ଢେଙ୍କାନାଳ ଜିଲ୍ଲାର କାମାକ୍ଷାନଗର ଉପଖଣ୍ଡ ଅନ୍ତର୍ଗତ ଭୁବନ ବନାଞ୍ଚଳରେ ୧୫ଟି ବଣୁଆ ହାତୀଙ୍କ ପଲ ପ୍ରବେଶ କରିବା ପରେ ସ୍ଥାନୀୟ ଅଞ୍ଚଳରେ ଆତଙ୍କର ପରିବେଶ ସୃଷ୍ଟି ହୋଇଛି। ମଣିଷ-ହାତୀ ସଂଘର୍ଷକୁ ଏଡ଼ାଇବା ପାଇଁ ବନ ବିଭାଗ ପକ୍ଷରୁ ୨୪ ଘଣ୍ଟିଆ ସତର୍କ ନଜରଦାରୀ ବ୍ୟବସ୍ଥା କରାଯାଇଛି।
ସୂଚନା ଅନୁସାରେ, ୫ଟି ଦନ୍ତା ହାତୀ, ୭ଟି ମାଈ ହାତୀ ଏବଂ ୩ଟି ଛୁଆ ହାତୀ ସମେତ ମୋଟ ୧୫ଟି ହାତୀ ବ୍ରାହ୍ମଣୀ ନଦୀ ପାର ହୋଇ ଭୁବନ ବନାଞ୍ଚଳକୁ ପ୍ରବେଶ କରିଥିଲେ। ବୁଧବାର ବିଳମ୍ବିତ ରାତିରେ ପ୍ରସିଦ୍ଧ ହେଙ୍ଗୁଳାଇ ମନ୍ଦିର ନିକଟରେ ହାତୀ ପଲକୁ ଦେଖିବା ପରେ ଆଖପାଖ ଗ୍ରାମରେ ଭୟର ପରିବେଶ ଦେଖାଦେଇଥିଲା।
ଘଟଣା ଜାଣିବା ପରେ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ହାତୀପଲକୁ ଜଙ୍ଗଲ ଭିତରକୁ ଘଉଡ଼ାଇବା ପାଇଁ ପ୍ରୟାସ କରିଥିଲେ। କିନ୍ତୁ ଲଗାତାର ବର୍ଷା ଓ ବ୍ରାହ୍ମଣୀ ନଦୀରେ ପ୍ରବଳ ସ୍ରୋତ ଯୋଗୁଁ ଅଭିଯାନରେ ବାଧା ସୃଷ୍ଟି ହୋଇଥିଲା।
ପରେ ହାତୀପଲ ପୁଣିଥରେ ନଦୀ ପାର ହେବାକୁ ଚେଷ୍ଟା କରିଥିଲେ ମଧ୍ୟ ପ୍ରବଳ ସ୍ରୋତ କାରଣରୁ ସେମାନେ ପଛକୁ ଫେରି ମଠକରଗୋଳା ଅଞ୍ଚଳ ଆଡ଼କୁ ଯାଇଥିଲେ। ଏହା ପରେ ହାତୀମାନେ ଲୋକବସତି ମୁହାଁ କରିପାରନ୍ତି ବୋଲି ଗ୍ରାମବାସୀଙ୍କ ମଧ୍ୟରେ ଚିନ୍ତା ବଢ଼ିଛି।
ବନ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ପାଟ୍ରୋଲିଂ ବଢ଼ାଯାଇଛି ଏବଂ ହାତୀଙ୍କ ଗତିବିଧି ଉପରେ ନିରନ୍ତର ନଜର ରଖାଯାଉଛି। ମାଇକ୍ ଯୋଗେ ସ୍ଥାନୀୟ ଲୋକଙ୍କୁ ସଚେତନ କରାଯାଉଥିବା ବେଳେ, ବିଶେଷକରି ସନ୍ଧ୍ୟା ପରେ ଜଙ୍ଗଲ ନିକଟକୁ ନଯିବାକୁ ପରାମର୍ଶ ଦିଆଯାଇଛି।
ବନ ଅଧିକାରୀମାନେ ଲୋକଙ୍କୁ ଅନୁରୋଧ କରିଛନ୍ତି ଯେ, ହାତୀଙ୍କୁ କୌଣସି ପ୍ରକାର ଉତ୍ତେଜିତ କିମ୍ବା ଘଉଡ଼ାଇବାକୁ ଚେଷ୍ଟା ନକରନ୍ତୁ। କୌଣସି ଗାଁ ନିକଟରେ ହାତୀ ପଲ ଦେଖିଲେ ତୁରନ୍ତ ବନ ବିଭାଗକୁ ସୂଚନା ଦେବାକୁ ଅନୁରୋଧ କରାଯାଇଛି।
ଜନ୍ତର ମନ୍ତରରେ ହୋଇଥିବା ସମ୍ପ୍ରତିର ପ୍ରତିବାଦକୁ ନେଇ ପ୍ର...
ଭାରତୀୟ ସିନେମାର ବହୁ ପ୍ରତୀକ୍ଷିତ ଫିଲ୍ମ **‘ରାମାୟ...
ଭୁବନେଶ୍ୱର ଉପକଣ୍ଠବାଲିଅନ୍ତା ବଜାରରେ ଥିବା ଏକSBI ATMରୁ...
ହଲିଉଡ୍‌ର ଲୋକପ୍ରିୟ ଅଭିନେତା ଟମ୍ ହଲାଣ୍ଡ ପୁଣିଥରେ...
ପ୍ରାୟ ୨୦ ବର୍ଷ ପରେ ବଲିଉଡ୍‌ର ଲୋକପ୍ରିୟ ଫିଲ୍ମ **&...
ନବରଙ୍ଗପୁର ଜିଲ୍ଲାରଉମରକୋଟସହରରେ ଦିନ ଦ୍ୱିପ୍ରହରରେ ଘଟିଥି...
ବଲିଉଡ୍‌ର ବହୁ ପ୍ରତୀକ୍ଷିତ ଚଳଚ୍ଚିତ୍ର **‘ରା...
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
