ରାଜଧାନୀ ଭୁବନେଶ୍ୱରର ଅଚ୍ୟୁତପୁର ଅଞ୍ଚଳରେ ମାତ୍ର ୧,୨୦୦ ଟଙ୍କା ଋଣକୁ ନେଇ ହିଂସାକାଣ୍ଡ ଘଟିଛି। ଋଣ ଫେରସ୍ତ ଦାବିକୁ କେନ୍ଦ୍ର କରି ଜଣେ ଯୁବକ ଓ ତାଙ୍କ ମା'ଙ୍କୁ ଖଣ୍ଡାରେ ଆକ୍ରମଣ କରାଯାଇଥିବା ଅଭିଯୋଗ ହୋଇଛି।
ଆହତ ଯୁବକଙ୍କ ନାମ ଦେବାଶିଷ ହୋଇଥିବାବେଳେ ମୁଖ୍ୟ ଅଭିଯୁକ୍ତଙ୍କ ନାମ ନିରଞ୍ଜନ ବୋଲି ଜଣାପଡ଼ିଛି। ଆହତ ଉଭୟଙ୍କୁ ଗୁରୁତର ଅବସ୍ଥାରେ ବାଲିପାଟଣା ମେଡିକାଲରେ ଭର୍ତ୍ତି କରାଯାଇଛି।
ସୂଚନା ଅନୁସାରେ, ଋଣ ରାଶି ଫେରସ୍ତ ହେବା ପରେ ମଧ୍ୟ ବିବାଦ ସୃଷ୍ଟି ହୋଇଥିଲା। ଅଭିଯୁକ୍ତ ନିରଞ୍ଜନ ପ୍ରାୟ ୧୦ରୁ ୧୨ ଜଣଙ୍କୁ ସାଙ୍ଗରେ ନେଇ ଦେବାଶିଷଙ୍କ ଘରେ ଜୋରଜବରଦସ୍ତି ପଶିଥିଲେ।
ଏହାପରେ ଦେବାଶିଷ, ତାଙ୍କ ସ୍ତ୍ରୀ ଓ ମା'ଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ଘଟଣା ସମୟରେ ଦେବାଶିଷଙ୍କ ଛୋଟ ଶିଶୁ ମଧ୍ୟ ଘରେ ଉପସ୍ଥିତ ଥିଲା।
ଆକ୍ରମଣରେ ଦେବାଶିଷଙ୍କ ଗୋଡ଼ରେ ଗୁରୁତର ଆଘାତ ଲାଗିଥିବାବେଳେ ତାଙ୍କ ମା'ଙ୍କ ମୁଣ୍ଡରେ ଆଘାତ ଲାଗିଛି। ପରିବାର ଲୋକେ ତୁରନ୍ତ ସେମାନଙ୍କୁ ଚିକିତ୍ସା ପାଇଁ ମେଡିକାଲକୁ ନେଇଥିଲେ।
ଘଟଣା ପରେ ବାଲିପାଟଣା ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଫେରାର ଅଭିଯୁକ୍ତମାନଙ୍କୁ ଧରିବା ପାଇଁ ପୋଲିସ ଏକ ସ୍ୱତନ୍ତ୍ର ଟିମ୍ ଗଠନ କରି ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।
ଖବର ଲେଖାଯିବା ସୁଦ୍ଧା କୌଣସି ଅଭିଯୁକ୍ତଙ୍କୁ ଗିରଫ କରାଯାଇନଥିଲା। ପୋଲିସ ଘଟଣାର ସମସ୍ତ ଦିଗକୁ ନେଇ ତଦନ୍ତ କରୁଛି।
ଭୁବନେଶ୍ୱର: ଆଲୋକର ପର୍ବ ଦୀପାବଳିକୁ ଆଉ ଅଳ୍ପ ଦିନ ବାକି।...
ଦେଶରେ ବଢ଼ୁଥିବା ତାପମାତ୍ରା ଏବେ କେବଳ ସାଧାରଣ ଜନଜୀବନକୁ...
ଭୁବନେଶ୍ୱର: ଓଡ଼ିଶାରେ ବାତ୍ୟା ଓ ବର୍ଷାକୁ ନେଇ ପୁଣି ବଢ଼ି...
ଭାରତରେ ଡେଙ୍ଗୁ ରୋଗର ମୁକାବିଲା ପାଇଁ ଏକ ନୂଆ ଆଶା ସୃଷ୍ଟି...
କନ୍ଧମାଳ: ଗଞ୍ଜାମ-କନ୍ଧମାଳ ସୀମାନ୍ତ ଗିଡ଼ିପାବଳି ଗାଁରେ ଭ...
ସକାଳୁ ଦାନ୍ତ ଘଷିବା ବେଳେ ଅସାବଧାନତା ଯୋଗୁଁ ଜଣେ ବ୍ୟକ୍ତି...
ପୁଣି ଚର୍ଚ୍ଚାରେ ଓଡ଼ିଶା-ଆନ୍ଧ୍ର ସୀମା ବିବାଦୀୟ ଅଞ୍ଚଳ କୋ...
ନୂଆଦିଲ୍ଲୀ: ଆଜିକାଲି ଅଧିକାଂଶ ଲୋକ ଅସୁସ୍ଥ ହେଲେ ହିଁ ଡାକ...
