ଶ୍ରୀଜଗନ୍ନାଥଙ୍କ ଜମିକୁ ନେଇ ଆସିଛି ବଡ଼ ସୂଚନା। ଦୀର୍ଘଦିନ ଧରି ମହାପ୍ରଭୁଙ୍କ ଜମି ଦଖଲରେ ଥିବା ଯୋଗ୍ୟ ବ୍ୟକ୍ତିଙ୍କୁ ନିୟମ ଅନୁସାରେ ଜମି ସେଟଲମେଣ୍ଟ କରିବାର ସୁଯୋଗ ମିଳିବ। ୨୦୦୭ ପୂର୍ବରୁ ଦଖଲରେ ଥିବା ଜମି ପାଇଁ ଏହି ପ୍ରକ୍ରିୟା ଲାଗୁ ହେବ। ଆବେଦନ ପାଇଁ ଏକ ଅନଲାଇନ୍ ପୋର୍ଟାଲ ମାସକ ମଧ୍ୟରେ ଆସିବାକୁ ଥିବା ସୂଚନା ମିଳିଛି।
ଆବେଦନକାରୀଙ୍କୁ ପୋର୍ଟାଲ ମାଧ୍ୟମରେ ଆବେଦନ କରିବା ସହ ଜମି ରେକର୍ଡ, ରେଜିଷ୍ଟର୍ଡ ଡିଡ୍, ଭଡ଼ା ରସିଦ, ଆବଶ୍ୟକ ହେଲେ ଲିଗାଲ୍ ହେୟାର୍ ସାର୍ଟିଫିକେଟ୍ ଏବଂ ଭୋଗଦଖଲ ସମ୍ପର୍କିତ ଦଲିଲ ଦେବାକୁ ପଡ଼ିବ। ଆବେଦନ ସମୟରେ୧,୦୦୦ ଟଙ୍କାର ନନ୍-ରିଫଣ୍ଡେବଲ୍ ଫିଦେବାକୁ ହେବ।
ଆବେଦନ ପରେ୭ ଦିନ ମଧ୍ୟରେ ନୋଡାଲ ଅଫିସର ପ୍ରାଥମିକ ଯାଞ୍ଚକରିବେ। ଏହାପରେ ତହସିଲଦାରଙ୍କ ଦ୍ୱାରା ଫିଲ୍ଡ ଇନକ୍ୱାରି କରାଯିବ। ଜମିର ସାଇଟ୍ ଭିଜିଟ୍, ସ୍କେଡ୍ୟୁଲ୍ ଓ ଟ୍ରେସ୍ ମ୍ୟାପ୍, ସାବିକ-ହାଲ୍ ତୁଳନା, ଭୋଗଦଖଲ ଓ ଟାଇଟଲ୍ ସମ୍ପର୍କିତ ଦଲିଲ ଯାଞ୍ଚ କରାଯିବ।
ତହସିଲଦାର୩୦ ଦିନ ମଧ୍ୟରେ ରିପୋର୍ଟଦେବେ। ପରବର୍ତ୍ତୀ୭ ଦିନ ମଧ୍ୟରେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଗଠିତ ଜିଲ୍ଲାସ୍ତରୀୟ କମିଟିରିପୋର୍ଟ ଯାଞ୍ଚ କରିବ। ଏହାପରେ ଶ୍ରୀଜଗନ୍ନାଥ ଟେମ୍ପଲ୍ ମ୍ୟାନେଜିଂ କମିଟିର NOC ଆବଶ୍ୟକ ହେବ।
ଜମିର ପରିମାଣ ଅନୁଯାୟୀ ତିନୋଟି ସ୍ତରରେ ସେଟଲମେଣ୍ଟ ନେଇ ନିଷ୍ପତ୍ତି ହେବ।
DLSC ସୁପାରିସ୍ ପରେ ସମ୍ପୃକ୍ତ Competent Authority ଏକ ମାସ ମଧ୍ୟରେ ନିଷ୍ପତ୍ତି ନେବେ।
ଘରବାଡ଼ି ଜମି ପାଇଁ ଦଖଲ ଅବଧି ଅନୁସାରେ ଭିନ୍ନ ହାର ଧାର୍ଯ୍ୟ କରାଯାଇଛି।
| ଦଖଲ ଅବଧି | ସାଧାରଣ ଲୋକ | ସେବକ | ନିଯୋଗ ସେବକ |
|---|---|---|---|
| ୩୦ ବର୍ଷରୁ ଅଧିକ | ୧୦% | ୫% | ୭.୫% |
