୨୦ ଜଣ ଗିରଫ, ୧୧ ଜଣଙ୍କ ବିରୋଧରେ ଚାର୍ଜସିଟ୍

ସୂଚନା ଅନୁସାରେ, ମେ’ ୭ ତାରିଖରେ ବାଲିଅନ୍ତାର ରାମଚନ୍ଦ୍ରପୁର କଜ୍ ବ୍ରିଜ୍ ନିକଟରେ GRP କନଷ୍ଟେବଳ ସୌମ୍ୟରଞ୍ଜନ ସ୍ୱାଇଁଙ୍କୁ ମାଡ଼ ମାରି ହତ୍ୟା କରାଯାଇଥିବା ଅଭିଯୋଗ ହୋଇଥିଲା।

ଘଟଣାର ତଦନ୍ତ କରି କମିଶନରେଟ୍ ପୁଲିସ ପ୍ରଥମେ ୧୧ ଜଣଙ୍କୁ ଗିରଫ କରିଥିଲା। ପରେ କ୍ରାଇମବ୍ରାଞ୍ଚ ଆଉ ୯ ଜଣଙ୍କୁ ଗିରଫ କରିଥିଲା। ଫଳରେ ମାମଲାରେ ମୋଟ ୨୦ ଜଣ ଗିରଫ ହୋଇଥିଲେ।

ତଦନ୍ତ ପରେ କ୍ରାଇମବ୍ରାଞ୍ଚ ୧୧ ଜଣଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ଥିବା ଦର୍ଶାଇ ଚାର୍ଜସିଟ୍ ଦାଖଲ କରିଛି। ଅନ୍ୟ ୯ ଜଣଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ନମିଳିବାରୁ ସେମାନଙ୍କ ନାମ ଚାର୍ଜସିଟ୍ରେ ସ୍ଥାନ ପାଇନଥିବା ସୂଚନା ମିଳିଛି।

୬ ଜଣ ଜାମିନରେ ଜେଲରୁ ବାହାରିଲେ

ଚାର୍ଜସିଟ୍ରେ ନାମ ନଥିବା ୯ ଜଣଙ୍କ ମଧ୍ୟରୁ ୬ ଜଣଙ୍କୁ କୋର୍ଟ ଜାମିନ ପ୍ରଦାନ କରିଛନ୍ତି। ଜାମିନ ପାଇବା ପରେ ସେମାନେ ଝାରପଡ଼ା ଜେଲରୁ ବାହାରିଛନ୍ତି।

ଏହି ଘଟଣା ପରେ ପୁଲିସ କେଉଁ ଆଧାରରେ ଏହି ୯ ଜଣଙ୍କୁ ଗିରଫ କରିଥିଲା, ତାହାକୁ ନେଇ ପ୍ରଶ୍ନ ଉଠିଛି। ପ୍ରାଥମିକ ତଦନ୍ତରେ ମିଳିଥିବା ତଥ୍ୟ ଓ ପ୍ରମାଣ ପରବର୍ତ୍ତୀ ତଦନ୍ତରେ ପ୍ରମାଣିତ ହୋଇନଥିଲା କି ବୋଲି ମଧ୍ୟ ଚର୍ଚ୍ଚା ହେଉଛି।

ଆହୁରି ୫ରୁ ୬ ଅଭିଯୁକ୍ତ ଫେରାର

ଏହି ମାମଲାରେ ଆହୁରି ୫ରୁ ୬ ଜଣ ଅଭିଯୁକ୍ତ ଫେରାର ଥିବା ଜଣାପଡ଼ିଛି। ସେମାନଙ୍କୁ ଧରିବା ପାଇଁ ତଦନ୍ତ ଜାରି ରହିଛି।

ଏପଟେ, ଗିରଫ ହୋଇଥିବା ୯ ଜଣଙ୍କ ମଧ୍ୟରୁ ୬ ଜଣଙ୍କୁ ଚାର୍ଜସିଟ୍ରେ ସାମିଲ ନକରାଯିବା ଏବଂ ସେମାନଙ୍କ ଜାମିନ ପରେ ମାମଲାର ତଦନ୍ତକୁ ନେଇ ନୂଆ ପ୍ରଶ୍ନ ସୃଷ୍ଟି ହୋଇଛି।

ତେବେ ଏହି ପ୍ରସଙ୍ଗରେ କମିଶନରେଟ୍ ପୁଲିସ ପକ୍ଷରୁ ଏପର୍ଯ୍ୟନ୍ତ କୌଣସି ସ୍ପଷ୍ଟ ପ୍ରତିକ୍ରିୟା ମିଳିନାହିଁ।