ପବ୍ଲିକ୍ ପରୀକ୍ଷା ବ୍ୟବସ୍ଥାକୁ ଅଧିକ ସ୍ୱଚ୍ଛ ଓ ବିଶ୍ୱସନୀୟ କରିବା ଦିଗରେ କେନ୍ଦ୍ର ସରକାରଙ୍କୁ ବଡ଼ ସଫଳତା ମିଳିଛି।Public Examinations (Prevention of Unfair Means) Amendment Bill, 2026ଲୋକସଭା ପରେ ଗୁରୁବାର ରାଜ୍ୟସଭାରେ ମଧ୍ୟ ପାସ୍ ହୋଇଛି। ଏବେ ଏହି ବିଲ୍ ରାଷ୍ଟ୍ରପତିଙ୍କ ମଞ୍ଜୁରୀ ପାଇଁ ପଠାଯିବ।

ବିଲ୍ ପାସ୍ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାକୁ ସ୍ୱାଗତ କରିଛନ୍ତି। ଏକ ଭିଡିଓ ବାର୍ତ୍ତାରେ ସେ କହିଛନ୍ତି ଯେ, ଦେଶରେ ଏକ ବିଶ୍ୱସନୀୟ ପରୀକ୍ଷା ବ୍ୟବସ୍ଥା ଗଠନ ପାଇଁ ସରକାର ଲଗାତାର ପଦକ୍ଷେପ ନେଉଛନ୍ତି। ପରୀକ୍ଷାରେ ସ୍ୱଚ୍ଛତା ଆଣିବା ସହ ଟେକ୍ନୋଲୋଜିର ଅଧିକ ଓ ଉପଯୋଗୀ ବ୍ୟବହାର ଉପରେ ସେ ଗୁରୁତ୍ୱ ଦେଇଛନ୍ତି।

ପେପର ଲିକ୍ ମାଫିଆଙ୍କୁ ନେଇ ପ୍ରଧାନମନ୍ତ୍ରୀ କଡ଼ା ଚେତାବନୀ ଦେଇ କହିଛନ୍ତି ଯେ,ଦେଶର ପିଲାଙ୍କ ଭବିଷ୍ୟତ ସହ ଖେଳୁଥିବା ପେପର ଲିକ୍ ଗ୍ୟାଙ୍ଗ୍କୁ କୌଣସି ପରିସ୍ଥିତିରେ ଛଡ଼ାଯିବ ନାହିଁ।ଏଥିପାଇଁ କଠୋର ଆଇନର ଆବଶ୍ୟକତା ରହିଥିବା ସେ କହିଛନ୍ତି।

🔴 ଅଧିକ କଠୋର ହେବ ଦଣ୍ଡ

ନୂଆ ସଂଶୋଧନ ବିଲ୍ରେ ପରୀକ୍ଷାରେ ଅନିୟମିତତା କରୁଥିବା ଲୋକଙ୍କ ପାଇଁ ଦଣ୍ଡକୁ ଅଧିକ କଠୋର କରାଯାଇଛି। ଅନ୍ୟାୟ ଉପାୟ ଅବଲମ୍ବନ କରିବା ମାମଲାରେ ଜେଲ୍ ଦଣ୍ଡଅତି କମରେ ୫ ବର୍ଷରୁ ସର୍ବାଧିକ ୧୦ ବର୍ଷପର୍ଯ୍ୟନ୍ତ ହୋଇପାରେ। ପୂର୍ବରୁ ଏହା ୩ରୁ ୫ ବର୍ଷ ଥିଲା। ଏଥିସହ ସର୍ବାଧିକ ଜରିମାନା୧୦ ଲକ୍ଷରୁ ବଢ଼ାଇ ୫୦ ଲକ୍ଷ ଟଙ୍କାକରାଯାଇଛି।

ପରୀକ୍ଷା ପରିଚାଳନାରେ ଜଡ଼ିତ ସେବା ପ୍ରଦାନକାରୀ ସଂସ୍ଥା ଅପରାଧରେ ସମ୍ପୃକ୍ତ ଥିବା ଜଣାପଡ଼ିଲେ ସେମାନଙ୍କ ଉପରେ ସର୍ବାଧିକ୫ କୋଟି ଟଙ୍କା ଜରିମାନାଲାଗିପାରେ। ଏଥିସହ ପବ୍ଲିକ୍ ପରୀକ୍ଷା ପରିଚାଳନାରୁ ସେମାନଙ୍କୁ ବାଦ୍ ଦେବାର ସମୟସୀମା୪ ବର୍ଷରୁ ବଢ଼ାଇ ୮ ବର୍ଷକରାଯାଇଛି।