| ୨୦–୩୦ ବର୍ଷ | ୧୫% | ୭.୫% | ୧୦% |
| ୧୨–୨୦ ବର୍ଷ | ୨୫% | ୧୨.୫% | ୧୫% |
୧୦୦ ଡେସିମିଲ୍ରୁ ଅଧିକ ଏବଂ ୨୫୦ ଡେସିମିଲ୍ ପର୍ଯ୍ୟନ୍ତ ଜମି ହେଲେ ପୂରା BMV ଦେବାକୁ ପଡ଼ିବ।
କୃଷି ଜମି ପାଇଁ ମଧ୍ୟ ଭିନ୍ନ ଦର ରହିଛି। ସେବକମାନେ ୧ ଏକର ପର୍ଯ୍ୟନ୍ତ ଜମି ପାଇଁ ବେଞ୍ଚମାର୍କ ଭାଲ୍ୟୁର ୫୦ ପ୍ରତିଶତ ଦେବେ। ୧ରୁ ୨ ଏକର ଜମି ପାଇଁ ପୂରା ବେଞ୍ଚମାର୍କ ଭାଲ୍ୟୁ ଦେବାକୁ ହେବ।
ମଠ ପାଇଁ ପ୍ରଥମ ୧୦୦ ଡେସିମିଲ୍ ଜମି ମାଗଣା ଦିଆଯିବ। ଏହାପରେ ୨୫୦ ଡେସିମିଲ୍ ପର୍ଯ୍ୟନ୍ତ ଜମି ପାଇଁ ବେଞ୍ଚମାର୍କ ଭାଲ୍ୟୁ ଦେବାକୁ ହେବ।
ସମଗ୍ର ସେଟଲମେଣ୍ଟ ପ୍ରକ୍ରିୟାକୁଦୁଇ ବର୍ଷ ମଧ୍ୟରେ ଶେଷ କରିବାର ଲକ୍ଷ୍ୟରହିଛି। ଅନୁମୋଦନ ପରେ ମୁଖ୍ୟ ପ୍ରଶାସକଙ୍କ ପକ୍ଷରୁ ଡିମାଣ୍ଡ ନୋଟିସ୍ ଜାରି ହେବ। ଆବେଦନକାରୀଙ୍କୁ ୩ ମାସ ମଧ୍ୟରେ ନିର୍ଦ୍ଧାରିତ ରାଶି ଜମା କରିବାକୁ ହେବ।
ଅନଲାଇନ୍ ପେମେଣ୍ଟ, ବ୍ୟାଙ୍କ ଡ୍ରାଫ୍ଟ କିମ୍ବା ବ୍ୟାଙ୍କର୍ସ ଚେକ୍ ଜରିଆରେ ଅର୍ଥ ପ୍ରଦାନ କରାଯାଇପାରିବ। ଟଙ୍କା ଜମା ପରେ ଡିଡ୍ ଏକ୍ଜିକ୍ୟୁସନ୍ ଓ ରେଜିଷ୍ଟ୍ରେସନ୍ ହେବ। ପରେ ତହସିଲଦାରଙ୍କ ଦ୍ୱାରା ଜମି ରେକର୍ଡ ଓ ମ୍ୟାପ୍ରେ ଆବଶ୍ୟକ ସଂଶୋଧନ କରାଯିବ।
ସୂଚନା ଅନୁସାରେ, ମହାପ୍ରଭୁ ଶ୍ରୀଜଗନ୍ନାଥଙ୍କର ପ୍ରାୟ୫୮ ହଜାର ଏକର ଜମିଥିବାବେଳେ ରେକର୍ଡରେ ପ୍ରାୟ ୩୬ ହଜାର ଏକର ଜମି ରହିଛି। ଓଡ଼ିଶା ବାହାରେ ମଧ୍ୟ ବିଭିନ୍ନ ସ୍ଥାନରେ ମହାପ୍ରଭୁଙ୍କ ଜମି ଥିବା ସୂଚନା ରହିଛି। ପାକିସ୍ତାନର ସିନ୍ଧ ପ୍ରଦେଶରେ ମଧ୍ୟ ଶ୍ରୀଜଗନ୍ନାଥଙ୍କ ଜମି ଥିବା କୁହାଯାଇଛି।
ଅନଲାଇନ୍ ପୋର୍ଟାଲ ଆସିବା ପରେ ଆବେଦନ, ଯାଞ୍ଚ, NOC, ଅନୁମୋଦନ, ପେମେଣ୍ଟ, ରେଜିଷ୍ଟ୍ରେସନ୍ ଓ ରେକର୍ଡ ସଂଶୋଧନ ପ୍ରକ୍ରିୟାକୁ ଅନଲାଇନ୍ ଏବଂ ପାରଦର୍ଶୀ ଭାବେ କରାଯିବ।
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
