କଟକ ସହରର ଗଙ୍ଗାମନ୍ଦିର ଅଞ୍ଚଳରେ ଶୁକ୍ରବାର ପ୍ରଭାତରେ ଏକ ବିଲ୍ଡିଂର ତଳ ମହଲାରେ ଭୟାବହ ଅଗ୍ନିକାଣ୍ଡ ଘଟି ଅଞ୍ଚଳରେ ଆତଙ୍କ ସୃଷ୍ଟି ହୋଇଥିଲା। ନିଆଁ ଏକ ଷ୍ଟୋର ରୁମ୍ରୁ ଆରମ୍ଭ ହୋଇଥିବା ଜଣାପଡ଼ିଛି। ପ୍ରାଥମିକ ତଦନ୍ତରୁ ସର୍ଟ ସର୍କିଟ୍ ଯୋଗୁଁ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଥିଲେ ମଧ୍ୟ ଏହାର ସଠିକ୍ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ଘଟଣା ସମ୍ପର୍କରେ ସୂଚନା ପାଇବା ପରେ ୩ଟି ଅଗ୍ନିଶମ ଗାଡ଼ି ସହ ୧୦ରୁ ଅଧିକ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା କାମ ଆରମ୍ଭ କରିଥିଲେ। ଅଗ୍ନିକାଣ୍ଡ ତଳ ମହଲାର ୩ଟି କକ୍ଷକୁ ବ୍ୟାପିଯାଇଥିବାରୁ ଅଗ୍ନିଶମ କର୍ମଚାରୀମାନେ ଦ୍ୱାର ଭାଙ୍ଗି ଭିତରକୁ ପ୍ରବେଶ କରିଥିଲେ।
ଡେପୁଟି ଫାୟାର ଅଫିସର ଅବନୀ ସ୍ୱାଇଁ କହିଛନ୍ତି ଯେ, ଘଟଣାସ୍ଥଳରେ ପହଞ୍ଚିବା ପରେ ତୁରନ୍ତ ନିଆଁ ନିୟନ୍ତ୍ରଣ କାମ ଆରମ୍ଭ କରାଯାଇଥିଲା। ତଳ ମହଲାର ୩ଟି କକ୍ଷରେ ରଖାଯାଇଥିବା ପ୍ଲାଷ୍ଟିକ ସାମଗ୍ରୀ, ପ୍ଲାଇଉଡ୍, କାଠର ଫର୍ନିଚର ଓ ବ୍ୟବସାୟିକ ସାମଗ୍ରୀ ନିଆଁକୁ ଆହୁରି ଭୟାବହ କରିଥିଲା।
ନିଆଁ ପରେ ସମଗ୍ର ବିଲ୍ଡିଂ ଧୂଆଁରେ ଭରିଯାଇଥିଲା। ଘନ ଧୂଆଁ ଯୋଗୁଁ ଅଗ୍ନିଶମ କର୍ମଚାରୀମାନେ ଭିତରକୁ ପ୍ରବେଶ କରିବା ଓ କୁଲିଂ ଅପରେସନ କରିବାରେ ଅସୁବିଧାର ସମ୍ମୁଖୀନ ହୋଇଥିଲେ। ପରେ ଦୀର୍ଘ ସମୟର ଉଦ୍ୟମ ପରେ ନିଆଁକୁ ନିୟନ୍ତ୍ରଣ କରାଯାଇଥିଲା।
ଅଗ୍ନିକାଣ୍ଡରେ କାହାର ମୃତ୍ୟୁ କିମ୍ବା ଆହତ ଘଟିନଥିବା ବେଳେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ପ୍ରାଥମିକ ଅନୁମାନ କରାଯାଉଛି। କ୍ଷତିର ସଠିକ୍ ଆକଳନ ଏପର୍ଯ୍ୟନ୍ତ କରାଯାଇନାହିଁ।
ମୟୂରଭଞ୍ଜ ଜିଲ୍ଲା ପାଇଁ ଆସନ୍ତା ଜୁନ୍ ୨୦ ତାରିଖ ଏକ ଐତିହା...
ଚର୍ଚ୍ଚିତ ଚଳଚ୍ଚିତ୍ରମେଁ ୱାପାସ ଆଉଙ୍ଗାବର୍ତ୍ତମାନ ସୋସିଆଲ...
ଭାରତର ବିଭାଜନ ଇତିହାସର ଏକ ଅତ୍ୟନ୍ତ ସ୍ମରଣୀୟ ଓ ବେଦନାଦାୟ...
ଟିଟିଲାଗଡ଼ର ବିଶିଷ୍ଟ ବ୍ୟବସାୟୀ ଶମ୍ଭୁ ଅଗ୍ରୱାଲଙ୍କ ଉପରେ...
ଓଡ଼ିଶାବାସୀଙ୍କୁ ଖରା ଓ ଗରମରୁ କିଛିଟା ଆଶ୍ୱସ୍ତି ମିଳିବାକ...
ନିର୍ଦ୍ଦେଶକ ବୁଚ୍ଚି ବାବୁ ସାନାଙ୍କ ନିର୍ଦ୍ଦେଶିତ ଏବଂ ରାମ...
ଦକ୍ଷିଣ-ପଶ୍ଚିମ ମୌସୁମୀର ଆଗମନ ଏବଂ ପ୍ରବଳ ଗ୍ରୀଷ୍ମ ପ୍ରବା...
ରାଜ୍ୟରେ ଲାଗି ରହିଥିବା କାଳବୈଶାଖୀଜନିତ ବର୍ଷା, ଘଡ଼ଘଡ଼ି...
ଜି-୭ ଶିଖର ସମ୍ମିଳନୀରେ ଯୋଗଦେବା ସହ ପ୍ରଧାନମନ୍ତ୍ରୀ ନରେନ...
ଆସନ୍ତା ଖରିଫ ଋତୁକୁ ଦୃଷ୍ଟିରେ ରଖି କେନ୍ଦ୍ର ସରକାର ଏଲ୍ ନ...
ବିଶ୍ୱବ୍ୟାପୀ ବକ୍ସ ଅଫିସରେ ଐତିହାସିକ ସଫଳତା ହାସଲ କରିବା...
ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସ୍କୁଲ ପାଠ୍ୟପୁସ୍ତକରେ...
