ରଥଯାତ୍ରା ନା ଡିଜେ ପ୍ରତିଯୋଗିତା? ବାଲେଶ୍ୱର ଜିଲ୍ଲାର ଭୋଗରାଇ ବ୍ଲକ ଅନ୍ତର୍ଗତ ଏନ୍ଏମ୍ ପାଡ଼ିଆ ପଞ୍ଚାୟତ ଅଞ୍ଚଳରୁ ଆସିଛି ଏଭଳି ଏକ ଚିତ୍ର, ଯାହା ରଥଯାତ୍ରାର ଆଧ୍ୟାତ୍ମିକ ପରିବେଶ ଉପରେ ପ୍ରଶ୍ନ ଉଠାଇଛି। ମହାପ୍ରଭୁଙ୍କ ରଥଯାତ୍ରା ନାଁରେ ଏଠାରେ ବିରାଟ ଡିଜେ କମ୍ପିଟିସନର ଆୟୋଜନ ହୋଇଥିବା ଅଭିଯୋଗ ହୋଇଛି।
ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଏକାସାଙ୍ଗରେ ୫ରୁ ଅଧିକ ଡିଜେ ଗୋଟିଏ ସ୍ଥାନରେ ବଜାଯାଇଥିଲା। ଉଚ୍ଚ ଶବ୍ଦରେ ସାରା ଅଞ୍ଚଳ କମ୍ପି ଉଠିଥିବା ବେଳେ ରାତିସାରା ଡିଜେର ବିକଟାଳ ଶବ୍ଦ ଶୁଣିବାକୁ ମିଳିଥିଲା। ଡିଜେଗୁଡ଼ିକ ମଧ୍ୟରେ ଏକ ପ୍ରକାର ସାଉଣ୍ଡ କମ୍ପିଟିସନ ଚାଲିଥିବା ପରି ମନେ ହେଉଥିଲା।
ଏହି ଡିଜେ କମ୍ପିଟିସନ ଦେଖିବା ପାଇଁ ବହୁ ସଂଖ୍ୟାରେ ଲୋକଙ୍କ ଭିଡ଼ ମଧ୍ୟ ଜମିଥିଲା। ତେବେ ଏତେ ବଡ଼ ଆୟୋଜନ ସତ୍ତ୍ୱେ ସ୍ଥାନୀୟ ପୁଲିସ କୌଣସି ପଦକ୍ଷେପ ନେଇ ନଥିବା ଅଭିଯୋଗ ହୋଇଛି। ଏହାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
ରଥଯାତ୍ରା ପରି ଏକ ଆଧ୍ୟାତ୍ମିକ ଓ ସାଂସ୍କୃତିକ ପର୍ବରେ ଶବ୍ଦ ପ୍ରଦୂଷଣ ଓ ଅତ୍ୟଧିକ ଉଚ୍ଚ ଶବ୍ଦରେ ଡିଜେ ବ୍ୟବହାରକୁ ନେଇ ଅନେକେ ପ୍ରଶ୍ନ ଉଠାଇଛନ୍ତି। ସ୍ଥାନୀୟ ପ୍ରଶାସନ ଏବଂ ପୁଲିସ ଏ ନେଇ କି ପଦକ୍ଷେପ ନେଉଛି, ତାହା ଉପରେ ସମସ୍ତଙ୍କ ନଜର ରହିଛି।
ଭୁବନେଶ୍ୱର: ଓଡ଼ିଶାରେ ସରକାରୀ ଚାକିରି ଖୋଜୁଥିବା ଯୁବକଯୁବ...
ପଶୁଚିକିତ୍ସା ଇଣ୍ଟର୍ନଙ୍କ ଷ୍ଟାଇପେଣ୍ଡ୍ରେ ୭ ହଜାର ଟଙ୍କା...
ଇସ୍ରାଏଲ୍‌ର ରାଜନୀତିରେ ବଡ଼ ହଲଚଲ୍। ଦୀର୍ଘଦିନ ଧରି...
ଦୁନିଆରେ ଦିନକୁ ଦିନ ବଢ଼ୁଛି ସାଇବର ଆକ୍ରମଣ। ବ୍ୟାଙ୍କିଂ ବ...
ୱାଶିଂଟନ୍: ଆମେରିକାର ମଧ୍ୟବର୍ତ୍ତୀ ନିର୍ବାଚନ ପରେ ଡେମୋକ୍...
ଦୀପାବଳି ପୂର୍ବରୁ ଦିଲ୍ଲୀବାସୀଙ୍କ ଚିନ୍ତା ବଢ଼ାଇଛି...
ଭାରତରେ ରହୁଥିବା କିଛି ବର୍ଗର ବିଦେଶୀ ନାଗରିକଙ୍କୁ ବଡ଼ ଆଶ...
ରାତିରେ ହଠାତ୍ ଥରି ଉଠିଲା ଜମ୍ମୁ-କାଶ୍ମୀର ଓ ଲଦାଖର କିଛି...
