ମହାନଦୀ ଓ ଦେବୀ ନଦୀରେ ଜଳସ୍ତର ବୃଦ୍ଧି ପାଉଥିବା ବେଳେ ଜଗତସିଂହପୁର ଜିଲ୍ଲାରେ ବନ୍ୟା ଆଶଙ୍କା ଗୁରୁତର ହୋଇଛି। ସ୍ଥିତିକୁ ନେଇ ଜିଲ୍ଲା ପ୍ରଶାସନ ସତର୍କ ହୋଇପଡ଼ିଛି ଏବଂ ବ୍ୟାପକ ପ୍ରସ୍ତୁତି ଆରମ୍ଭ କରିଛି।
ଗୁରୁବାର ଜିଲ୍ଲାପାଳ ଜେ. ସୋନାଲ ଏକ ଜରୁରୀ ବୈଠକ ଡାକି ସମସ୍ତ ବିଭାଗୀୟ ଅଧିକାରୀଙ୍କୁ ହାଇ ଆଲର୍ଟରେ ରହିବାକୁ ନିର୍ଦ୍ଦେଶ ଦେଇଛନ୍ତି। ପରିସ୍ଥିତିକୁ ଦେଖି ସମସ୍ତ ସରକାରୀ ଅଧିକାରୀଙ୍କ ଛୁଟି ବାତିଲ୍ କରାଯାଇଛି। ସେହିପରି ପରବର୍ତ୍ତୀ ନିର୍ଦ୍ଦେଶ ନଆସିବା ପର୍ଯ୍ୟନ୍ତ କୌଣସି ଅଧିକାରୀଙ୍କୁ ନିଜ ମୁଖ୍ୟାଳୟ ଛାଡ଼ିବାକୁ ମନା କରାଯାଇଛି।
ରିପୋର୍ଟ ଅନୁଯାୟୀ, ଦେବୀ ନଦୀର ବନ୍ୟାଜଳ ବିରିଡ଼ି, ଜଗତସିଂହପୁର, ନାଉଗାଁ ଓ ବାଲିକୁଦା ବ୍ଲକକୁ ପ୍ରଭାବିତ କରିପାରେ। ଅନ୍ୟପଟେ ମହାନଦୀର ବନ୍ୟାଜଳ ରଘୁନାଥପୁର, ତିର୍ତ୍ତୋଲ ଓ କୁଜଙ୍ଗ ବ୍ଲକର ବିଭିନ୍ନ ଅଞ୍ଚଳକୁ ଜଳମଗ୍ନ କରିସାରିଛି। ଏହାକୁ ନେଇ ଜିଲ୍ଲାରେ ଅଧିକ ଜଳବନ୍ଦୀ ସ୍ଥିତି ସୃଷ୍ଟି ହେବାର ଆଶଙ୍କା ରହିଛି।
ତିର୍ତ୍ତୋଲ ବ୍ଲକର କୋଟକଣା ଆଦିବାସୀ ସାହିରେ ପ୍ରାୟ ୪ ଫୁଟ୍ ଉଚ୍ଚର ବନ୍ୟାଜଳ ରାସ୍ତା ଉପରେ ପ୍ରବାହିତ ହେଉଥିବାରୁ ଯୋଗାଯୋଗ ବ୍ୟବସ୍ଥା ବିଚ୍ଛିନ୍ନ ହୋଇଯାଇଛି।
ପରିସ୍ଥିତିକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଗୁରୁବାର ରାତିରେ କିଛି ଲୋକଙ୍କୁ ସୁରକ୍ଷିତ ଆଶ୍ରୟସ୍ଥଳୀକୁ ସ୍ଥାନାନ୍ତର କରିଛି। ଜିଲ୍ଲା ପ୍ରଶାସନ ପକ୍ଷରୁ ବନ୍ୟା ସ୍ଥିତି ଉପରେ ଲଗାତାର ନଜର ରଖାଯାଉଛି ଏବଂ ଲୋକମାନଙ୍କୁ ସତର୍କ ରହିବାକୁ ଅନୁରୋଧ କରାଯାଇଛି।
ମଧ୍ୟପ୍ରଦେଶର ଧାର ଜିଲ୍ଲାର ବହୁଚର୍ଚ୍ଚିତ ଭୋଜଶାଳା-କମାଲ ମ...
ରେଳ ଯାତ୍ରୀଙ୍କ ପାଇଁ ଭାରତୀୟ ରେଳ ଆଣିଛି ଏକ ନୂଆ ଡିଜିଟାଲ...
ରାଜ୍ୟରେ ଲଗାତାର ବର୍ଷା ଓ ବନ୍ୟା ପରିସ୍ଥିତି ଯୋଗୁଁ ଜନଜୀବ...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
ନିଟ୍ ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ଚର୍ଚ୍ଚା ଚାଲିଥ...
ଭାରତୀୟ ରେଳରେ ଯାତ୍ରା କରୁଥିବା ଅନେକ ଯାତ୍ରୀ RAC ଟିକେଟ୍...
ଦୀର୍ଘ ଆଲୋଚନା ପରେ Public Examinations (Prevention o...
ପବ୍ଲିକ୍ ପରୀକ୍ଷା ବ୍ୟବସ୍ଥାକୁ ଅଧିକ ସ୍ୱଚ୍ଛ ଓ ବିଶ୍ୱସନୀୟ...
