ବେଙ୍ଗାଲୁରୁ ସ୍ଥିତ **National Law School of India University (NLSIU)**ର ୩୪ତମ ବାର୍ଷିକ ସମାବର୍ତ୍ତନ ସମାରୋହ ଶନିବାର ଅନୁଷ୍ଠିତ ହୋଇଛି। ଏହି ଅବସରରେ Chief Justice of India (CJI) ତଥା NLSIUର କୁଳାଧିପତି ସୂର୍ଯ୍ୟକାନ୍ତ ସମାରୋହ ପୂର୍ବରୁ ଉପୁଜିଥିବା ବିବାଦ ଓ ଅନିଶ୍ଚିତତା ଉପରେ ମତ ରଖିଛନ୍ତି।

CJI ସୂର୍ଯ୍ୟକାନ୍ତ କହିଛନ୍ତି, କିଛି ଅପ୍ରତ୍ୟାଶିତ ଓ ଦୁଃଖଦ ପରିସ୍ଥିତି, ଯାହାକୁ ସେ ‘କିଛି ବାହ୍ୟ ଶକ୍ତି’ ସହ ଯୋଡ଼ିଛନ୍ତି, ସେଥିପାଇଁ ସମାବର୍ତ୍ତନ ସମାରୋହ ଆୟୋଜନ ନେଇ ଅନିଶ୍ଚିତତା ଦେଖାଦେଇଥିଲା। ତେବେ ସେ ଏହି ‘ବାହ୍ୟ ଶକ୍ତି’ କିମ୍ବା ସେମାନଙ୍କ ଉଦ୍ଦେଶ୍ୟ ସମ୍ପର୍କରେ କୌଣସି ବିସ୍ତୃତ ସୂଚନା ଦେଇନାହାନ୍ତି।

ସୂଚନାଯୋଗ୍ୟ, NLSIUର ୩୪ତମ ସମାବର୍ତ୍ତନ ପ୍ରଥମେ ସେପ୍ଟେମ୍ବର ୧୨ରେ ହେବାକୁ ଥିଲା। କିନ୍ତୁ ‘ଅନିବାର୍ଯ୍ୟ ପରିସ୍ଥିତି’ ଦର୍ଶାଇ ଏହାକୁ ବାତିଲ କରାଯାଇଥିଲା। CJI ସୂର୍ଯ୍ୟକାନ୍ତ ଏବଂ Bar Council of India (BCI) ଅଧ୍ୟକ୍ଷ ମନନ କୁମାର ମିଶ୍ରଙ୍କ ସମାରୋହରେ ଯୋଗଦାନକୁ ନେଇ ଏକ ବର୍ଗର ଛାତ୍ରଙ୍କ ଆପତ୍ତି ପରେ ଏହି ବିବାଦ ଉପୁଜିଥିଲା। ପରେ ସମାରୋହକୁ ଅକ୍ଟୋବର ୧୭କୁ ପୁନଃନିର୍ଦ୍ଧାରଣ କରାଯାଇଥିଲା।

ସମାରୋହରେ CJI ଛାତ୍ରମାନଙ୍କୁବୌଦ୍ଧିକ ସ୍ୱାଧୀନତା, ଖୋଲା ଆଲୋଚନା ଏବଂ ମତଭେଦ ଥିଲେ ମଧ୍ୟ ଅନ୍ୟର ଗରିମାକୁ ସମ୍ମାନକରିବାକୁ ପରାମର୍ଶ ଦେଇଛନ୍ତି। ଆଇନ ପେସାରେ କେବଳ ଆଇନ ଓ ପୂର୍ବ ରାୟର ଜ୍ଞାନ ଯଥେଷ୍ଟ ନୁହେଁ; ନ୍ୟାୟ ପାଇଁ ଠିଆ ହେବାର ସାହସ ଏବଂ ଅନ୍ୟମାନଙ୍କ କଥା ଶୁଣିବାର ନମ୍ରତା ମଧ୍ୟ ଆବଶ୍ୟକ ବୋଲି ସେ କହିଛନ୍ତି।

CJI ଏହା ମଧ୍ୟ କହିଛନ୍ତି ଯେ ଛାତ୍ରମାନେ ଦମନ ପରିବର୍ତ୍ତେ ଖୋଲା ଆଲୋଚନାକୁ ବାଛିଛନ୍ତି ଏବଂ ଆଇନ ଶିକ୍ଷାର ମୂଳ ଉଦ୍ଦେଶ୍ୟ ହେଉଛି ଭିନ୍ନ ମତ ଓ ଦୃଷ୍ଟିକୋଣ ସହ ସାକ୍ଷାତ ହୋଇ ନିଜର ଚିନ୍ତନକୁ ଶକ୍ତିଶାଳୀ କରିବା।