ମଧ୍ୟପ୍ରଦେଶର ଧାର ଜିଲ୍ଲାର ବହୁଚର୍ଚ୍ଚିତ ଭୋଜଶାଳା-କମାଲ ମୌଲା ବିବାଦ ମାମଲାରେ ସୁପ୍ରିମକୋର୍ଟ ଗୁରୁବାର ଏକ ଗୁରୁତ୍ୱପୂର୍ଣ୍ଣ ଅନ୍ତରୀଣ ନିର୍ଦ୍ଦେଶ ଦେଇଛନ୍ତି। ଭୋଜଶାଳା ପରିସରକୁ ଲାଗିଥିବା ‘ଦରଗାହ ଜମି’ରେ ମୁସଲିମ ପକ୍ଷକୁ ପ୍ରତି ଶୁକ୍ରବାର ନମାଜ ପାଠ ପାଇଁ ସୁବିଧା ଦେବାକୁ ମଧ୍ୟପ୍ରଦେଶ ସରକାରଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯେ ଖସରା ନମ୍ବର-୫୯୬କୁ ଦରଗାହ ଜମି ଭାବେ ଚିହ୍ନଟ କରାଯାଇଛି। ଏହି ସ୍ଥାନ ଭୋଜଶାଳା ପରିସରର ନିକଟରେ ଥିବାରୁ ଏଠାରେ ପ୍ରତି ଶୁକ୍ରବାର ଅପରାହ୍ଣ ୧ଟାରୁ ୩ଟା ପର୍ଯ୍ୟନ୍ତ ନମାଜ ପାଠ ପାଇଁ ବ୍ୟବସ୍ଥା କରାଯାଇପାରିବ। ତିନିଜଣିଆ ଖଣ୍ଡପୀଠରେ ପ୍ରଧାନ ବିଚାରପତି ସୂର୍ଯ୍ୟକାନ୍ତଙ୍କ ସହ ବିଚାରପତି ଜୟମାଲ୍ୟ ବାଗଚୀ ଓ ଭି. ମୋହନା ରହିଛନ୍ତି।
ଏହା ପୂର୍ବରୁ ସ୍ଥାନୀୟ ପ୍ରଶାସନ ଭୋଜଶାଳାଠାରୁ ପ୍ରାୟ ୧.୩ରୁ ୧.୫ କିଲୋମିଟର ଦୂରରେ ନମାଜ ପାଇଁ ଏକ ସ୍ଥାନ ଚିହ୍ନଟ କରିଥିଲା। ମୁସଲିମ ପକ୍ଷ ଏହି ସ୍ଥାନକୁ ଦୂର ଓ ଅନୁପଯୁକ୍ତ ବୋଲି ଦର୍ଶାଇ ଭୋଜଶାଳା ନିକଟରେ ଥିବା ଦରଗାହ ଜମିରେ ନମାଜ ପାଇଁ ଅନୁମତି ଦେବାକୁ ସୁପ୍ରିମକୋର୍ଟଙ୍କୁ ଅନୁରୋଧ କରିଥିଲେ।
ଭୋଜଶାଳା-କମାଲ ମୌଲା ପରିସରକୁ ନେଇ ଦୀର୍ଘଦିନ ଧରି ହିନ୍ଦୁ ଓ ମୁସଲିମ ପକ୍ଷ ମଧ୍ୟରେ ଦାବି ଓ ବିବାଦ ଚାଲିଆସୁଛି। ହିନ୍ଦୁ ପକ୍ଷ ଏହାକୁ ରାଜା ଭୋଜଙ୍କ ସମୟର ମା’ ସରସ୍ୱତୀଙ୍କ ମନ୍ଦିର ଓ ଶିକ୍ଷାକେନ୍ଦ୍ର ବୋଲି ଦାବି କରୁଥିବା ବେଳେ, ମୁସଲିମ ପକ୍ଷ ଏହାକୁ କମାଲ ମୌଲା ମସଜିଦ ବୋଲି ଦାବି କରୁଛନ୍ତି।
୨୦୨୪ରେ ମଧ୍ୟପ୍ରଦେଶ ହାଇକୋର୍ଟଙ୍କ ନିର୍ଦ୍ଦେଶ ପରେ ଭାରତୀୟ ପୁରାତତ୍ତ୍ୱ ସର୍ବେକ୍ଷଣ (ASI) ପକ୍ଷରୁ ପରିସରର ବୈଜ୍ଞାନିକ ସର୍ଭେ କରାଯାଇଥିଲା। ପରବର୍ତ୍ତୀ ସମୟରେ ମାମଲା ଆଇନଗତ ଲଢ଼େଇରେ ପହଞ୍ଚିଥିଲା। ଜୁଲାଇ ୧୪ରେ ସୁପ୍ରିମକୋର୍ଟ ମଧ୍ୟପ୍ରଦେଶ ହାଇକୋର୍ଟଙ୍କ ରାୟ ଉପରେ ଅନ୍ତରୀଣ ରୋକ ଲଗାଇନଥିଲେ, କିନ୍ତୁ ମୁସଲିମ ପକ୍ଷ ପାଇଁ ଭୋଜଶାଳା ନିକଟରେ ଶୁକ୍ରବାର ନମାଜ ପାଇଁ ଏକ ଖୋଲା ସ୍ଥାନ ବ୍ୟବସ୍ଥା କରିବାକୁ କହିଥିଲେ।
ବର୍ତ୍ତମାନର ଆଦେଶଟି ଅନ୍ତରୀଣ ବ୍ୟବସ୍ଥା ଭାବେ ଲାଗୁ ହେବ। ଭୋଜଶାଳା ବିବାଦର ମୂଳ ମାମଲାରେ ସୁପ୍ରିମକୋର୍ଟଙ୍କ ଚୂଡ଼ାନ୍ତ ରାୟ ଏପର୍ଯ୍ୟନ୍ତ ଆସିନାହିଁ ଏବଂ ମାମଲା ବିଚାରାଧୀନ ରହିଛି।
୨୦୨୬ FIH ହକି ବିଶ୍ୱକପ୍‌ ପୂର୍ବରୁ ଭାରତୀୟ ପୁରୁଷ ଓ...
ସ୍କଟଲ୍ୟାଣ୍ଡର ଗ୍ଲାସଗୋରେ ଚାଲିଥିବା କମନୱେଲଥ ଗେମ୍ସ ୨୦୨୬...
ଭାରତୀୟ ସିନେମାର ବହୁ ପ୍ରତୀକ୍ଷିତ ପ୍ରକଳ୍ପ ‘ରାମାୟ...
ଭାରତ ବିଭାଜନର କଷ୍ଟଦାୟକ ଇତିହାସକୁ ପରଦାରେ ଜୀବନ୍ତ କରିବା...
‘ମହାପ୍ରଭୁ ଜଗନ୍ନାଥ’ ଆନିମେଟେଡ୍ ଫିଲ୍ମକୁ ନ...
ଅଜିଙ୍କ୍ୟ ରାହାଣେଙ୍କ ଅନ୍ତର୍ଜାତୀୟ କ୍ରିକେଟ୍ କ୍ୟାରିୟର କ...
ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ଦକ୍ଷିଣ ଭାରତୀୟ ସୁପରଷ୍ଟାରଅଲ୍ଲୁ ଅର୍ଜୁନପୁଣିଥରେ ନିଜର ସର...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
