ମୁମ୍ବାଇର ପ୍ରସିଦ୍ଧତାଜ ହୋଟେଲକୁ ନେଇ ରବିବାର ବିଳମ୍ବିତ ରାତିରେ ଏକଧମକପୂର୍ଣ୍ଣ ଫୋନ୍ କଲ୍ଆସିବା ପରେ ସୁରକ୍ଷା ସଂସ୍ଥାମାନଙ୍କ ମଧ୍ୟରେ ଚାଞ୍ଚଲ୍ୟ ସୃଷ୍ଟି ହୋଇଥିଲା। କଲ୍ କରିଥିବା ବ୍ୟକ୍ତି ଦାବି କରିଥିଲେ ଯେ,‘ଦାଉଦ୍ ତାଜ ହୋଟେଲରେ ବୋମା ରଖିଛି।’
ସୂଚନା ଅନୁଯାୟୀ, ରାତି୧୨ଟା ୧୩ ମିନିଟ୍ସମୟରେ ନଭି ମୁମ୍ବାଇ ପୁଲିସ କଣ୍ଟ୍ରୋଲ ରୁମ୍କୁ ଏହି ଫୋନ୍ କଲ୍ ଆସିଥିଲା। ପରେ ସୂଚନାକୁ ତୁରନ୍ତ ମୁମ୍ବାଇ ପୁଲିସର ମୁଖ୍ୟ କଣ୍ଟ୍ରୋଲ ରୁମ୍କୁ ପଠାଯାଇଥିଲା।
ଖବର ପାଇବା ପରେକୋଲାବା ପୁଲିସ,ବୋମା ଚିହ୍ନଟ ଓ ନିଷ୍କ୍ରିୟକାରୀ ଦଳ (BDDS)ଏବଂ ଫରେନସିକ୍ ଟିମ୍ ତୁରନ୍ତ ତାଜ ହୋଟେଲରେ ପହଞ୍ଚିଥିଲେ।
ହୋଟେଲରମୁଖ୍ୟ ଲବି, ସୁଇମିଂ ପୁଲ୍, ରେଷ୍ଟୁରାଣ୍ଟ, ବିଭିନ୍ନ ହଲ୍, ପାର୍କିଂ ଅଞ୍ଚଳ ଓ ଅନ୍ୟାନ୍ୟ ସମ୍ବେଦନଶୀଳ ସ୍ଥାନରେବ୍ୟାପକ ତଲାସି କରାଯାଇଥିଲା।
ତେବେ ଦୀର୍ଘ ସମୟ ଧରି ଚାଲିଥିବା ତଲାସି ସତ୍ତ୍ୱେକୌଣସି ବୋମା କିମ୍ବା ସନ୍ଦେହଜନକ ବସ୍ତୁ ମିଳିନଥିଲା।
ପ୍ରାରମ୍ଭିକ ବୈଷୟିକ ତଦନ୍ତରୁ ଜଣାପଡ଼ିଛି ଯେ, ଏହି ଧମକପୂର୍ଣ୍ଣ କଲ୍ନଭି ମୁମ୍ବାଇର ତୁର୍ଭେ ଅଞ୍ଚଳରୁକରାଯାଇଥିଲା। ସେହି ମୋବାଇଲ୍ ନମ୍ବର ଆଧାରରେ ପୁଲିସ ସନ୍ଦିଗ୍ଧ ବ୍ୟକ୍ତିଙ୍କୁ ଚିହ୍ନଟ କରିବା ପାଇଁ ତଦନ୍ତ ଜାରି ରଖିଛି।
ଘଟଣା ପରେ ତାଜ ହୋଟେଲରେସୁରକ୍ଷା ବ୍ୟବସ୍ଥାକୁ ଅଧିକ କଡ଼ାକଡ଼ି କରାଯାଇଛିଏବଂ ଅତିରିକ୍ତ ପୁଲିସ ମୁତୟନ କରାଯାଇଛି।
ଉଲ୍ଲେଖଯୋଗ୍ୟ ଯେ, କିଛି ମାସ ପୂର୍ବରୁ ମଧ୍ୟ ତାଜ ହୋଟେଲକୁ ନେଇ ସମାନ ପ୍ରକାରର ଧମକପୂର୍ଣ୍ଣ କଲ୍ ଆସିଥିଲା। ପୁଲିସ ଏହି ଘଟଣାକୁ ଗୁରୁତ୍ୱର ସହ ନେଇ ତଦନ୍ତ ଜାରି ରଖିଛି।
ଦେଶରେ ଜରୁରୀ ଔଷଧକୁ ସାଧାରଣ ଲୋକଙ୍କ ପାଇଁ ଅଧିକ ସୁଲଭ ଓ ସ...
ଓମାନ ଉପକୂଳ ନିକଟବର୍ତ୍ତୀହର୍ମୁଜ୍ ପ୍ରଣାଳୀରେ ସାଇପ୍ରସ ପତ...
ଭବିଷ୍ୟତର ଯୁଦ୍ଧରେ କୃତ୍ରିମ ବୁଦ୍ଧିମତା (AI)ର ବ୍ୟବହାର ବ...
ଆମେରିକା ଓ ଇରାନ ମଧ୍ୟରେ ଉତ୍ତେଜନା ପୁଣି ଥରେ ବଢ଼ୁଥିବା ବ...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନ୍ୟୁଜିଲାଣ୍ଡ ଗସ୍ତ ଦୁ...
ରବିବାର ଭୋର ସମୟରେବଙ୍ଗୋପସାଗରରେ ୪.୫ ତୀବ୍ରତାର ଭୂମିକମ୍ପ...
ନ୍ୟୁଜିଲାଣ୍ଡର ଅକଲାଣ୍ଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ...
ଝାରସୁଗୁଡ଼ାର ପୂର୍ବତନ ବିଜେଡି ବିଧାୟିକାଅଳକା ମହାନ୍ତିଶନି...
