ଅଦମ୍ୟ ଇଚ୍ଛାଶକ୍ତି ଓ କଠିନ ପରିଶ୍ରମ ଥିଲେ କୌଣସି ବାଧା ସଫଳତାର ପଥକୁ ଅଟକାଇ ପାରେନାହିଁ। ଏହାକୁ ପ୍ରମାଣ କରିଛନ୍ତି ଗଜପତି ଜିଲ୍ଲାର ଏକ ଆଦିବାସୀ ଯୁବକ ପ୍ରହ୍ଲାଦ ଭୂୟାଁ। ସଂଯୋଗ ଓ ଆର୍ଥିକ ସମସ୍ୟା ସତ୍ତ୍ୱେ ସେ ସହକାରୀ ନିର୍ବାହୀ ଯନ୍ତ୍ରୀ (Assistant Executive Engineer) ପଦବୀ ହାସଲ କରି ସମଗ୍ର ଅଞ୍ଚଳ ପାଇଁ ଗର୍ବର କାରଣ ପାଲଟିଛନ୍ତି।
ଗଜପତି ଜିଲ୍ଲାର ଚେଲାଗଡ଼ା ପଞ୍ଚାୟତ ଅନ୍ତର୍ଗତ ନୂଆଗଡ଼ ଗାଁର ବାସିନ୍ଦା ପ୍ରହ୍ଲାଦ ଭୂୟାଁ ରାୟଗଡ଼ି ଉଦୟଗିରି ବ୍ଲକର ଏକ ଦୁର୍ଗମ ଅଞ୍ଚଳରେ ରୁହନ୍ତି। ସେଠାରେ ମୋବାଇଲ ନେଟୱର୍କ ଓ ଇଣ୍ଟରନେଟ୍ ସୁବିଧା ନଥିବାରୁ ଅନଲାଇନ୍ ପଢ଼ା ଜାରି ରଖିବା ସେଥିପାଇଁ ବଡ଼ ଚ୍ୟାଲେଞ୍ଜ ଥିଲା। କିନ୍ତୁ ସେ ହାର ମାନିନଥିଲେ।
ପ୍ରତିଦିନ ସକାଳ ଓ ସନ୍ଧ୍ୟାରେ ପ୍ରାୟ ୨ କିଲୋମିଟର ଦୂରରେ ଥିବା ଏକ ପାହାଡ଼ ଉପରକୁ ଚଢ଼ି ଇଣ୍ଟରନେଟ୍ ସଂଯୋଗ ପାଇଁ ସେ ଅନଲାଇନ୍ ପାଠ ପଢ଼ୁଥିଲେ। ଆର୍ଥିକ ସମସ୍ୟା କାରଣରୁ ସେ ଅଫଲାଇନ୍ କୋଚିଂ ନେଇପାରିନଥିଲେ। ଅନଲାଇନ୍ କ୍ଲାସ୍ କରିବା ପରେ ଘରକୁ ଫେରି ନୋଟ୍ ପ୍ରସ୍ତୁତ କରି ଅଧ୍ୟୟନ ଜାରି ରଖୁଥିଲେ।
ପ୍ରହ୍ଲାଦଙ୍କ ଏହି କଠିନ ସଂଘର୍ଷ ଓ ନିଷ୍ଠା ତାଙ୍କୁ ଆଜି ସଫଳତାର ଶିଖରକୁ ପହଞ୍ଚାଇଛି। କଳିଙ୍ଗ ଷ୍ଟାଡିୟମରେ ଆୟୋଜିତ ନିଯୁକ୍ତି ମେଳାରେ ସେ ମୁଖ୍ୟମନ୍ତ୍ରୀଙ୍କ ହସ୍ତରୁ ନିଯୁକ୍ତି ପତ୍ର ଗ୍ରହଣ କରିଥିଲେ। ଏହା ତାଙ୍କ ଗାଁ ଓ ସମଗ୍ର ଗଜପତି ଜିଲ୍ଲା ପାଇଁ ଏକ ଗର୍ବର ମୁହୂର୍ତ୍ତ ପାଲଟିଛି।
ସ୍ଥାନୀୟ ଲୋକମାନେ ପ୍ରହ୍ଲାଦଙ୍କ ସଫଳତାକୁ ଉଚ୍ଚ ପ୍ରଶଂସା କରିଥିବା ବେଳେ ତାଙ୍କ ଜୀବନ ସଂଘର୍ଷ ଅନେକ ଯୁବପିଢ଼ୀଙ୍କ ପାଇଁ ପ୍ରେରଣା ହୋଇଛି। ଏହି ଘଟଣା ଦୁର୍ଗମ ଅଞ୍ଚଳରେ ଡିଜିଟାଲ ଓ ସଂଯୋଗ ବ୍ୟବସ୍ଥାର ଆବଶ୍ୟକତାକୁ ମଧ୍ୟ ସ୍ପଷ୍ଟ କରିଛି।
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