ସଂଗଠିତ ଭାବେ ପରୀକ୍ଷା ସମ୍ପର୍କିତ ଅପରାଧ କରାଗଲେ ଜେଲ୍ ଦଣ୍ଡଅତି କମରେ ୭ ବର୍ଷରୁ ସର୍ବାଧିକ ୧୦ ବର୍ଷହୋଇପାରେ। ଏହି ମାମଲାରେ ସର୍ବାଧିକ ଜରିମାନା୧ କୋଟିରୁ ବଢ଼ାଇ ୧୦ କୋଟି ଟଙ୍କାକରାଯାଇଛି।

⚖️ ଦୁଇ ମାସରେ ତଦନ୍ତ, ୩ ମାସରେ ଟ୍ରାଏଲ୍

ପେପର ଲିକ୍ ଓ ପରୀକ୍ଷା ସମ୍ପର୍କିତ ଅପରାଧର ତଦନ୍ତ ଶୀଘ୍ର ଶେଷ କରିବା ପାଇଁ ମଧ୍ୟ ବିଲ୍ରେ ବ୍ୟବସ୍ଥା ରହିଛି। ତଦନ୍ତ୨ ମାସ ମଧ୍ୟରେଶେଷ କରିବାକୁ ପଡ଼ିବ। ଏହାପରେ ଚାର୍ଜସିଟ୍ ଦାଖଲ ହେବା ଦିନଠାରୁ୩ ମାସ ମଧ୍ୟରେ ମାମଲାର ବିଚାର ଶେଷକରିବାର ବ୍ୟବସ୍ଥା ରହିଛି।

କେନ୍ଦ୍ର ସରକାର ପେପର ଲିକ୍ ମାମଲାର ତଦନ୍ତ ପାଇଁSpecial Task Forceଗଠନ କରିପାରିବ। ଏଥିସହ ଦ୍ରୁତ ବିଚାର ପାଇଁ Sessions CourtକୁSpecial Fast Track Courtଭାବେ ନିଯୁକ୍ତ କରାଯାଇପାରିବ। ପ୍ରତ୍ୟେକ Special Fast Track Court ପାଇଁ Special Public Prosecutor ନିଯୁକ୍ତ କରିବାର ବ୍ୟବସ୍ଥା ମଧ୍ୟ ରହିଛି।

🗣️ ବିରୋଧୀଙ୍କ ଆପତ୍ତି

ରାଜ୍ୟସଭାରେ ବିଲ୍ ଉପରେ ଆଲୋଚନା ସମୟରେ ବିରୋଧୀ ଦଳ ଏହାକୁ ନେଇ ପ୍ରଶ୍ନ ଉଠାଇଥିଲେ। ରାଜ୍ୟସଭାରେ ବିରୋଧୀ ଦଳର ନେତା ମଲ୍ଲିକାର୍ଜୁନ ଖଡ଼ଗେ କହିଥିଲେ ଯେ, ବିଲ୍ରେ କେବଳ ‘cosmetic changes’ କରାଯାଇଛି ଏବଂ ଏହା ପେପର ଲିକ୍ ରୋକିବା ପାଇଁ ପର୍ଯ୍ୟାପ୍ତ ନୁହେଁ।

ସେ ଦେଶରେ ଏକନିର୍ଦ୍ଦିଷ୍ଟ ବାର୍ଷିକ ପରୀକ୍ଷା କ୍ୟାଲେଣ୍ଡର, ଯୁବକଙ୍କ ପାଇଁNational Youth Employment Strategy, ସରକାରୀ ଓ ସାର୍ବଜନୀନ କ୍ଷେତ୍ରର ଖାଲି ପଦବୀ ପୂରଣ ଏବଂ ପେପର ଲିକ୍ ସମ୍ପର୍କିତ ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଥିଲେ।

ଅନ୍ୟପକ୍ଷରେ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ କହିଥିଲେ ଯେ, ଏହି ପ୍ରସଙ୍ଗ ପ୍ରତ୍ୟେକ ପରିବାର ଓ ଅଭିଭାବକଙ୍କ ସହ ଜଡ଼ିତ। ପରୀକ୍ଷା ବ୍ୟବସ୍ଥାକୁ ମଜବୁତ କରିବା ଦ୍ୱାରା ପ୍ରାୟ୭.୬୫ କୋଟି ଛାତ୍ରଛାତ୍ରୀଉପକୃତ ହେବେ ବୋଲି ସେ କହିଛନ୍ତି।