ଲକ୍ଷ୍ନୌ:ନେପାଳରେ ଭୟଙ୍କର ବନ୍ୟା ଓ ଭୂସ୍ଖଳନ ପରେ ଏହାର ପ୍ରଭାବ ଏବେ ପଡ଼ୋଶୀ ଭାରତର ଉତ୍ତରପ୍ରଦେଶରେ ମଧ୍ୟ ଦେଖିବାକୁ ମିଳିଛି। ନେପାଳର ବନ୍ୟା ପ୍ରଭାବିତ ଅଞ୍ଚଳରୁ ନାରାୟଣୀ-ଗଣ୍ଡକ ନଦୀ ପ୍ରଣାଳୀ ଦେଇ ଭାସି ଆସିଥିବା୧୩ଟି ମୃତଦେହ କୁଶୀନଗରରୁ ଉଦ୍ଧାରହୋଇଛି।
ଅଧିକାରୀଙ୍କ ସୂଚନା ଅନୁସାରେ, ଉଦ୍ଧାର ହୋଇଥିବା ୧୩ଟି ମୃତଦେହ ମଧ୍ୟରେ୬ ଜଣ ପୁରୁଷ ଓ ୭ ଜଣ ମହିଳାରହିଛନ୍ତି। ଜିଲ୍ଲା ପ୍ରଶାସନ ଓ State Disaster Response Force (SDRF) ଟିମ୍ ନଦୀ ଉପରେ ନଜର ରଖିବା ସହ ଭାସି ଆସୁଥିବା ମୃତଦେହଗୁଡ଼ିକୁ ଉଦ୍ଧାର କରୁଛନ୍ତି।
ଉଦ୍ଧାର ହୋଇଥିବା ୧୩ଟି ମୃତଦେହ ମଧ୍ୟରୁ୬ଟି କୁଶୀନଗର ମେଡିକାଲ୍ କଲେଜର ମର୍ଚୁଆରିରେ ଡିପ୍ ଫ୍ରିଜରରେସୁରକ୍ଷିତ ରଖାଯାଇଛି। ଅନ୍ୟ ୭ଟି ମୃତଦେହକୁ ଗୋରଖପୁରରAIIMSକୁ ପଠାଯାଇଛି।
ମୃତଦେହଗୁଡ଼ିକର ପରିଚୟ ଜାଣିବା ପାଇଁ ପ୍ରକ୍ରିୟା ଚାଲିଛି। କୁଶୀନଗର ଜିଲ୍ଲା ପ୍ରଶାସନ ପକ୍ଷରୁ ନିୟମ ଅନୁସାରେ ମୃତଦେହଗୁଡ଼ିକୁ ସଂରକ୍ଷଣ କରାଯାଉଛି। ପୋଷ୍ଟମର୍ଟମ ସମେତ ଆବଶ୍ୟକ ଆଇନଗତ ପ୍ରକ୍ରିୟା ସରିବା ପରେ ମୃତଦେହଗୁଡ଼ିକୁ ନେପାଳ ପ୍ରଶାସନକୁ ହସ୍ତାନ୍ତର କରାଯିବ।
ମୃତଦେହଗୁଡ଼ିକର ପରିଚୟ ଏବଂ ସେଗୁଡ଼ିକୁ ସମ୍ପୃକ୍ତ ପରିବାର ପାଖରେ ପହଞ୍ଚାଇବା ପାଇଁ ଭାରତୀୟ ଅଧିକାରୀମାନେବୈଦେଶିକ ମନ୍ତ୍ରଣାଳୟ (MEA)ମାଧ୍ୟମରେ ନେପାଳ ସରକାର ସହ ତଥ୍ୟ ଆଦାନପ୍ରଦାନ କରୁଛନ୍ତି।
ନଦୀରେ ମାନବ ମୃତଦେହ ସହ ବିଭିନ୍ନ ପଶୁଙ୍କ ମୃତଦେହ ମଧ୍ୟ ଭାସି ଆସୁଥିବା ଅଧିକାରୀମାନେ କହିଛନ୍ତି।
