Netflixର ନୂଆ ଜର୍ମାନ୍ ସାଇକୋଲଜିକାଲ୍ ଥ୍ରିଲର୍‘The Trap’ଏକ ଏମିତି କାହାଣୀ ନେଇ ଆସିଛି, ଯେଉଁଠି ଶୋକ, ସନ୍ଦେହ ଓ ପ୍ରତିଶୋଧ ମଧ୍ୟରେ ସତ୍ୟ ଖୋଜିବାର ଚେଷ୍ଟା ଦର୍ଶକଙ୍କୁ ଏକ ମାନସିକ ଖେଳ ଭିତରକୁ ନେଇଯାଏ। ଏହି ସିରିଜ୍ର ଲେଖକ ଓ ନିର୍ଦ୍ଦେଶକIsabel Kleefeld।

କାହାଣୀର କେନ୍ଦ୍ରରେ ଅଛନ୍ତି ବେଷ୍ଟସେଲିଂ ଲେଖିକାLisa Konrad। ପ୍ରାୟ ଏକ ଦଶନ୍ଧି ପୂର୍ବେ ତାଙ୍କ ସାନ ଭଉଣୀ Annaଙ୍କ ହତ୍ୟା ହୋଇଥିଲା ଏବଂ Lisa ନିଜେ ତାଙ୍କ ମୃତଦେହ ଦେଖିଥିଲେ। ଏହି ଘଟଣା ପରେ ତାଙ୍କ ଜୀବନ ସମ୍ପୂର୍ଣ୍ଣ ବଦଳିଯାଏ ଏବଂ ସେ ସମାଜଠାରୁ ଦୂରେ ଏକାକୀ ଜୀବନ ବିତାଇବାକୁ ଲାଗନ୍ତି।

Lisaଙ୍କ ବିଶ୍ୱାସ ଯେ ଜଣେ Berlin ସାମ୍ବାଦିକRobert Lenzenତାଙ୍କ ଭଉଣୀଙ୍କ ହତ୍ୟା ସହ ଜଡ଼ିତ। କିନ୍ତୁ କେବଳ ସନ୍ଦେହ ଆଧାରରେ ପୋଲିସ ମାମଲାକୁ ପୁଣି ଖୋଲିବାକୁ ପ୍ରସ୍ତୁତ ନୁହେଁ। ତଦନ୍ତକାରୀଙ୍କ ଅନୁସାରେ ଦୃଢ଼ ପ୍ରମାଣ, ବିଶେଷକରି DNA ପ୍ରମାଣ ଆବଶ୍ୟକ।

ଏହାପରେ Lisa ନିଜେ ପ୍ରମାଣ ଯୋଗାଡ଼ କରିବାର ଯୋଜନା କରନ୍ତି। ସେ ଏକ ଉପନ୍ୟାସ ଲେଖିବା ଆରମ୍ଭ କରନ୍ତି, ଯାହାର କାହାଣୀ ମଧ୍ୟ ଜଣେ ମହିଳାଙ୍କ ଭଉଣୀ ହତ୍ୟାକୁ ନେଇ। ଏହି ବାହାନାରେ Robertଙ୍କୁ ଘରକୁ ଡାକି ସାକ୍ଷାତକାର ନେବା ଏବଂ ଗୁପ୍ତ ଭାବେ ତାଙ୍କ DNA ନମୁନା ସଂଗ୍ରହ କରିବା ହେଉଛି Lisaଙ୍କ ଯୋଜନା।

ଏହି ଯୋଜନା ହିଁ ସିରିଜ୍ର ସବୁଠାରୁ ଆକର୍ଷଣୀୟ ଦିଗ। Lisaଙ୍କ ଏକାକୀ ଜୀବନ, ନିଜ ବିଶ୍ୱାସ ପ୍ରତି ଦୃଢ଼ତା ଏବଂ ନିଜେ ନ୍ୟାୟ ହାସଲ କରିବାର ଚେଷ୍ଟା କାହାଣୀରେ ଲଗାତାର ଟେନସନ୍ ସୃଷ୍ଟି କରେ। ତେବେ ସିରିଜ୍ଟି ଦର୍ଶକଙ୍କ ମନରେ ଏକ ପ୍ରଶ୍ନ ମଧ୍ୟ ରଖେ—Lisa ସତରେ ହତ୍ୟାକାରୀ ପାଖରେ ପହଞ୍ଚୁଛନ୍ତି ନା ତାଙ୍କ ଶୋକ ଓ ମାନସିକ ଅବସ୍ଥା ତାଙ୍କୁ ଏକ ଭୁଲ୍ ନିଷ୍କର୍ଷ ଆଡ଼କୁ ନେଉଛି?

ମୁଖ୍ୟ ଅଭିନେତ୍ରୀFriederike Bechtଙ୍କ ଅଭିନୟକୁ ରିଭ୍ୟୁରେ ବିଶେଷ ପ୍ରଶଂସା କରାଯାଇଛି। Lisaଙ୍କ ଭିତରର ଭୟ, ଦୁଃଖ ଓ ଦୃଢ଼ ବିଶ୍ୱାସକୁ ସେ ଶାନ୍ତ କିନ୍ତୁ ପ୍ରଭାବଶାଳୀ ଭାବେ ପ୍ରଦର୍ଶନ କରିଛନ୍ତି।

ତେବେ ‘The Trap’ର ଏକ ବଡ଼ ଦୁର୍ବଳତା ହେଉଛିକାହାଣୀର ବାସ୍ତବତା ଓ Lisaଙ୍କ ଉପନ୍ୟାସର କଳ୍ପନା ମଧ୍ୟରେ ବାରମ୍ବାର ପରିବର୍ତ୍ତନ। ଦୁଇଟି ଟାଇମଲାଇନ୍ର କିଛି ଚରିତ୍ର ଓ ଦୃଶ୍ୟ ପରସ୍ପର ସହ ସମାନ ହୋଇଥିବାରୁ କେତେକ ସ୍ଥାନରେ ଦର୍ଶକଙ୍କ ପାଇଁ କାହାଣୀକୁ ଅନୁସରଣ କରିବା କଷ୍ଟକର ହୋଇପାରେ।

ସମସ୍ତ ଦିଗକୁ ମିଶାଇ India Today୨.୫/୫ରେଟିଂ ଦେଇଛି। ରିଭ୍ୟୁ ଅନୁସାରେ, ଏହା ଏକ ଆକର୍ଷଣୀୟ psychological thriller ହୋଇଥିଲେ ମଧ୍ୟ କାହାଣୀର ଗଠନ ଆହୁରି ସ୍ପଷ୍ଟ ହୋଇଥାନ୍ତା ତେବେ ପ୍ରଭାବ ଅଧିକ ହୋଇପାରିଥାନ୍ତା।‘The Trap’ର ସମସ୍ତ ୬ଟି ଏପିସୋଡ୍ Netflixରେ streaming ହେଉଛି।