ପ୍ରାୟ ୨୦ ବର୍ଷ ପରେ ବଲିଉଡ୍ର ଲୋକପ୍ରିୟ ଫିଲ୍ମ **'ଆୱାରାପନ୍'**ର ସିକ୍ୱେଲ୍ 'ଆୱାରାପନ୍ 2' ସହ ପୁଣି ଥରେ ଶିବମ୍ ଚରିତ୍ରରେ ଫେରିଛନ୍ତି ଅଭିନେତା ଇମ୍ରାନ୍ ହାସମି। ନିତିନ୍ କକ୍କରଙ୍କ ନିର୍ଦ୍ଦେଶନାରେ ଏବଂ ବିଶେଷ ଫିଲ୍ମସ୍ର ପ୍ରଯୋଜନାରେ ନିର୍ମିତ ଏହି ଫିଲ୍ମର ଅଫିସିଆଲ୍ ଟ୍ରେଲର ଆଜି ମୁକ୍ତି ପାଇଛି।
ଟ୍ରେଲରର ଆରମ୍ଭରୁ ହିଁ ଆହତ ଅବସ୍ଥାରେ ଜୀବନ ସହ ସଂଘର୍ଷ କରୁଥିବା ଶିବମ୍ଙ୍କ ଦୃଶ୍ୟ ଦର୍ଶକଙ୍କୁ ଆକର୍ଷିତ କରୁଛି। ପରେ ଶବାନା ଆଜମୀଙ୍କ ଚରିତ୍ର ରହସ୍ୟମୟ ଢଙ୍ଗରେ ପ୍ରବେଶ କରି କାହାଣୀକୁ ନୂଆ ମୋଡ଼ ଦେଇଛି।
ଟ୍ରେଲରରେ ଗନ୍ଫାଇଟ୍, ହାଇସ୍ପିଡ୍ ଚେଜ୍, ହ୍ୟାଣ୍ଡ-ଟୁ-ହ୍ୟାଣ୍ଡ କମ୍ବାଟ୍ ଏବଂ ବଡ଼ ଆକ୍ସନ୍ ସିକ୍ୱେନ୍ସ ଦେଖିବାକୁ ମିଳିଛି। ଅଭିନେତ୍ରୀ ଦିଶା ପାଟନୀ ମଧ୍ୟ ଏହି ଫିଲ୍ମରେ ନଜର ଆସିଛନ୍ତି। ତେବେ ଟ୍ରେଲରରେ ତାଙ୍କ ଚରିତ୍ରକୁ ରହସ୍ୟମୟ ରଖାଯାଇଛି।
ଫିଲ୍ମରେ ପ୍ରତିଶୋଧ, ଆତ୍ମମୁକ୍ତି, ବଞ୍ଚିବାର ସଂଘର୍ଷ ଏବଂ ଭାବପ୍ରବଣ କାହାଣୀକୁ ଗୁରୁତ୍ୱ ଦିଆଯାଇଛି। ୨୦୦୭ର 'ଆୱାରାପନ୍' ଫିଲ୍ମର ସଙ୍ଗୀତ ଏବଂ ଭାବନାକୁ ମନେ ପକାଇଦେଉଥିବା ଟ୍ରେଲର ସୋସିଆଲ୍ ମିଡିଆରେ ବେଶ୍ ପ୍ରଶଂସା ପାଉଛି।
ସିବିଏଫ୍ସି (CBFC) ଠାରୁ UA ସର୍ଟିଫିକେଟ୍ ପାଇଥିବା ଏହି ଫିଲ୍ମ ଅଗଷ୍ଟ ୧୪ ତାରିଖରେ ସିନେମା ହଲ୍ରେ ମୁକ୍ତି ପାଇବ। ପ୍ରଥମ ଫିଲ୍ମ ପରି ଏହି ସିକ୍ୱେଲ୍ ମଧ୍ୟ ଦର୍ଶକଙ୍କ ମନ ଜିତିପାରିବ କି ନାହିଁ, ତାହାକୁ ନେଇ ଏବେ ବେଶ୍ ଚର୍ଚ୍ଚା ଚାଲିଛି।
ବୀମା ନଥିବା ଯାନବାହନ ବିରୋଧରେ କଡ଼ା ପଦକ୍ଷେପ ନେବାକୁ ସୁପ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ନୂଆଦିଲ୍ଲୀ: ୨୦୨୦ ମସିହାରେ ଘଟିଥିବା ଦିଲ୍ଲୀ ସାମ୍ପ୍ରଦାୟି...
ସଂସଦରେPublic Examinations (Amendment) Bill, 2026ପା...
ଚେନ୍ନାଇ: ତାମିଲନାଡୁର ଶାସକ ଦଳ DMK କଂଗ୍ରେସ ବିରୋଧରେ ଗୁ...
ଭୁବନେଶ୍ୱର: ବନ୍ୟା ପରିସ୍ଥିତିକୁ ନେଇ ଚାଉଳ ବଣ୍ଟନରେ କୌଣସ...
ପରୀକ୍ଷା ପ୍ରଶ୍ନପତ୍ର ଲିକ୍ ବିରୋଧୀ ଆନ୍ଦୋଳନ ମାଧ୍ୟମରେ ଜା...
ଭାରତୀୟ ରିଜର୍ଭ ବ୍ୟାଙ୍କ (RBI) ବୁଧବାର ଘୋଷଣା କରିଛି ଯେ,...
ଆମେରିକାର କାଲିଫର୍ଣ୍ଣିଆରଟ୍ରମ୍ପ ନ୍ୟାସନାଲ୍ ଗଲ୍ଫ କ୍ଲବ୍ପ...