ଏହି ଘଟଣା ମଧ୍ୟରେ ଉତ୍ତରପ୍ରଦେଶରମହାରାଜଗଞ୍ଜ ଜିଲ୍ଲାରୁ ଆଉ ୪ଟି ଅପରିଚିତ ମୃତଦେହଉଦ୍ଧାର କରାଯାଇଥିଲା। ପୋଷ୍ଟମର୍ଟମ ପରେ ଏହି ମୃତଦେହଗୁଡ଼ିକୁ ନେପାଳ ପ୍ରଶାସନକୁ ହସ୍ତାନ୍ତର କରାଯାଇଛି।
ଏହି ୪ ଜଣଙ୍କ ମଧ୍ୟରେ୩ ଜଣ ମହିଳା ଓ ଜଣେ ପୁରୁଷଥିଲେ। ଅଗଷ୍ଟ ୨୭ରେ ଗଣ୍ଡକ ନଦୀରୁ ସେମାନଙ୍କ ମୃତଦେହ ଉଦ୍ଧାର ହୋଇଥିଲା। ପରିଚୟ ଜଣାପଡ଼ିନଥିବାରୁ ମହାରାଜଗଞ୍ଜ ଜିଲ୍ଲା ହସ୍ପିଟାଲର ମର୍ଚୁଆରିରେ ରଖାଯାଇଥିଲା।
ପୋଷ୍ଟମର୍ଟମ ସମୟରେ ସମସ୍ତ ୪ଟି ମୃତଦେହରDNA ନମୁନା ସଂଗ୍ରହକରାଯାଇଛି। ନେପାଳରେ ନିଖୋଜ ବ୍ୟକ୍ତିଙ୍କ ପରିବାରର DNA ସହ ମେଳ କରି ପରିଚୟ ଜାଣିବା ପାଇଁ ଏହି ତଥ୍ୟ ନେପାଳ ପ୍ରଶାସନକୁ ଦିଆଯିବ।
ନେପାଳ ସୀମାକୁ ଲାଗିଥିବା ମହାରାଜଗଞ୍ଜରେ ବନ୍ୟା ପରେ ପ୍ରଶାସନ ହାଇ ଆଲର୍ଟ ଜାରି କରିଥିଲା। ନେପାଳରୁ ଆସୁଥିବା ପାଣି ଯୋଗୁଁ ନଦୀରେ ପ୍ରବଳ ସ୍ରୋତ ରହିଥିବାରୁ ନଦୀ ଓ ଜଳାଶୟ ଉପରେ ଲଗାତାର ନଜର ରଖାଯାଉଛି।
ନେପାଳର ବନ୍ୟାରେ ମୃତ୍ୟୁସଂଖ୍ୟା୯୦୩ରେ ପହଞ୍ଚିଥିବାବେଳେ ୪,୨୪୭ ଜଣ ନିଖୋଜଥିବା ସେଠାକାର କର୍ତ୍ତୃପକ୍ଷଙ୍କ ସୂଚନାରୁ ଜଣାପଡ଼ିଛି।
ଭୁବନେଶ୍ୱର: ୧୭ କୋଟି ୨୨ ଲକ୍ଷରୁ ଅଧିକ ଟଙ୍କାର ଚିଟ୍&zwnj...
ମୟୂରଭଞ୍ଜ: ଯାତ୍ରୀଙ୍କ ପାଇଁ ଗୁରୁତ୍ୱପୂର୍ଣ୍ଣ ଖବର। ଓଡ଼ିଶ...
ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟ ଘୂର୍ଣ୍ଣିବଳୟ ଆହୁରି...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଭୁବନେଶ୍ୱର: ମହଙ୍ଗା ବଜାର ଓ ବେକାରୀ ସମେତ ବିଭିନ୍ନ ପ୍ରସଙ...
ବାରିପଦା: ନେପାଳରେ ଭୟଙ୍କର ବନ୍ୟା ମଧ୍ୟରେ ଫସିଥିବା ଓଡ଼ିଆ...
