ଇରାନର ପୂର୍ବତନ ସର୍ବୋଚ୍ଚ ନେତା ଆୟତୋଲ୍ଲା ଅଲି ଖାମେନେଇଙ୍କ ଶେଷଯାତ୍ରାରେ ଲକ୍ଷାଧିକ ଲୋକଙ୍କ ଉପସ୍ଥିତିକୁ ନେଇ ନୂଆ ବିବାଦ ସୃଷ୍ଟି ହୋଇଛି। କିଛି ମାସ ପୂର୍ବରୁ ଅର୍ଥନୈତିକ ସମସ୍ୟାକୁ ନେଇ ଖାମେନେଇଙ୍କ ବିରୋଧରେ ବ୍ୟାପକ ଆନ୍ଦୋଳନ କରିଥିବା ଜନସାଧାରଣ ହଠାତ୍ ଏତେ ସଂଖ୍ୟାରେ ଶେଷଯାତ୍ରାରେ କାହିଁକି ସାମିଲ ହେଲେ, ତାହାକୁ ନେଇ ପ୍ରଶ୍ନ ଉଠିଛି।
ଏକାଧିକ ଗଣମାଧ୍ୟମର ଖବର ଅନୁସାରେ, ଶେଷଯାତ୍ରାରେ ଲୋକଙ୍କ ଭିଡ଼ ବଢ଼ାଇବା ପାଇଁ ଇରାନ ସରକାର କର୍ମଚାରୀ, ବ୍ୟବସାୟୀ, ଧାର୍ମିକ ସଂଗଠନ ଓ ସାମାଜିକ ସଂସ୍ଥାଗୁଡ଼ିକ ଉପରେ ଚାପ ପକାଇଥିଲେ।
ଖବର ଅନୁଯାୟୀ, ଶେଷଯାତ୍ରା ଚାଲିଥିବା ସମୟରେ ଅନେକ ବ୍ୟବସାୟ ପ୍ରତିଷ୍ଠାନକୁ ବନ୍ଦ ରଖିବାକୁ କୁହାଯାଇଥିଲା। ନିର୍ଦ୍ଦେଶ ନ ମାନିଲେ ଦୋକାନ ସିଲ୍ କରାଯିବ ବୋଲି ଚେତାବନୀ ଦିଆଯାଇଥିବା ମଧ୍ୟ ଅଭିଯୋଗ ହୋଇଛି।
କିଛି ସରକାରୀ କର୍ମଚାରୀଙ୍କୁ ପରିବାର ସଦସ୍ୟଙ୍କ ସହ ଶେଷଯାତ୍ରାରେ ଯୋଗ ଦେବାକୁ କୁହାଯାଇଥିବା ବେଳେ, ଅନେକ କାର୍ଯ୍ୟାଳୟର ଛୁଟି ବାତିଲ୍ କରାଯାଇଥିଲା। ବିଭିନ୍ନ ସଂସ୍ଥାକୁ ନିର୍ଦ୍ଦିଷ୍ଟ ସଂଖ୍ୟକ ଲୋକ ପଠାଇବା ପାଇଁ ମଧ୍ୟ ନିର୍ଦ୍ଦେଶ ମିଳିଥିବା କୁହାଯାଉଛି।
ରେଷ୍ଟୁରାଣ୍ଟ ମାଲିକମାନଙ୍କୁ ହଜାର ହଜାର ଲୋକଙ୍କ ପାଇଁ ମାଗଣା ଖାଦ୍ୟ ପ୍ରସ୍ତୁତ କରିବାକୁ କୁହାଯାଇଥିବା ବେଳେ, ଧାର୍ମିକ ଓ ସାମାଜିକ ସଂଗଠନଗୁଡ଼ିକୁ ମଧ୍ୟ ଶେଷଯାତ୍ରାରେ ସହଯୋଗ କରିବାକୁ କୁହାଯାଇଥିବା ଖବର ପ୍ରକାଶ ପାଇଛି।
ଗଣମାଧ୍ୟମ ଉପରେ ମଧ୍ୟ କଟକଣା ଲଗାଯାଇଥିବା ଅଭିଯୋଗ ହୋଇଛି। ଶେଷଯାତ୍ରା ସମ୍ପର୍କିତ ଖବରକୁ ପ୍ରାଧାନ୍ୟ ଦେବା ଏବଂ ଖାମେନେଇଙ୍କ ଜୀବନ ଓ ଅବଦାନକୁ ଅଧିକ ପ୍ରସାରଣ କରିବାକୁ ନିର୍ଦ୍ଦେଶ ଦିଆଯାଇଥିବା କୁହାଯାଉଛି।
ରାଜନୈତିକ ବିଶେଷଜ୍ଞଙ୍କ ମତରେ, ଏହି ବିଶାଳ ଶେଷଯାତ୍ରା ମାଧ୍ୟମରେ ଇରାନ ବିଶ୍ୱକୁ ଏହି ବାର୍ତ୍ତା ଦେବାକୁ ଚାହୁଁଛି ଯେ, ସର୍ବୋଚ୍ଚ ନେତାଙ୍କ ମୃତ୍ୟୁ ପରେ ମଧ୍ୟ ଦେଶର ଶାସନ ବ୍ୟବସ୍ଥା ମଜବୁତ ରହିଛି।
ତେବେ ଶେଷଯାତ୍ରାରେ ଯୋଗ ଦେଇଥିବା ଲକ୍ଷାଧିକ ଲୋକ ସ୍ୱଇଚ୍ଛାରେ ଆସିଥିଲେ କି ସରକାରୀ ଚାପରେ, ତାହାର ସ୍ୱାଧୀନ ଭାବେ ପୁଷ୍ଟି ହୋଇନାହିଁ।
ପାଇରେଟେଡ୍ ଫିଲ୍ମ ଓ ଓଟିଟିରେ ଉପଲବ୍ଧ ୱେବ୍ ସିରିଜ୍‌...
ଓଡ଼ିଶାର ପାରମ୍ପରିକ ଖାଦ୍ୟ ପଖାଳକୁ ବିଶ୍ୱସ୍ତରରେ ପରିଚିତ...
'ବିକଶିତ ଭାରତ ୨୦୪୭' ଲକ୍ଷ୍ୟକୁ ଆଗେଇ ନେବା ପାଇଁ...
ରାଜ୍ୟବ୍ୟାପୀ ଡାକ୍ତର ଆନ୍ଦୋଳନକୁ ନେଇ ଓଡ଼ିଶା ସରକାର କଡ଼ା...
ଓଡ଼ିଶାରେ ସରକାରୀ ଡାକ୍ତରଙ୍କ ରାଜ୍ୟବ୍ୟାପୀ ଆନ୍ଦୋଳନ ଚତୁର...
ଉତ୍ତର ପ୍ରଦେଶରେ ଆୟୋଜିତ ତିନି ଦିନିଆ ୯ମ ଉତ୍ତର ପ୍ରଦେଶ ଆ...
ଡାକ୍ତରମାନଙ୍କ ରାଜ୍ୟବ୍ୟାପୀ ଆନ୍ଦୋଳନ ମଧ୍ୟରେ ନୂଆପଡ଼ା ଜି...
ଦେଶର ସାମରିକ ପ୍ରସ୍ତୁତିକୁ ଆହୁରି ସୁଦୃଢ଼ କରିବା ଲକ୍ଷ୍ୟର...
କୋରାପୁଟ ଜିଲ୍ଲାର ଜୟପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଡା...
