କର୍ମଚାରୀ ଭବିଷ୍ୟ ନିଧି ସଂଗଠନ (EPFO)ର କୋଟି କୋଟି ସଦସ୍ୟଙ୍କ ପାଇଁ ଆସିଛି ଖୁସି ଖବର। ୨୦୨୫-୨୬ ଆର୍ଥିକ ବର୍ଷ ପାଇଁ ଘୋଷିତ୮.୨୫% ବାର୍ଷିକ ସୁଧଜୁଲାଇ ୧୫ରୁ ସଦସ୍ୟଙ୍କ PF ଖାତାରେ ଜମା କରିବା ପ୍ରକ୍ରିୟା ଆରମ୍ଭ ହୋଇଛି। ସମ୍ପ୍ରତି EPFOର ନୂଆ ଡିଜିଟାଲ୍ ପ୍ଲାଟଫର୍ମକୁ ସ୍ଥାନାନ୍ତର ପରେ ସଦସ୍ୟମାନେ ଏହି ଅପଡେଟ୍କୁ ଅପେକ୍ଷା କରିଥିଲେ।

EPFO ନିୟମ ଅନୁସାରେ PF ଖାତାରେ ପ୍ରତିମାସ ସୁଧର ହିସାବ କରାଯାଏ, କିନ୍ତୁ ବର୍ଷକୁ ଥରେ ସରକାରଙ୍କ ଅନୁମୋଦନ ପରେ ସମୁଦାୟ ସୁଧ ଏକାଥରେ ଜମା କରାଯାଏ। ୮.୨୫% ବାର୍ଷିକ ସୁଧ ଅନୁସାରେ ମାସିକ ହାର ପ୍ରାୟ୦.୬୮୮%ହେବ।

କେନ୍ଦ୍ର ଶ୍ରମ ଓ ନିଯୁକ୍ତି ମନ୍ତ୍ରୀ ମନସୁଖ ମାଣ୍ଡଭିୟାଙ୍କ ସୂଚନା ଅନୁସାରେ, ପ୍ରାୟ୩୪ କୋଟି ସଦସ୍ୟଙ୍କପାଇଁ୧.୪୪ ଲକ୍ଷ କୋଟି ଟଙ୍କାରୁ ଅଧିକ ସୁଧଜମା କରିବା ପ୍ରକ୍ରିୟା ଚାଲିଛି। ଏହି ସୁଧ ଧୀରେ ଧୀରେ ସଦସ୍ୟଙ୍କ ପାସ୍ବୁକ୍ରେ ଦେଖାଯିବ।

ସଦସ୍ୟମାନେ ନିଜ PF ବାଲାନ୍ସEPFO Member e-Sewa Portal,Passbook Liteକିମ୍ବାUMANG Appମାଧ୍ୟମରେ ଯାଞ୍ଚ କରିପାରିବେ। Passbook Lite ବ୍ୟବହାର ପାଇଁ ୧୨ ଅଙ୍କ ବିଶିଷ୍ଟ UAN, ପାସୱାର୍ଡ ଓ ଆଧାର ସଂଯୁକ୍ତ ମୋବାଇଲ୍କୁ ଆସୁଥିବା OTP ଆବଶ୍ୟକ ହେବ।

EPFO ପକ୍ଷରୁ କୁହାଯାଇଛି ଯେ ନୂଆ CITES ଡିଜିଟାଲ୍ ପ୍ଲାଟଫର୍ମକୁ ସ୍ଥାନାନ୍ତର ପରେ ଅନଲାଇନ୍ ସେବା ପୁଣି ଆରମ୍ଭ ହୋଇଥିଲେ ମଧ୍ୟ କିଛି PF କ୍ଲେମ୍ ଓ ଅନ୍ୟାନ୍ୟ ସେବାରେ ବିଳମ୍ବ ହୋଇପାରେ। ତେବେ ପାସ୍ବୁକ୍ରେ ସୁଧ ଦେଖାଇବାରେ ବିଳମ୍ବ ହେଲେ ମଧ୍ୟ ସଦସ୍ୟଙ୍କ ପ୍ରାପ୍ୟ ସୁଧ ରାଶିରେ କୌଣସି କମିବ ନାହିଁ।

EPF ହେଉଛି ସରକାର ସମର୍ଥିତ ଏକ ଅବସରକାଳୀନ ସଞ୍ଚୟ ଯୋଜନା, ଯେଉଁଥିରେ କର୍ମଚାରୀ ଓ ନିଯୋଜକ ଉଭୟେ କର୍ମଚାରୀଙ୍କ ମୂଳ ବେତନ ଓ ମହଙ୍ଗା ଭତ୍ତାର ୧୨% ଲେଖାଏଁ ଅବଦାନ ରଖିଥାନ୍ତି।