ବଙ୍ଗୋପସାଗରର ପଶ୍ଚିମ-କେନ୍ଦ୍ରୀୟ ଏବଂ ଏହାର ସଂଲଗ୍ନ ଉତ୍ତର-ପଶ୍ଚିମ ଅଞ୍ଚଳରେ ଥିବାଗଭୀର ଅବପାତଧୀରେ ଧୀରେ ପଶ୍ଚିମ ଦିଗକୁ ଗତି କରି ଉତ୍ତର ଆନ୍ଧ୍ରପ୍ରଦେଶ-ଦକ୍ଷିଣ ଓଡ଼ିଶା ଉପକୂଳ ଆଡ଼କୁ ମୁହାଁ କରିଛି। ଏହାର ପ୍ରଭାବରେ ଉପକୂଳ ଓ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ହେବାର ପୂର୍ବାନୁମାନ ରହିଛି।

ଗତ ୬ ଘଣ୍ଟା ମଧ୍ୟରେ ଏହି ପ୍ରଣାଳୀ ପ୍ରାୟ୭ କିମି ପ୍ରତି ଘଣ୍ଟା ବେଗରେ ପଶ୍ଚିମ ଦିଗକୁଗତି କରିଛି। ସେପ୍ଟେମ୍ବର ୨୨ ରାତି ୧୧ଟା ୩୦ ସୁଦ୍ଧା ଏହା ୧୮.୦° ଉତ୍ତର ଅକ୍ଷାଂଶ ଓ ୮୫.୦° ପୂର୍ବ ଦ୍ରାଘିମାରେ ଅବସ୍ଥିତ ଥିଲା।

🌊 ଆଜି ରାତିରେ ଉପକୂଳ ଅତିକ୍ରମ ସମ୍ଭାବନା

ପ୍ରକାଶିତ ସୂଚନା ଅନୁସାରେ, ଗଭୀର ଅବପାତଟି ଆନ୍ଧ୍ରପ୍ରଦେଶର କଳିଙ୍ଗପାଟଣମ୍ଠାରୁ ପ୍ରାୟ୧୦୦ କିମି ଦକ୍ଷିଣ-ପୂର୍ବ, ଗୋପାଳପୁରଠାରୁ୧୫୦ କିମି ଦକ୍ଷିଣଏବଂ ପୁରୀଠାରୁ ପ୍ରାୟ୨୨୦ କିମି ଦକ୍ଷିଣ-ଦକ୍ଷିଣପଶ୍ଚିମରେ ଥିଲା।

IMD ଡିଜି ଡ. ମୃତ୍ୟୁଞ୍ଜୟ ମହାପାତ୍ରଙ୍କ ଅନୁସାରେ, ଏହା ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରିସେପ୍ଟେମ୍ବର ୨୩ ରାତିରେ ବିଶାଖାପାଟଣା ଓ ଗୋପାଳପୁର ମଧ୍ୟରେ ଗଭୀର ଅବପାତ ଭାବେ ସ୍ଥଳଭାଗ ଅତିକ୍ରମ କରିପାରେ।

ସ୍ଥଳଭାଗ ଅତିକ୍ରମ ସମୟରେ ପବନର ବେଗ୫୫ରୁ ୬୫ କିମି ପ୍ରତି ଘଣ୍ଟାରହିପାରେ ଏବଂ ଝଟକା ପବନର ବେଗ୭୫ କିମି ପ୍ରତି ଘଣ୍ଟାପର୍ଯ୍ୟନ୍ତ ପହଞ୍ଚିପାରେ।

🌧️ ପ୍ରବଳ ବର୍ଷା ସହ ଭୂସ୍ଖଳନ ଆଶଙ୍କା

ଏହାର ପ୍ରଭାବରେ ଉପକୂଳ ଓ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ହୋଇପାରେ। ପାହାଡ଼ିଆ ଅଞ୍ଚଳରେ ଲଗାତାର ବର୍ଷା ଯୋଗୁଁଭୂସ୍ଖଳନ ଆଶଙ୍କାବଢ଼ିପାରେ। ଏହାସହ ନିମ୍ନାଞ୍ଚଳରେ ଜଳବନ୍ଦୀ ସମସ୍ୟା ମଧ୍ୟ ସୃଷ୍ଟି ହୋଇପାରେ।

ପ୍ରବଳ ପବନ ଯୋଗୁଁ ଛୋଟ ଗଛ ଉପୁଡ଼ିବା, ଡାଳ ଭାଙ୍ଗିବା ସହ ପନିପରିବା ଓ ଧାନ ଫସଲ ପ୍ରଭାବିତ ହେବାର ଆଶଙ୍କା ରହିଛି। ପୁରୁଣା ଟିଣ ଛାତ, ଚାଳଛପର ଓ ମାଟି ଘର ଭଳି ଦୁର୍ବଳ ଗଠନ ମଧ୍ୟ ପ୍ରଭାବିତ ହୋଇପାରେ।

ସେପ୍ଟେମ୍ବର ୨୪ରେ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ଜାରି ରହିପାରେ ଏବଂ ସେପ୍ଟେମ୍ବର ୨୫ରୁ ବର୍ଷାର ପ୍ରକୋପ କମିବା ସମ୍ଭାବନା ରହିଛି।

ପାଣିପାଗ ବିଭାଗ ଓ ପ୍ରଶାସନର ସତର୍କତା ଏବଂ ନିର୍ଦ୍ଦେଶାବଳୀ ପାଳନ କରିବା ସହ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି।