ଭୁବନେଶ୍ୱରର ଡେମୋନଷ୍ଟ୍ରେସନ୍ ମଲ୍ଟିପର୍ପୋଜ୍ ସ୍କୁଲ (DM School)କୁ କେନ୍ଦ୍ରୀୟ ବିଦ୍ୟାଳୟ ସଂଗଠନ (KVS)କୁ ହସ୍ତାନ୍ତର କରିବା ପ୍ରସ୍ତାବକୁ ନେଇ ବିବାଦ ଦେଖାଦେଇଛି। ପ୍ରସ୍ତାବିତ ହସ୍ତାନ୍ତରକୁ ବିରୋଧ କରି ଅଭିଭାବକ ଓ ପୁରାତନ ଛାତ୍ରଛାତ୍ରୀମାନେ ଯୋଜନା ପ୍ରତ୍ୟାହାର ଦାବି କରିଛନ୍ତି। ଛାତ୍ରଛାତ୍ରୀମାନେ ମଧ୍ୟ ସ୍କୁଲର ସ୍ୱତନ୍ତ୍ର ପରିଚୟ ଓ ଐତିହ୍ୟ ବଜାୟ ରଖିବାକୁ ଦାବି କରିଛନ୍ତି।
ସୋମବାର ପ୍ରସ୍ତାବ ବିରୋଧରେ ଅଭିଭାବକମାନେ ପ୍ରତିବାଦ କରିବା ସହ ସ୍କୁଲ କର୍ତ୍ତୃପକ୍ଷଙ୍କୁ ଭେଟିଥିଲେ। ଏହି ପ୍ରସଙ୍ଗରେ ଆବଶ୍ୟକ ତଦନ୍ତ କରାଯିବ ବୋଲି ସ୍କୁଲ କର୍ତ୍ତୃପକ୍ଷ ଅଭିଭାବକମାନଙ୍କୁ ଆଶ୍ୱାସନ ଦେଇଥିବା ଜଣାପଡ଼ିଛି।
ଏହି ପ୍ରସ୍ତାବ କେବଳ ଭୁବନେଶ୍ୱରର DM School ପାଇଁ ନୁହେଁ। ଭୁବନେଶ୍ୱର ସମେତ ଅଜମେର, ଭୋପାଳ ଓ ମହୀଶୂରରେ ଥିବା ମୋଟ ୪ଟି PM SHRI Demonstration Multipurpose Schoolକୁ KVSକୁ ହସ୍ତାନ୍ତର କରିବା ନେଇ ପ୍ରସ୍ତାବ ରହିଛି।
ଗତ ଅଗଷ୍ଟ ୭ ତାରିଖରେ National Council of Educational Research and Training (NCERT) ଏକ କମିଟି ଗଠନ କରିଥିଲା। ଏହି କମିଟି ୪ଟି ସ୍କୁଲକୁ KVSକୁ କିପରି ହସ୍ତାନ୍ତର କରାଯିବ, ସେନେଇ ପ୍ରକ୍ରିୟା ନିର୍ଦ୍ଧାରଣ କରିବା ସହ ଏକ ମାସ ମଧ୍ୟରେ ରିପୋର୍ଟ ଦେବାକୁ ଥିଲା। ସୋମବାର ଏହି ସମୟସୀମା ଶେଷ ହୋଇଛି।
ଭୁବନେଶ୍ୱର DM School ୧୯୬୪ ମସିହାରେ ପ୍ରତିଷ୍ଠିତ ହୋଇଥିଲା। ଏହା Regional Institute of Education ସହ ସଂଯୁକ୍ତ ରହିଛି।
ସାଧାରଣ ସ୍କୁଲ ଭଳି ଏହି ଅନୁଷ୍ଠାନ କେବଳ ପାଠପଢ଼ା ପାଇଁ ପ୍ରତିଷ୍ଠିତ ହୋଇନଥିଲା। ଶିକ୍ଷା କ୍ଷେତ୍ରରେ ନୂଆ ପଦ୍ଧତି ପରୀକ୍ଷା କରିବା, ଶିକ୍ଷା ସମ୍ପର୍କିତ ଗବେଷଣାକୁ ସହଯୋଗ କରିବା ଏବଂ ଶିକ୍ଷକ ପ୍ରଶିକ୍ଷାର୍ଥୀଙ୍କୁ ବ୍ୟବହାରିକ ପ୍ରଶିକ୍ଷଣ ଦେବା ଏହାର ପ୍ରମୁଖ ଉଦ୍ଦେଶ୍ୟ ଥିଲା।
ଏହି ଐତିହାସିକ ଭୂମିକା ଯୋଗୁଁ ସ୍କୁଲର ସ୍ୱତନ୍ତ୍ର ପରିଚୟ ରହିଛି ବୋଲି ଅଭିଭାବକମାନେ କହିଛନ୍ତି। ଏହାର ଐତିହ୍ୟକୁ ସୁରକ୍ଷିତ ରଖିବା ସହ ହସ୍ତାନ୍ତର ପୂର୍ବରୁ ଛାତ୍ରଛାତ୍ରୀ ଓ ଅନ୍ୟ ହିତଧାରୀଙ୍କ ସହ ପର୍ଯ୍ୟାପ୍ତ ଆଲୋଚନା କରାଯାଇନଥିବା ମଧ୍ୟ ସେମାନେ ଅଭିଯୋଗ କରିଛନ୍ତି।
DM Schoolର ପୁରାତନ ଛାତ୍ର ସଂଘ ମଧ୍ୟ ପ୍ରସ୍ତାବିତ ହସ୍ତାନ୍ତରକୁ ବିରୋଧ କରିଛି।
ନିକଟରେ ଅନୁଷ୍ଠିତ ଏକ ଜରୁରୀ ବୈଠକରେ ପୁରାତନ ଛାତ୍ରମାନେ ଏହି ପ୍ରସଙ୍ଗରେ ଆଲୋଚନା କରିଥିଲେ। ପରେ ପ୍ରସ୍ତାବ ପ୍ରତ୍ୟାହାର କରିବାକୁ କେନ୍ଦ୍ର ଶିକ୍ଷାମନ୍ତ୍ରୀ ଏବଂ NCERT ନିର୍ଦ୍ଦେଶକଙ୍କ ନିକଟରେ ବିସ୍ତୃତ ପ୍ରତିନିଧିତ୍ୱ ପତ୍ର ଦିଆଯାଇଥିବା ଜଣାପଡ଼ିଛି।
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
