ରାଜ୍ୟରେ ଗ୍ରୀଷ୍ମ ପ୍ରବାହ ବଢ଼ିବା ସହ ଜଳ ସଙ୍କଟ ଭୟାବହ ରୂପ ନେଇଛି। ଘରେ ଘରେ ପାନୀୟ ଜଳ ପହଞ୍ଚାଇବା ପାଇଁ ସରକାରଙ୍କ ‘ବସୁଧା’ ଯୋଜନାରେ କୋଟି କୋଟି ଟଙ୍କା ବ୍ୟୟ ହେଉଥିବା ବେଳେ ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକର ବାଣିଆ ପଞ୍ଚାୟତ ଅନ୍ତର୍ଗତ ନୂଆ ବାଦପଲ୍ଲୀ ଗାଁରେ ଦେଖିବାକୁ ମିଳିଛି ଏହାର ବିପରୀତ ଚିତ୍ର।
ଗାଁରେ ପାଇପ୍ ପୋତାଯାଇଛି ଏବଂ ଘର ଆଗରେ ଟ୍ୟାପ୍ ମଧ୍ୟ ଲଗାଯାଇଛି, କିନ୍ତୁ ସେଥିରୁ ପାଣି ଆସୁନାହିଁ। ଫଳରେ ୧୨୦ରୁ ଅଧିକ ପରିବାର ଗୁରୁତର ଜଳ ସମସ୍ୟାରେ ପଡ଼ିଛନ୍ତି।
ଗାଁର ନଳକୂପ ଅଚଳ ଥିବାରୁ ଲୋକମାନେ ଦୂରଦୂରାନ୍ତରେ ଧାଇଁ ଗରାଏ ପାଣି ଆଣୁଛନ୍ତି। ଯେପରି ପାଣି ମିଳୁଛି ସେଥି ମଧ୍ୟ ପିଇବା ଯୋଗ୍ୟ ନୁହେଁ। ଶେଷରେ ଜୀବନ ରକ୍ଷା ପାଇଁ ଲୋକେ ବିଲ ମଝିରେ ଥିବା କୂଅରୁ ପାଣି ଆଣି ଛାଣି ପିଉଛନ୍ତି।
ଖରା ପ୍ରଭାବ ବଢ଼ିବା ସହ ଗାଁର ପୋଖରୀ ମଧ୍ୟ ଶୁଖିଯାଇଛି। ପିଇବା ପାଣି ତ ଦୂରର କଥା, ଦୈନନ୍ଦିନ କାମକାଜ ପାଇଁ ମଧ୍ୟ ପାଣି ମିଳୁନାହିଁ।
ଏହି ସମସ୍ୟାର ପ୍ରଭାବ ଚାଷ କାମରେ ମଧ୍ୟ ପଡ଼ିଛି। ଲୋକେ ଚାଷ ଛାଡ଼ି ପାଣି ଆଣିବାରେ ବ୍ୟସ୍ତ ହେଉଛନ୍ତି। ଫସଲ ପାଇଁ ଥିବା କୂଅର ପାଣିକୁ ପିଇବା ପାଇଁ ବ୍ୟବହାର କରାଯାଉଥିବାରୁ ରବି ଚାଷ ମଧ୍ୟ ପ୍ରଭାବିତ ହେଉଛି।
ଗ୍ରାମବାସୀମାନେ ଅନେକଥର ଅଭିଯୋଗ କରିଥିଲେ ମଧ୍ୟ ପାନୀୟ ଜଳ ବିଭାଗ ପକ୍ଷରୁ କୌଣସି ସ୍ଥାୟୀ ସମାଧାନ ହୋଇନାହିଁ। ଯୋଜନା ହୋଇଥିଲେ ମଧ୍ୟ ତାହାର ସଠିକ୍ କାର୍ଯ୍ୟନ୍ୱୟନ ନ ହେବାରୁ ଲୋକମାନେ ଦୁଃଖ ଭୋଗୁଛନ୍ତି।
ଏବେ ପ୍ରଶାସନ କେବେ ଏହି ସମସ୍ୟାର ସମାଧାନ କରିବ ଓ ଗ୍ରାମବାସୀଙ୍କୁ ପିଇବା ପାଣି ଯୋଗାଇଦେବ, ସେଥି ପ୍ରତି ସମସ୍ତଙ୍କ ଦୃଷ୍ଟି ରହିଛି।
ଦିଲ୍ଲୀ ପୁଲିସର ସ୍ପେଶାଲ ସେଲ୍ ଏକ ବଡ଼ ଆତଙ୍କବାଦୀ ଷଡ଼ଯନ୍...
ତାମିଲନାଡୁରେ ମୁଖ୍ୟମନ୍ତ୍ରୀ ବିଜୟ ଥାଲାପତିଙ୍କ ନେତୃତ୍ୱାଧ...
ରୁଷ-ୟୁକ୍ରେନ ଯୁଦ୍ଧ ଆରମ୍ଭ ହେବା ପରଠାରୁ ଉଭୟ ପକ୍ଷର ବ୍ୟା...
ଆଫଗାନିସ୍ତାନ ଓ ପାକିସ୍ତାନ ମଧ୍ୟରେ ସୀମା ତଣାପୋଡ଼ ଆହୁରି...
ଦେଶର ଅନ୍ୟତମ ପବିତ୍ର ତୀର୍ଥଯାତ୍ରା ଶ୍ରୀ ଅମରନାଥ ଯାତ୍ରା-...
ଶୁଳ୍କ ବିବାଦ ପରେ ଭାରତ ଓ ଆମେରିକା ମଧ୍ୟରେ ସମ୍ପର୍କ ସୁଧା...
ସମାଜବାଦୀ ପାର୍ଟିର ଜାତୀୟ ଅଧ୍ୟକ୍ଷ ଏବଂ ଉତ୍ତର ପ୍ରଦେଶର ପ...
ଉତ୍ତରପ୍ରଦେଶ କଂଗ୍ରେସ ସଭାପତି ଅଜୟ ରାୟ ଅଯୋଧ୍ୟା ଗସ୍ତକୁ...
କର୍ଣ୍ଣାଟକର ଦକ୍ଷିଣ ବେଙ୍ଗାଲୁରୁରେ ଗୁରୁବାର ସକାଳେ ଏକ ପଥ...
ଇସ୍ରାଏଲକୁ ଆତ୍ମନିର୍ଭର କରିବା ଦିଗରେ ବଡ଼ ସଙ୍କେତ ଦେଇଛନ୍...
ବ୍ୟକ୍ତିଗତ ଅଧିକାର ଓ ପ୍ରତିଷ୍ଠା ସୁରକ୍ଷା ପାଇଁ ସାଂସଦ ରା...
ଉତ୍ତର ପ୍ରଦେଶରେ ଆଗାମୀ ନିର୍ବାଚନକୁ ନଜରରେ ରଖି କଂଗ୍ରେସ...
