ନୂଆଦିଲ୍ଲୀ: ଜୁଲାଇ ମାସରେ ଦିଲ୍ଲୀରେ ହୋଇଥିବା ଛାତ୍ର ଆନ୍ଦୋଳନ ସଂପର୍କିତ ୧୩ଟି FIR ଆଉ ଆଗକୁ ଚଳାଇବାକୁ ଚାହୁଁନି ଦିଲ୍ଲୀ ପୋଲିସ। ଏନେଇ ପୋଲିସ ସୁପ୍ରିମକୋର୍ଟଙ୍କ ନିକଟରେ ଆବେଦନ କରିଛି।

ଜୁଲାଇ ୨୦ରୁ ୨୫ ମଧ୍ୟରେ ଜାତୀୟ ରାଜଧାନୀରେ ହୋଇଥିବା ଛାତ୍ର ଆନ୍ଦୋଳନ ଓ ଏହା ସଂପର୍କିତ ଘଟଣାକୁ ନେଇ ଦିଲ୍ଲୀ ପୋଲିସ ୧୩ଟି FIR ରୁଜୁ କରିଥିଲା। ତେବେ ଜୁଲାଇ ୨୫ରେ କେନ୍ଦ୍ର ସରକାର ଏହି ମାମଲାଗୁଡ଼ିକୁ ଆଗକୁ ନବଢ଼ାଇବା ନେଇ ନିଷ୍ପତ୍ତି ନେଇଥିବା ପୋଲିସ ନିଜ ଆବେଦନରେ ଦର୍ଶାଇଛି।

୧୩ FIR ରଦ୍ଦ ପାଇଁ SCରେ ଆବେଦନ

ଦିଲ୍ଲୀ ପୋଲିସ କହିଛି ଯେ, ଜୁଲାଇ ୨୦ରୁ ୨୫ ମଧ୍ୟରେ ହୋଇଥିବା ଆନ୍ଦୋଳନ ସଂପର୍କିତ ୧୩ଟି FIR ଆଉ ଚଳାଇବାକୁ ସେମାନେ ଚାହୁଁନାହାନ୍ତି। ତେଣୁ ଏହି FIRଗୁଡ଼ିକୁ ରଦ୍ଦ କରିବାକୁ ସୁପ୍ରିମକୋର୍ଟଙ୍କ ଅନୁମତି ମଗାଯାଇଛି।

୨୮୭୩ ଜଣଙ୍କ ବିରୋଧରେ ନୂଆ FIR!

ତେବେ ଏହି ମାମଲାରେ ଦିଲ୍ଲୀ ପୋଲିସ ଏକ ନୂଆ ପଦକ୍ଷେପ ନେବାକୁ ଚାହୁଁଛି। ୨,୮୭୩ ଜଣଙ୍କ ବିରୋଧରେ ଅଲଗା ଭାବେ ଏକ ନୂଆ FIR ରୁଜୁ କରିବାକୁ ପୋଲିସ ସୁପ୍ରିମକୋର୍ଟଙ୍କ ଅନୁମତି ମାଗିଛି।

ପୋଲିସର ଆବେଦନ ଅନୁସାରେ, ଏହି ୨,୮୭୩ ଜଣଙ୍କ ମଧ୍ୟରେ ଗୁରୁତର ଅପରାଧିକ ପୃଷ୍ଠଭୂମି (serious criminal antecedents) ଥିବା ବ୍ୟକ୍ତିମାନେ ରହିଛନ୍ତି। ଅଗଷ୍ଟ ୩, ୨୦୨୬ର ସୁପ୍ରିମକୋର୍ଟଙ୍କ ଆଦେଶରେ ‘criminal antecedents’ର ଯେଉଁ ବ୍ୟାଖ୍ୟା ଦିଆଯାଇଛି, ତାହା ଅନୁସାରେ ନୂଆ FIR ଓ ପରବର୍ତ୍ତୀ ତଦନ୍ତ କରାଯିବ ବୋଲି ପୋଲିସ କହିଛି।

ପୁରୁଣା ଘଟଣା ପାଇଁ ଆଉ FIR ନୁହେଁ

ଦିଲ୍ଲୀ ପୋଲିସ ସ୍ପଷ୍ଟ କରିଛି ଯେ, ବର୍ତ୍ତମାନର ଆବେଦନରେ ଥିବା ଘଟଣାଗୁଡ଼ିକ ସଂପର୍କରେ ନୂଆ କୌଣସି FIR ରୁଜୁ କରାଯିବ ନାହିଁ। କେବଳ ଚିହ୍ନଟ ହୋଇଥିବା ୨,୮୭୩ ଜଣଙ୍କ ବିରୋଧରେ ନୂଆ ଭାବେ FIR ରୁଜୁ କରିବା ପାଇଁ ଅନୁମତି ମଗାଯାଇଛି।

ଏହିପରି ଭାବେ ୧୩ଟି ପୁରୁଣା FIR ରଦ୍ଦ କରିବା ଏବଂ ୨,୮୭୩ ଜଣଙ୍କ ବିରୋଧରେ ପୃଥକ FIR ରୁଜୁ କରି ଆଗକୁ ତଦନ୍ତ କରିବା ପାଇଁ ଦିଲ୍ଲୀ ପୋଲିସ ସୁପ୍ରିମକୋର୍ଟଙ୍କ ଅନୁମତି ଚାହିଁଛି।