ଗଞ୍ଜାମ ଜିଲ୍ଲାରେ ଏକ ବଡ଼ ଧରଣର ଚୋରି ଘଟଣା ସାମ୍ନାକୁ ଆସିଛି। ତାରାସିଂହି ଥାନା ଅନ୍ତର୍ଗତ ବେଙ୍ଗସର ଗାଁରରାଜା ଜୁଏଲେର୍ସଦୋକାନରୁ ଦୁର୍ବୃତ୍ତମାନେ ପ୍ରାୟ ୩୦୦ ଗ୍ରାମ ସୁନା ଅଳଙ୍କାର ଓ ୮ କିଲୋଗ୍ରାମରୁ ଅଧିକ ରୂପା ଗହଣା ଚୋରି କରି ନେଇଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ଦୋକାନ ମାଲିକ ବ୍ୟକ୍ତିଗତ କାମରେ ବାହାରକୁ ଯାଇଥିବାରୁ ଗତ ଦୁଇ ଦିନ ଧରି ଦୋକାନ ବନ୍ଦ ଥିଲା। ଶନିବାର ସେ ଫେରି ଦୋକାନ ଖୋଲିବା ପରେ ସୁନା ଓ ରୂପା ଅଳଙ୍କାର ଗାଏବ ଥିବା ଦେଖିଥିଲେ। ଏହାପରେ ସେ ସିସିଟିଭି ଫୁଟେଜ ଯାଞ୍ଚ କରିଥିଲେ।
ସିସିଟିଭି ଫୁଟେଜରେ ଦୁଇ ଜଣ ମୁଖା ପିନ୍ଧା ଦୁର୍ବୃତ୍ତ ଦୋକାନରେ ପ୍ରବେଶ କରି ଚୋରି କରୁଥିବା ଦୃଶ୍ୟ କଏଦ ହୋଇଥିବା ଜଣାପଡ଼ିଛି। ଦୋକାନ ମାଲିକ ତୁରନ୍ତ ପୁଲିସକୁ ଖବର ଦେବା ପରେ ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିଲା।
ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଦୁର୍ବୃତ୍ତମାନେ ଦୋକାନର ମୁଖ୍ୟ ତାଲା ଭାଙ୍ଗି ନଥିଲେ। ବରଂ ଛାତ ଦେଇ ଭିତରକୁ ପ୍ରବେଶ କରି ସିଡ଼ି ମାର୍ଗରେ ଦୋକାନକୁ ଯାଇଥିଲେ।
ସିସିଟିଭିରେ ଦେଖାଯାଇଛି ଯେ, ଦୁଇ ଦୁର୍ବୃତ୍ତ ଚାଦରରେ ମୁହଁ ଘୋଡ଼ାଇ ଦୋକାନ ଭିତରକୁ ପ୍ରବେଶ କରିଥିଲେ। ସେମାନେ ସମ୍ପୂର୍ଣ୍ଣ ଦୋକାନ ଖୋଜାଖୋଜି କରିବା ପରେ ସୁନା ଓ ରୂପା ଅଳଙ୍କାରକୁ ଏକ ବ୍ୟାଗରେ ଭରି ଘଟଣାସ୍ଥଳରୁ ଫେରାର ହୋଇଯାଇଥିଲେ।
ପୁଲିସ ସିସିଟିଭି ଫୁଟେଜ ଯାଞ୍ଚ କରିବା ସହ ଘଟଣାସ୍ଥଳରୁ ବିଭିନ୍ନ ପ୍ରମାଣ ସଂଗ୍ରହ କରୁଛି। ଏହି ଘଟଣାରେ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ ରଖାଯାଇ ପଚରାଉଚରା କରାଯାଉଛି।
ଭଞ୍ଜନଗର ଏସଡିପିଓ ଦୀପକ କୁମାର ମିଶ୍ର ମଧ୍ୟ ଘଟଣାସ୍ଥଳ ପରିଦର୍ଶନ କରି ତଦନ୍ତର ତଦାରଖ କରିଛନ୍ତି। ଚୋରିରେ ଆଉ କେହି ସମ୍ପୃକ୍ତ ଅଛନ୍ତି କି ନାହିଁ ଏବଂ ଚୋରି ହୋଇଥିବା ଗହଣା ଉଦ୍ଧାର ପାଇଁ ପୁଲିସ ତଦନ୍ତ ଜୋରଦାର କରିଛି।
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ଦେଶରେ ଚିକିତ୍ସା ଶିକ୍ଷା ଓ ସ୍ୱାସ୍ଥ୍ୟସେବାକୁ ଆହୁରି ସୁଦୃ...
୨୦୦୪ ଲୋକସଭା ନିର୍ବାଚନ ପରେ ଡ଼. ମନମୋହନ ସିଂହଙ୍କ ନେତୃତ୍...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ...
ରାଜଧାନୀ ଦିଲ୍ଲୀରେ ଆନ୍ଦୋଳନର ରାଜନୀତି ପୁଣିଥରେ ଚର୍ଚ୍ଚାର...
ଦେଶର ବିଭିନ୍ନ ସ୍ଥାନରେ ଚାଲିଥିବା ଛାତ୍ର ଆନ୍ଦୋଳନ ଏବଂ ପ୍...
ପ୍ରବଳ ବର୍ଷା ଯୋଗୁଁ ମୁମ୍ବାଇ ରେଳ ମଣ୍ଡଳରେ ରେଳ ଚଳାଚଳ ପ୍...
କେନ୍ଦ୍ର ଶିକ୍ଷାମନ୍ତ୍ରୀଧର୍ମେନ୍ଦ୍ର ପ୍ରଧାନଙ୍କ ଇସ୍ତଫାପର...
କେନ୍ଦ୍ର ସରକାର ଓ Cockroach Janta Party (CJP) ମଧ୍ୟରେ...
