ବୌଦ୍ଧ ଜିଲ୍ଲାରେ ମହାନଦୀର ବନ୍ୟା ପରିସ୍ଥିତି ଧୀରେ ଧୀରେ ସ୍ୱାଭାବିକ ହେବାରେ ଲାଗିଛି। ଗୁରୁବାର ରାତି ୮ଟା ସୁଦ୍ଧା ବୌଦ୍ଧ ସେଚ୍ଛ ଆଇ.ବି. ନିକଟରେ ମହାନଦୀର ଜଳସ୍ତର୮୬.୯୮ ମିଟରରେକର୍ଡ କରାଯାଇଥିଲା, ଯାହା ବିପଦ ସଙ୍କେତଠାରୁ ତଳେ ରହିଛି। ସେହି ସମୟରେ ପ୍ରତି ସେକେଣ୍ଡରେ ପ୍ରାୟ୭,୬୪,୬୩୩ କ୍ୟୁସେକ୍ପାଣି ପ୍ରବାହିତ ହେଉଥିଲା।

ଜଳସ୍ତର କମିଥିଲେ ମଧ୍ୟ ହରଭଙ୍ଗା ବ୍ଲକର୧୦ରୁ ଅଧିକ ଗାଁଏବେ ମଧ୍ୟ ବନ୍ୟାଜଳ ଘେରରେ ରହିଛି।ଝରାସାଇ, ଶ୍ୟାମସୁନ୍ଦରପୁର, କରୋଡ଼ି, ମରଡ଼ା, କୁଦାସିଙ୍ଗା, ଢାଲପୁର ଓ ଖଣ୍ଡିଧାଲପୁରଭଳି ନଦୀକୂଳିଆ ଗାଁଗୁଡ଼ିକର ସଡ଼କ ଯୋଗାଯୋଗ ବିଚ୍ଛିନ୍ନ ହୋଇଛି।

ଜଗନ୍ନାଥ ରାସ୍ତାରେ ପାଣି, ଯାତାୟାତ ବନ୍ଦ

ବୌଦ୍ଧ-ହରଭଙ୍ଗାକୁ ସଂଯୋଗ କରୁଥିବାଜଗନ୍ନାଥ ରାସ୍ତାର ଦୁଇଟି ସ୍ଥାନରେ ପ୍ରାୟ ଦୁଇ ଫୁଟ ଉଚ୍ଚରେ ବନ୍ୟାଜଳ ପ୍ରବାହିତହେଉଛି। ଦୁର୍ଘଟଣାକୁ ଏଡ଼ାଇବା ପାଇଁ ଜିଲ୍ଲା ପ୍ରଶାସନ ଏହି ରାସ୍ତାକୁ ସିଲ୍ କରିଦେବା ସହ ସମସ୍ତ ପ୍ରକାର ଯାନବାହନ ଚଳାଚଳକୁ ବନ୍ଦ କରିଛି।

ହଜାର ହଜାର ଏକର ଚାଷଜମି ଜଳମଗ୍ନ

ବନ୍ୟାଜଳ ପ୍ରବେଶ କରିବାରୁ ବୌଦ୍ଧ ଜିଲ୍ଲାରହଜାର ହଜାର ଏକର ଚାଷଜମି ଜଳମଗ୍ନହୋଇପଡ଼ିଛି। ଧାନ ସମେତ ବିଭିନ୍ନ ଦଣ୍ଡାୟମାନ ଫସଲ କ୍ଷତିଗ୍ରସ୍ତ ହେବାର ଆଶଙ୍କାରେ ଚାଷୀମାନେ ଚିନ୍ତାରେ ପଡ଼ିଛନ୍ତି।

ସତର୍କ ରହିବାକୁ ପ୍ରଶାସନର ପରାମର୍ଶ

ନଦୀକୂଳ ଅଞ୍ଚଳର ଲୋକମାନଙ୍କୁ ସତର୍କ ରହିବାକୁ ଜିଲ୍ଲା ପ୍ରଶାସନ ପରାମର୍ଶ ଦେଇଛି। ପ୍ରଭାବିତ ଅଞ୍ଚଳଗୁଡ଼ିକରେ ରିଲିଫ୍ ଓ ଉଦ୍ଧାର କାର୍ଯ୍ୟ ଜାରି ରହିଛି। ପାଣି କମିବା ସହ ସାଧାରଣ ଜନଜୀବନ ସ୍ୱାଭାବିକ କରିବାକୁ ପ୍ରଶାସନ ପଦକ୍ଷେପ ନେଉଛି।