ଓଡ଼ିଶାରେ ଲଗାଣ ବର୍ଷା ଏବଂ ଛତିଶଗଡ଼ର ଉପରମୁଣ୍ଡ ଅଞ୍ଚଳରୁ ବଢ଼ୁଥିବା ଜଳପ୍ରବାହ ଯୋଗୁଁ ସମ୍ବଲପୁରସ୍ଥିତ ହୀରାକୁଦ ଜଳଭଣ୍ଡାରର ଜଳସ୍ତର କ୍ରମାଗତ ଭାବେ ବୃଦ୍ଧି ପାଉଛି। ଏହାକୁ ଦୃଷ୍ଟିରେ ରଖି ଜୁଲାଇ ୯ ତାରିଖ ସକାଳ ୧୧ଟାରେ ଚଳିତ ଋତୁର ପ୍ରଥମ ବନ୍ୟାଜଳ ଡ୍ୟାମରୁ ନିଷ୍କାସନ କରାଯିବ।
ସରକାରୀ ସୂଚନା ଅନୁଯାୟୀ, ମଙ୍ଗଳବାର ସକାଳ ୯ଟା ସୁଦ୍ଧା ଜଳଭଣ୍ଡାରର ଜଳସ୍ତର୬୦୬.୧୨ ଫୁଟ୍ରହିଥିଲା। ବର୍ତ୍ତମାନ ଉପରମୁଣ୍ଡରୁ ପ୍ରତି ସେକେଣ୍ଡରେ ପ୍ରାୟ୧,୭୯,୮୧୨ କ୍ୟୁସେକ୍ଜଳ ପ୍ରବେଶ କରୁଥିବା ବେଳେ ପ୍ରାୟ୧୯,୮୯୮ କ୍ୟୁସେକ୍ଜଳ ତଳମୁଣ୍ଡକୁ ଛଡ଼ାଯାଉଛି।
ଡ୍ୟାମର ଗେଟ୍ ଖୋଲିବା ପୂର୍ବରୁ ସମ୍ବଲପୁର ଜିଲ୍ଲା ପ୍ରଶାସନ ଓ ହୀରାକୁଦ କର୍ତ୍ତୃପକ୍ଷ ତଳିଆ ଅଞ୍ଚଳରେ ବ୍ୟାପକ ସଚେତନତା ଅଭିଯାନ ଆରମ୍ଭ କରିଛନ୍ତି। ମାଇକିଂ ଏବଂ ସଚେତନତା ଗାଡ଼ି ମାଧ୍ୟମରେ ଲୋକଙ୍କୁ ମହାନଦୀକୁ ନଯିବା, ନଦୀପଠାରେ ଗୋରୁ ଚରାଇବାରୁ ବିରତ ରହିବା ଏବଂ ନଦୀଠାରୁ ସୁରକ୍ଷିତ ଦୂରତା ବଜାୟ ରଖିବାକୁ ପରାମର୍ଶ ଦିଆଯାଉଛି।
ବୁର୍ଲା, ହୀରାକୁଦ, ସମ୍ବଲପୁର ସମେତ ମହାନଦୀର ତଳିଆ ଅଞ୍ଚଳରେ ସଚେତନତା କାର୍ଯ୍ୟକ୍ରମକୁ ଜୋରଦାର କରାଯାଇଛି।
ଏପଟେ ପଡ଼ୋଶୀ ଛତିଶଗଡ଼ର କଲମା ବ୍ୟାରେଜରୁ ଜଳ ନିଷ୍କାସନ ବଢ଼ାଯାଇଛି। ସୋମବାର ପର୍ଯ୍ୟନ୍ତ ୧୪ଟି ଗେଟ୍ ଖୋଲା ଥିବା ବେଳେ ମଙ୍ଗଳବାର ଆଉ ୧୩ଟି ଗେଟ୍ ଖୋଲାଯାଇ ମୋଟ ୨୭ଟି ଗେଟ୍ ଦେଇ ବନ୍ୟାଜଳ ଛଡ଼ାଯାଉଛି। ଏହା ହୀରାକୁଦ ଜଳଭଣ୍ଡାରକୁ ଆସୁଥିବା ଜଳପ୍ରବାହକୁ ଆହୁରି ବଢ଼ାଇଛି।
ପ୍ରଶାସନ ପକ୍ଷରୁ ପରିସ୍ଥିତି ଉପରେ କଡ଼ା ନଜର ରଖାଯାଇଥିବା ବେଳେ ମହାନଦୀ କୂଳବର୍ତ୍ତୀ ଅଞ୍ଚଳର ଲୋକଙ୍କୁ ସତର୍କ ରହିବା ସହ ସରକାରୀ ସୁରକ୍ଷା ପରାମର୍ଶ ପାଳନ କରିବାକୁ ଅନୁରୋଧ କରାଯାଇଛି।
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
