ଭୁବନେଶ୍ୱର ଉପକଣ୍ଠ ବାଲିଅନ୍ତାରେ ଜିଆରପି କନଷ୍ଟେବଳ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁକୁ ନେଇ ସୃଷ୍ଟି ହୋଇଥିବା ଚର୍ଚ୍ଚିତ ହିଂସାକାଣ୍ଡ ଘଟଣାର ତଦନ୍ତକୁ ଆହୁରି ଜୋରଦାର କରିଛି ଜାତୀୟ ମାନବାଧିକାର ଆୟୋଗ (ଏନଏଚଆରସି)।
ଏହି ଘଟଣା ସମ୍ପର୍କରେ ଆୟୋଗ ନିକଟରେ ହୋଇଥିବା ଅଭିଯୋଗ ଆଧାରରେ ଏକ ଦୁଇ ସଦସ୍ୟ ବିଶିଷ୍ଟ ତଦନ୍ତକାରୀ ଦଳ ସୋମବାର ଭୁବନେଶ୍ୱରରେ ପହଞ୍ଚି ତଦନ୍ତ ଆରମ୍ଭ କରିଛି। ଦଳଟି ଜୁନ୍ ୧ ରୁ ୬ ତାରିଖ ପର୍ଯ୍ୟନ୍ତ ଓଡ଼ିଶାରେ ରହି ଘଟଣାର ବିଭିନ୍ନ ଦିଗ ଉପରେ ଖୋଳତାଡ଼ କରିବ।
ତଦନ୍ତ ସମୟରେ ହିଂସାକାଣ୍ଡ ଘଟିବାର ପରିସ୍ଥିତି, ଆଇନ ଶୃଙ୍ଖଳା ରକ୍ଷାକାରୀ ସଂସ୍ଥାର ପ୍ରତିକ୍ରିୟା ଏବଂ ପୁଲିସର ଅବହେଳା ସମ୍ପର୍କିତ ଅଭିଯୋଗ ଯାଞ୍ଚ କରାଯିବ। ଏହା ସହିତ ଟ୍ୱିନ୍ ସିଟି ପୁଲିସ କମିଶନର, ଡିସିପି ଏବଂ ଗୃହ ବିଭାଗର ଓଏସଡି ଦୟାଲ ଗଙ୍ଗୱାରଙ୍କୁ ମଧ୍ୟ ଆୟୋଗ ସମ୍ମୁଖରେ ହାଜର ହେବାକୁ ନୋଟିସ ଜାରି କରାଯାଇଥିବା ସୂଚନା ମିଳିଛି।
ଏନଏଚଆରସି ଦଳ ସୌମ୍ୟ ରଞ୍ଜନଙ୍କ ପରିବାର ସଦସ୍ୟ, ପ୍ରତ୍ୟକ୍ଷଦର୍ଶୀ ଏବଂ ଅନ୍ୟ ସମ୍ପୃକ୍ତ ବ୍ୟକ୍ତିଙ୍କ ବୟାନ ରେକର୍ଡ କରିବ। ଘଟଣା ସମ୍ପର୍କିତ ଭାଇରାଲ ଭିଡିଓ, ଉପଲବ୍ଧ ରେକର୍ଡ ଏବଂ ସାକ୍ଷୀଙ୍କ ବୟାନ ମଧ୍ୟ ଯାଞ୍ଚ କରାଯିବ।
ଏହା ସହିତ ପୁଲିସ ପକ୍ଷରୁ କୌଣସି ତ୍ରୁଟି କିମ୍ବା ବିଳମ୍ବ ଘଟଣାକୁ ଅଧିକ ଗୁରୁତର କରିଥିଲା କି ନାହିଁ, ସେ ନେଇ ମଧ୍ୟ ତଦନ୍ତ ହେବ।
ଏହି ମାମଲାରେ ସୋମବାର ପୂର୍ବତନ ବାଲିଅନ୍ତା ଥାନା ଆଇଆଇସି ଅନିଲ କୁମାର ପରିଡା ଏନଏଚଆରସି ଦଳ ସମ୍ମୁଖରେ ହାଜର ହୋଇଥିଲେ। ଘଟଣା ପରେ ତାଙ୍କୁ ବଦଳି କରାଯାଇ ପୁଲିସ କମିଶନରଙ୍କ କାର୍ଯ୍ୟାଳୟକୁ ପଠାଯାଇଥିଲା।
ଆୟୋଗର ତଦନ୍ତ ରିପୋର୍ଟ ଘଟଣାର ପ୍ରକୃତ ସତ୍ୟ, ପୁଲିସର ଭୂମିକା ଏବଂ କୌଣସି ମାନବାଧିକାର ଉଲ୍ଲଂଘନ ଘଟିଥିଲା କି ନାହିଁ, ସେଥିପାଇଁ ଗୁରୁତ୍ୱପୂର୍ଣ୍ଣ ସୂଚନା ଦେବ ବୋଲି ଆଶା କରାଯାଉଛି।
ଆଇପିଏଲ୍‌ ୨୦୨୬ରେ ରାଜସ୍ଥାନ ରୟାଲ୍ସର ଓପେନିଂ ଯୋଡ଼ି...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
ଭାରତରେ ଶିଶୁମାନଙ୍କ ମଧ୍ୟରେ ବଢ଼ୁଥିବା ଡାଇବେଟିସ୍‌...
ଆଇପିଏଲ୍‌ ୨୦୨୬ରେ ସନରାଇଜର୍ସ ହାଇଦ୍ରାବାଦ ଓ ରୟାଲ୍&...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ପରେ ଜୁନ୍ ୨୧ରେ...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଅକ୍ଷର ପଟେଲ୍‌ ଚଳିତ...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ଏବଂ ପରୀକ୍ଷା ବ...
ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ପଶ୍ଚିମ ଏସିଆର...
ଦେଶର ସଡ଼କ ଭିତ୍ତିଭୂମି ବିକାଶକୁ ଆହୁରି ଗତିଶୀଳ କରିବା ଲକ...
ଆଇପିଏଲ୍ ୨୦୨୬ରୁ କୋଲକାତା ନାଇଟ୍ ରାଇଡର୍ସ ବାଦ୍ ପଡ଼ିବା ପ...
