ଷକାଳ ଧରି ଅଚଳ ଅବସ୍ଥାରେ ପଡ଼ି ରହିଥିବାରୁ ସରକାରୀ ଅର୍ଥର ଅପବ୍ୟୟ ନେଇ ଅଭିଯୋଗ ଜୋର ଧରିଛି। ଜିଲ୍ଲାର ସମୃଦ୍ଧ ଐତିହ୍ୟ ଓ ପର୍ଯ୍ୟଟନକୁ ଉନ୍ନତ କରିବା ଲକ୍ଷ୍ୟରେ ନିର୍ମିତ ଏହି ପ୍ରକଳ୍ପଗୁଡ଼ିକ ଲୋକଙ୍କ କାମରେ ନଆସିବାକୁ ନେଇ ସ୍ଥାନୀୟ ଲୋକ ଅସନ୍ତୋଷ ପ୍ରକାଶ କରିଛନ୍ତି।
ଯାଜପୁର ସହରର ବରାହନାଥ ମନ୍ଦିର ନିକଟ ବୈତରଣୀ ନଦୀ କୂଳରେ ନିର୍ମିତ ମ୍ୟୁଜିୟମ-କମ୍-ଟୁରିଜମ୍ ଅଫିସ ଓ ଇଣ୍ଟରପ୍ରିଟେସନ୍ ସେଣ୍ଟର ଏପର୍ଯ୍ୟନ୍ତ ସାଧାରଣ ଲୋକଙ୍କ ପାଇଁ ଖୋଲାଯାଇନାହିଁ। ପ୍ରାୟ ୧୦ କୋଟି ଟଙ୍କା ବ୍ୟୟରେ ନିର୍ମିତ ଏହି ମ୍ୟୁଜିୟମର ଉଦ୍ଦେଶ୍ୟ ଥିଲା ଯାଜପୁରର ପ୍ରାଚୀନ ବୌଦ୍ଧ, ଜୈନ ଓ ହିନ୍ଦୁ ଐତିହ୍ୟ ସମ୍ପର୍କିତ ପୁରାତନ ନିଦର୍ଶନ ସଂରକ୍ଷଣ ଓ ପ୍ରଦର୍ଶନ। ୨୦୨୧ ମସିହାରେ ନିର୍ମାଣ କାମ ଶେଷ ହୋଇଥିଲେ ମଧ୍ୟ ଏହା ତାଲାବନ୍ଦ ଅବସ୍ଥାରେ ରହିଛି।
ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ମ୍ୟୁଜିୟମରେ ସଂରକ୍ଷଣ ପାଇଁ ରଖାଯାଇଥିବା ଐତିହାସିକ ନିଦର୍ଶନଗୁଡ଼ିକର ଠିକ୍ ଭାବେ ବ୍ୟବହାର ହେଉନାହିଁ ଏବଂ ପ୍ରକଳ୍ପଟି ପ୍ରାୟ ପରିତ୍ୟକ୍ତ ଅବସ୍ଥାକୁ ପହଞ୍ଚିଛି। ସଂସ୍କୃତି ବିଶେଷଜ୍ଞ ଅଭିମନ୍ୟୁ ମିଶ୍ର କହିଛନ୍ତି ଯେ, ଦୀର୍ଘଦିନ ହେଲା ନିର୍ମାଣ ସମ୍ପୂର୍ଣ୍ଣ ହୋଇଥିଲେ ମଧ୍ୟ ଏହା ଲୋକଙ୍କ କାମରେ ଆସୁନାହିଁ, ଯାହା ଅତ୍ୟନ୍ତ ଦୁଃଖଦ।
ଏହା ସହିତ ପ୍ରାୟ ୮.୫ କୋଟି ଟଙ୍କା ବ୍ୟୟରେ ନିର୍ମିତ ଇଣ୍ଟରପ୍ରିଟେସନ୍ କମ୍ପ୍ଲେକ୍ସକୁ ନେଇ ମଧ୍ୟ ପ୍ରଶ୍ନ ଉଠିଛି। ଏହି କମ୍ପ୍ଲେକ୍ସରେ ୨୩ଟି ଆଧୁନିକ କକ୍ଷ, ଇ-ଲାଇବ୍ରେରୀ, ପାଠାଗାର, ମଲ୍ଟିମିଡିଆ ଲର୍ଣ୍ଣିଂ ରୁମ୍, ଶିଶୁ କୋଣା ଓ ଅନ୍ୟାନ୍ୟ ସୁବିଧା ରହିଛି। ୨୦୨୩ ମସିହାରେ ନିର୍ମାଣ ଶେଷ ହୋଇଥିଲେ ମଧ୍ୟ ଏହା ଏପର୍ଯ୍ୟନ୍ତ ଲୋକଙ୍କ ପାଇଁ ଖୋଲାଯାଇନାହିଁ।
ସ୍ଥାନୀୟ ଲୋକମାନେ କହିଛନ୍ତି ଯେ, ସ୍ଥାୟୀ ଲାଇବ୍ରେରୀ ନଥିବାରୁ ଛାତ୍ରଛାତ୍ରୀମାନେ ଅସୁବିଧାର ସମ୍ମୁଖୀନ ହେଉଥିବା ବେଳେ ଏତେ ବଡ଼ ପ୍ରକଳ୍ପ ଅବ୍ୟବହୃତ ରହିଛି। ଯାଜପୁର ପୌରପାଳିକାର ଉପାଧ୍ୟକ୍ଷ ସନ୍ତୋଷ ମଲ୍ଲିକ କହିଛନ୍ତି ଯେ, ମ୍ୟୁଜିୟମକୁ ଏଠାକୁ ସ୍ଥାନାନ୍ତର କରିବା ପାଇଁ ପୁନଃପୁନି ଅନୁରୋଧ କରାଯାଇଥିଲେ ମଧ୍ୟ ପ୍ରଶାସନ କୌଣସି ପଦକ୍ଷେପ ନେଉନାହିଁ।
ଏହାପରେ ଯାଜପୁର ଜିଲ୍ଲାପାଳ ଅମ୍ବର କୁମାର କର କହିଛନ୍ତି ଯେ, ଦୁଇଟି ପ୍ରକଳ୍ପକୁ କାର୍ଯ୍ୟକ୍ଷମ କରିବା ପାଇଁ ପ୍ରୟାସ ଚାଲିଛି। ପ୍ରକଳ୍ପ ମଝିରେ ଯାଇଥିବା ସିଚାଇ ନାଳକୁ ସମନ୍ୱୟ କରି କାମକୁ ଆଗକୁ ବଢ଼ାଇବା ପାଇଁ ପର୍ଯ୍ୟଟନ ବିଭାଗକୁ ପ୍ରସ୍ତାବ ପଠାଯାଇଛି ଏବଂ ଆସନ୍ତା ମାର୍ଚ୍ଚ ସୁଦ୍ଧା ସମସ୍ୟାର ସମାଧାନ ହେବ ବୋଲି ସେ ଆଶ୍ୱାସନ ଦେଇଛନ୍ତି।
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
